मारकु 10:24 - ॱलोवा

²⁴ खोङबागी सुङगीन देला ङेन्‍दी, ङेनेक्‍या ॱहालेवालाक। हीना येशुगी खुङक्‍याला धाब्‍ले सुवालाक, “टुवाक्‍याओ, को़न्‍क्षोकगी ग्‍यासीला डोये ॱमीच्‍यीकी काल्‍ले दुक।

मारकु 10:24 Iomraidhean Croise

मेथा 19:25

ङेनेक्‍याई दे घोरती, खुङक्‍या ॱमीच्‍यीकी ॱहालेरी श्‍यी़वालाक, “धा ॱहाना सुला थारपा थोप थुक्‍कीले?”

मारकु 1:27

धा मी घीरी ॱहालेरी, च्‍यीकगी च्‍यीकला ढीवालाक, “दे घी ले? दे नी आङजा हो़गीन क्षो़लुक साबा च्‍यीक हीन्‍दाराक। खी़ ॱनो़पाक्‍यालाः का ॱनाङी धेनी ॱनो़पाक्‍या खी़ खाला ङेन्‍दी।”

मारकु 10:23

धेनी येशुगी ॱहाला-छुला शीक्‍ती, ङेनेक्‍याला सुवालाक, “मी क्षुक्‍पुला को़न्‍क्षोकगी ग्‍यासी नाङदु डोयेला ॱमीच्‍यीकी काल्‍ले दुक।”

लुका 16:14

धा ग्‍युनोरला सेम क्षाक्‍कीन फारुसीपाक्‍याई, दे घीरी घोरती खोङबाला ॱमेज्‍यु तावालाक।

योहान्‍ना 13:33

टुवाक्‍याओ, धोराङा धी़ तुङ-तुङ च्‍यीक, ङा खीकीमुला हो़क। खेक्‍याई ङाला चागीलाक हीना ङी एन्‍ला याहुदापा पो़न्‍पोक्‍याला स्‍येगीनगो धान्‍दा ङा खेक्‍याला ॱनाहीन, ‘ङा डोजारु खेक्‍या हुङ ॱमीथुक्‍कीलाक।’

योहान्‍ना 21:5

येशुगी खुङक्‍याला सुवालाक, “भीजाक्‍याओ, खेक्‍याला ङ्या रे मेती?” खुङक्‍याई “मेक” ॱनेरी ॱनेवालाक।

योहान्‍ना 6:60

धेनी दे घोरती, येशुगी स्‍याबाला डागीन मीमाङगी ॱनेवालाक, “सुङ दे ॱमीच्‍यीकी घाक्‍वा दुक, देला सी़ ङेन थुक्‍कीले?”

गालातीयापा 4:19

ङी चेवे टुवाक्‍याओ, खेक्‍या मास्‍यीकागी स्‍यीका च्‍योक्‍रे माझ्‍युङगीन थुक्‍पे, ङा खीकी क्षीला याङदा केशुकला हो़गीन च्‍योक्‍रे दुक।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

१ योहान्‍ना 2:1

ङी चेवे टुवाक्‍याओ, खेक्‍याई धीक्‍पा मीझ्‍यीदास्‍योक ॱनेरी, ङा खेक्‍याला दे लाबक्‍या ढीयाहीन। हीना खेक्‍याने च्‍यीकगी धीक्‍पा झ्‍यीना यापगी डुङदु, होरी क्षीला श्‍योवा पुगीन च्‍यीक हो़तालाक। खोङ नी ढाङतेन्‍पा येशु मास्‍यीका लाक।

१ योहान्‍ना 4:4

चेवे टुवाक्‍याओ, खेक्‍या को़न्‍क्षोकने लाक धेनी खुङक्‍याई खाला ग्‍यासालाक घीझ्‍येरी ॱनाना जीक्‍तेनदु हो़गीनगोनेः, खीकी नाङदु श्‍युक्‍कीनगो खाक्‍क्षे लाक।

१ योहान्‍ना 5:21

चेवे टुवाक्‍याओ, ल्‍हाकुन्‍डाक्‍याने जेम्‍दी धो़क।

ॱङो़न्‍पा 3:17

‘ङा क्षुक्‍पु हो़क धेनी ङाला ग्‍युनोर हो़क धेनी ङाला घीया घोये मीदुक।’ ॱनेरी ख्‍यो़ ॱनालाक हीना ख्‍यो़ थापक्‍योवा धाङ दुक फोक्‍पा धाङ उटे धाङ श्‍यारा धाङ ॱमाराङा हो़गीनगो, ख्‍यो़ला स्‍येये मेतालाक।