मारकु 10:17 - ॱलोवा

¹⁷ धेनी येशु लाम्‍गाला फेई घाङला, मी च्‍यीक भाङ तारी होरी येशुगी डुङदु पीमु साला चुक्‍ती, खोङबाला श्‍यी़वालाक, “ॱलोपो़न शाङपो ला, थामेपे छेसोक थोप्‍येला, ङी घी झ्‍यी घो़गीले?”

मारकु 10:17 Iomraidhean Croise

मेथा 17:14

धेनी येशु धाङ ङेने सुम मीछोकचारु फेई घाङला, मी च्‍यीक येशुगी डुङदु होरी पी़मु साला चुक्‍ती, खोङबाला श्‍यी़वालाक,

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मेथा 28:8

धा खुङक्‍या जीक्‍टा धाङ घाटोगी खारी, लु-लु धी़ठोने ङेनेक्‍याचारु भाङ तारी स्‍येरु सोवालाक।

मारकु 1:40

जेने मी च्‍यीक येशुगी दोङदु होरी, पीमु चुक्‍ती, “खोङबागी थुकला हो़ना, खोङबा ङाला नाजा देने दाक्‍तु च्‍युक्‍वा जे थुक्‍कीलाक” ॱनेरी श्‍योवा पुवालाक।

मारकु 10:18

धेनी येशुगी खोला सुवालाक, “ख्‍यो़ ङाला घीझ्‍येरी शाङपो ॱनाले? को़न्‍क्षोक च्‍यीगा माना, श्‍येम्‍मा सुवा शाङपो मेतालाक।

मारकु 12:14

खुङक्‍या होरे येशुला ढीवालाक, “ॱलोपो़न ला, खेराङ धेन्‍पा हीन्‍गीनगो हेक्‍याला क्षाहो़क धेनी खेराङ मी श्‍येम्‍माक्‍याई लाबला या मीझ्‍यीदालाक। खेराङ मीगी ङोदोङला शीक्‍ती मेन्‍दा, हीना को़न्‍क्षोकगी लाम्‍गा दे धेन्‍पा झ्‍येरी मीला तो़न्‍दालाक। धा केसारला ठा झ्‍याङये लेगा दे, काठीमला थी़न्‍दाले याङना ॱमीथी़न्‍दाले? हेक्‍या ठा झ्‍याङये याङना मेझ्‍याङये?”

मारकु 9:25

येशुगी मीछोकक्‍या रुप्‍ती, खोराङचारु हुङगीनगो शीई घाङला, खोङबागी डे गोला काको़न ॱनावालाक, “ये, लाब ताङ ॱमीथुप्‍कीन धाङ ङेन ॱमीथुप्‍कीन डे ख्‍यो़, खोने थो़न धेनी याङ खी़ नाङदु फुक्‍की माजु, ॱनेरी ङा ख्‍यो़ला का तेराहीन।”

लुका 10:25

ङीमा च्‍यीक क्षो़ठीमगी ॱलोपो़न च्‍यीकगी, येशुला छो़ता झ्‍यीयेला लारी ॱनेवालाक, “ॱलोपो़न ला, थामेपे छेसोक थोप्‍येला ङी घी झ्‍यीघो़गुले?”

योहान्‍ना 3:2

खो छेन च्‍यीक येशुचारु होरी खोङबाला श्‍यी़वालाक, “राब्‍बी, खेराङ को़न्‍क्षोकने फेप्‍पा ॱलोपो़न च्‍यीक लाक ॱनेरी, हेक्‍याला स्‍येयेहो़क घीझ्‍येरी ॱनाना को़न्‍क्षोक खेराङमुला मेना, खेराङगी जेजा दे ताकक्‍या श्‍येम्‍मा सी़या झ्‍यी ॱमीथुक्‍कीलाक।”

योहान्‍ना 5:39

सुङरापगी नाङदु थामेपे छेसोक हो़टु साम्‍दी, खेक्‍या सुङराप नाङला चालालाक। ङी कोरला पाङपो झ्‍यीगीन होदे सुङरापराङ लाक

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

जेपा 16:30

धेनी खी़ खुङ ॱङीउला फीला ठीक्‍ती सोरी देरे ॱनेवालाक, “घेगेनक्‍याओ, ङाला थारपा थोप्‍येला ङी घी झ्‍यीघोगुले?”

जेपा 2:37

पेटोगी ॱनागीन लाब ॱहाघोरती मीक्‍याई सेम कीदा माझ्‍युवालाक। धेनी खुङक्‍याई पेटो धाङ श्‍येम्‍मा कुछापक्‍याला ढीवालाक, “पी़नक्‍याओ, देरे हीन्‍ना धा हेक्‍या घी झ्‍यीये?”

जेपा 20:32

“धा ङा खेराङक्‍याला को़न्‍क्षोकगी क्षाकला पुयेहीन धेनी खोङबागी थुक्‍जेगी खाङखा काला भोरयेहीन। होदेगी खेराङक्‍याला धेपाला स्‍युक्‍क्षे शो थुक्‍कीलाक धेनी को़न्‍क्षोकगी राङगी मीक्‍याला ॱनाङना, झ्‍यीलाप खेराङक्‍यालाः थोप्‍कीलाक।

जेपा 9:6

हीना ख्‍यो़ लोङ धेनी ग्‍याजारु सोङ। होदुरु ख्‍यी़ झ्‍यीघोगीनगो, ख्‍यो़ला ॱनागुलाक।”

रोमापा 2:7

धेनी शो़पागी गोने ले शाङा झ्‍येरी, शीजे धाङ कुरती धाङ छीवा मेगीन छे चागीन मीक्‍याला, खोङगी थामेपे छेसोक ॱनाङगीलाक।

रोमापा 6:23

घीझ्‍येरी ॱनाना धीक्‍पा झ्‍यीगीनक्‍याला थोप्‍कीन ॱलाज्‍या नी, छीवा लाक हीना को़न्‍क्षोकगी रीन्‍थाङ मेगीन ॱनाङज्‍यीन नी, होरी चोवो येशु मास्‍यीकागी नाङ हो़गीन थामेपे छेसोक लाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

तीतोस 3:7

देरे झ्‍येरी खोङबागी थुक्‍जेगी थोक्‍ने, को़न्‍क्षोकगी डुङदु होराङ ढाङपो झ्‍युवालाक धेनी होराङगी रेवा झ्‍यीगीन, थामेपे छेसोकगी ग्‍युज्‍यीन को़ जेपालाक।

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

१ पेटो 1:4

धेनी नाम्‍खे श्‍यीङखामदु खेक्‍याई क्षीदु नामा मेजोक्‍कीन धाङ ढीमा मेगीन धाङ येरी मेडोगीन, ग्‍युज्‍यीन श्‍याक जे हो़तालाक।

१ योहान्‍ना 2:25

धेनी खोङगी होराङला ॱनाङना धाम्‍चागो नी, थामेपे छेसोक लाक।