मारकु 10:52 - ॱलोवा

⁵² धेनी येशुगी खोला सुवालाक, “राङगी लाम्‍गाला सोङ। ख्‍यो़री धेपागी ख्‍यो़ चो़गा झ्‍युजुङ।” लाम्‍साङ मीगो ॱमीक थोङगीन झ्‍युवालाक धेनी येशुगी स्‍याबाला डावालाक।

मारकु 10:52 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 12:22

धा डेगी शीम्‍सा ॱमीक ॱमेथोङगीन धाङ लाब ताङ ॱमीथुप्‍कीन मी च्‍यीक, येशुगी दोङदु ठीक्‍ती होवालाक। धेनी खोङबागी खोला ढाक्‍सो ॱनारी, खो लाब ताङ थुप्‍कीन धाङ थोङगीन झ्‍युवालाक।

मेथा 15:28

धेनी येशुगी मोला सुवालाक, “भोमो, ख्‍यी़ धेपा क्षे दुक। ख्‍यी़ धेपा च्‍योक्‍रे ख्‍यो़ला झ्‍युङास्‍योक।” होदे घाङलाराङ मी़ भोमोगो ढाक्‍पालाक।

मेथा 21:14

श्‍यारा धाङ श्‍याक्‍योकक्‍या क्षो़खाङदु खोङबागी दोङदु होवालाक धेनी खोङबागी खुङक्‍याला ढाक्‍सो़ ॱनावालाक।

मेथा 8:3

धेनी येशुगी क्षाक क्‍याङदी, खोला जुरी सुवालाक, “ङा झ्‍यीदो़ हो़क। ख्‍यो़ चाङमा झ्‍युङ।” धेनी लाम्‍साङ खी़ जेने दाक्‍पालाक।

मेथा 9:22

येशु ग्‍याप लोक्‍ती मोला शीक्‍पालाक धेनी सुवालाक, “भोमो, सेम ल्‍हो़ झ्‍यी, खेरी धेपागी ख्‍यो़ला फेन्‍बालाक।” धेनी होदे घाङलाराङ होदे केमीगो ढाक्‍पालाक।

मारकु 1:31

धेनी खोङबा मी़ भोलोक्‍तु फेप्‍ती, लाक्‍पा शीम्‍दी मोला याला ॱलाङा जेपालाक। धेनी छावागी मोला तावालाक धेनी मी़ खोङबाक्‍याला श्‍याप्‍ची श्‍यी़वालाक।

मारकु 5:34

खोङबागी मोला सुवालाक, “भोमो, खेरी धेपागी ख्‍यो़ला चो़गा झ्‍येजुङ। कीपोमा झ्‍येरी सोङ, धेनी ख्‍यो़री नाजाने थारास्‍योक।”

मारकु 8:25

धेनी येशुगी धाब्‍ले राङगी क्षाक, मी दी ॱमीकला श्‍या जेपालाक। धेनी खी़ ॱमीक पेली घाङला, खी़ ॱमीकगो ढाक्‍ती घीरी साला थोवालाक।

लुका 7:50

धेनी खोङबागी होदे केमीला सुवालाक, “ख्‍यो़री धेपागी ख्‍यो़ला क्‍योप्‍पालाक। धा श्‍यीदेला सोङ।”

लुका 9:48

धेनी ङेनेक्‍याला सुवालाक, “ङी मीङने दे टुला खे लेन्‍गीनगी़ ङाला खे लेन्‍गीलाक धेनी ङाला खे लेन्‍गीनगी़ ङाला झाङगीनला खे लेन्‍गीलाक। घीझ्‍येरी ॱनाना खेक्‍या घीरीने च्‍युङस्‍योकगो क्षेस्‍योक लाक।”

योहान्‍ना 9:32

जीक्‍तेनगी थोक्‍माने, केने ॱहाला श्‍यारा हीन्‍गीनगी ॱमीक सो़दुक ॱनागीन, देरे लाब घोर माङ्युङ।

योहान्‍ना 9:39

येशुगी सुवालाक, “दे जीक्‍तेनदु ङा ठीम चेदु होवाहीन। श्‍याराक्‍याई थोङये धाङ थोङ थुयी साम्‍गीनक्‍याला श्‍यारा शोयेला, ङा होवाहीन।”

जेपा 26:18

ङा ख्‍यो़ला खुङक्‍याई ॱमीक पेरी, खुङक्‍याला मी़नाक्‍पाने हो़क स्‍योकला ठीक्‍ती हुङये धाङ धी़कगी आङजाने को़न्‍क्षोक चारु ठीक्‍ती हुङयेला झाङाहीन। धेनी ङाला धेपा झ्‍येरी, खुङक्‍याला खोरी धीक्‍पागी घोङपा राक्‍कीलाक धेनी खुङक्‍यालाः को़न्‍क्षोकगी मीक्‍यामुला धेये राक्‍कीलाक।’