मारकु 10:32 - ॱलोवा

³² धेनी खोङबाक्‍या येरुसालेमदु फेवी घाङला, लाम्‍गाला येशु खुङक्‍याई दोङ-दोङला फेप्‍पालाक। धेनी ङेनेक्‍या ॱहाङसावालाक धेनी स्‍याम-स्‍याम्‍ला हुङगीनक्‍या जीक्‍पालाक। खोङबागी याङ ङेने च्‍युङङीक्‍याला शुरला ठीक्‍ती, राङला घी झ्‍युङये हो़गीनगी कोरला सुवालाक,

मारकु 10:32 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

मारकु 1:27

धा मी घीरी ॱहालेरी, च्‍यीकगी च्‍यीकला ढीवालाक, “दे घी ले? दे नी आङजा हो़गीन क्षो़लुक साबा च्‍यीक हीन्‍दाराक। खी़ ॱनो़पाक्‍यालाः का ॱनाङी धेनी ॱनो़पाक्‍या खी़ खाला ङेन्‍दी।”

मारकु 4:34

येशुगी खुङक्‍याला पे ढारे माना घीयाः सुङा माजेपालाक हीना शुरला, खोङबाराङ ङेनेक्‍याला दो़न्‍दाक घीरी टोला जेपालाक।

लुका 10:23

धेनी खोङबागी ङेनेक्‍याई स्‍योकला शीक्‍ती खुङक्‍याला शुरला सुवालाक, “खेक्‍याई घी थोथागो थोङगीन ॱमीकक्‍या झ्‍यीलाप क्षे लाक।

लुका 19:28

धा येशुगी देक्‍या सुङसारती खोङबा येरुसालेम स्‍योकला फेप्‍पालाक।

लुका 9:51

येशुगी नाम्‍खे श्‍यीङखामला फेप्‍ये धी़चो़गो ॱलेप्‍ये झ्‍यीदी घाङला, खोङबागी येरुसालेमला डोये ॱनेरी थाक चेवालाक।

योहान्‍ना 11:16

दीदुमोस ॱनागीन थोमागी राङगी रोवा ङेनेक्‍याला ॱनेवालाक, “धा होराङ खोङबामुला स्‍यीयेला डो।”

योहान्‍ना 11:8

ङेनेक्‍याई खोङबाला श्‍यी़वालाक, “राब्‍बी, खासाङ याहुदापा पो़न्‍पोक्‍याई खेराङला धोगोङ श्‍युरये झ्‍येवालाक। धा याङ खेराङ होदुरु फेप्‍ये?”