मारकु 10:22 - ॱलोवा

²² दे घोरती, खी़ ङोदोङ नाक्‍पोला ग्‍युरती, सेम क्‍यो़री सोवालाक घीझ्‍येरी ॱनाना खोला ग्‍युनोर ॱमीच्‍यीकी माङा हो़तालाक।

मारकु 10:22 Iomraidhean Croise

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मेथा 19:22

होदे मी ख्‍योक्‍तोङगी़ दे घोरी घाङला, खो सेम्‍बा क्‍योरी सोवालाक घीझ्‍येरी ॱनाना खोला ग्‍युनोर ॱमीच्‍यीकी माङा हो़तालाक।

मेथा 27:3

येशुला ग्‍याप्‍तो़ झ्‍यीगीन युदागी, येशुला सेघोयेगी ठीम थाक चेगीनगो थोरी ग्‍यो़पा केवालाक। धेनी ॱङुगी टाङगा सुमच्‍युगो, क्षो़पो़न क्षेक्‍या धाङ मीक्‍याई गेम्‍पाक्‍याचारु खेरती होरी,

मारकु 10:21

धेनी येशुगी खोला शीक्‍ती, खोला झाम्‍पा जेदी सुवालाक, “ख्‍यो़ला धोराङा च्‍यीक ॱमेछाङा। ख्‍यो़ सोरी राङला हो़गीन घीरी चोरी, उटेक्‍याला ज्‍यीम्‍बा तोङ धेनी को़न्‍क्षोकगी ग्‍यासीदु ख्‍यो़ला नोर थोप्‍कीलाक। धेनी होरे, ङी स्‍याबाला डो।”

मारकु 10:23

धेनी येशुगी ॱहाला-छुला शीक्‍ती, ङेनेक्‍याला सुवालाक, “मी क्षुक्‍पुला को़न्‍क्षोकगी ग्‍यासी नाङदु डोयेला ॱमीच्‍यीकी काल्‍ले दुक।”

मारकु 6:20

घीझ्‍येरी ॱनाना हेरोदेगी योहान्‍ना मी ढाङपो च्‍यीक धाङ धाम्‍पे मी च्‍यीक लाक ॱनेरी स्‍येरी, खोला जीक्‍ती क्‍योप्‍ती श्‍याक्‍पालाक। योहान्‍नागी लाबला ङेन्‍दी घाङला, खो ॱमीच्‍यीकी गो खोरालाक हीना खो ङ्यामो घेरी ङेन्‍दालाक।

मारकु 6:26

ग्‍यावुगो ॱमीच्‍यीकी सेम फाम्‍बालाक हीना खोरी ॱना क्‍यागीन धाङ डो़न्‍बो झ्‍येरी, मी़ श्‍यी़गीन लाबला ङोलोक ॱमाथुक्‍पालाक।

लुका 12:15

खोङबागी होदेक्‍याला सुवालाक, “शाप-शाप झ्‍यी, ॱहाबा झ्‍यीगीन लेगाक्‍याने च्‍याङजे झ्‍येरी धो़क, घीझ्‍येरी ॱनाना मीगी मीछे खोरी ग्‍यु माङा हो़गीनला च्‍यीगा रा मीली़लालक।”

लुका 18:23

हीना दे लाब ङेन्‍दी खी़ सेम क्‍योवालाक घीझ्‍येरी ॱनाना खो ॱमीच्‍यीकी क्षुक्‍पु हो़तालाक।

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

एफीसुपा 5:5

घीझ्‍येरी ॱनाना दो़लोक झ्‍यीगीन धाङ ले ॱमेचाङा झ्‍यीगीन धाङ ॱनाब्‍सेम्‍चेनगी मी सी़ हीन्‍ना (कुन्‍डा क्षो़गीनक्‍या), मास्‍यीका धाङ को़न्‍क्षोकगी ग्‍यासीगी कादा ॱमेथोप्‍कीलाक ॱनेरी, खेक्‍याई सावो स्‍येलाझ्‍यी।

२ तीमोथेउ 4:10

घीझ्‍येरी ॱनाना देमा, जीक्‍तेन देला छाक्‍ती ङाला पारी थेसालोनीकेरु लाजुङ। धेनी कारेसीकेन नी, गालातीया यु स्‍योकदु लाजुङ धेनी तीतोस नी दालमातीया यु स्‍योकदु लाजुङ।