12 ॱङेटोगो बेथानीने खोङबाक्या फेई घाङला येशु टेवालाक।
धेनी खोङबा ङीन-छेन श्यीपच्यु थुक्पे, ॱङ्युङनेला श्युक्सारती खोङबा टेवालाक।
धेनी लोमागी तुम्दा, सेयापगी दोङबो च्यीक ग्याङने, खोङबागी शीक्ती होदुरु छो़येला, स्यीङदोक रे हो़टु साम्दी डामदु फेप्पालाक। हीना सेयापगी दोङबोला स्यीङदोक के मारीन्बा, लोमा माना श्येम्मा घीया मेगीनगो खोङबागी शीक्पालाक।
ॱङेटो ॱङारोकगो खोङबाक्या सेयापगी दोङबोने फेई घाङला, होदे चावाने काम्गा थोवालाक।
होदुरु श्याक्मो श्यीपच्यु थुक्पे, खोङबाला धी़कगी छो़ता झ्येवालाक। होदे श्याक्मो श्यीपच्यु घाङला, खोङबागी श्येलाक घीन्दा माश्येबा थाला खोङबा टेवालाक।
होदे स्याम्ने धा घीरी डुप्कीनगो खेन्दा जेदी, खोङबागी सुङरापला ढीक्टागो डुप्येगी क्षीला “ङा खा कोमी” सुरी सुवालाक।
होझ्येरी मीक्याई धीक्पागी धीकस्याक पुयेला, खोङबा को़न्क्षोकगी श्याप्ची श्युगीन ॱङीङजेचेन धाङ ॱलोते छोक्पा क्षो़पो़न क्षे झ्युङयेगी क्षीदु, खोङ येशु नी, छोक घीरीने राङगी पी़नक्या च्योक्रे ग्युर घो़वालाक।
