मारकु 10:11 - ॱलोवा

¹¹ खोङबागी खुङक्‍याला सुवालाक, “केवे ख्‍यो़वा सु हीन्‍ना, राङगी केमीमुला खा डारी श्‍येम्‍मामुला ॱनामा लेन्‍ना, होदेगी लोक्‍येम झ्‍यीदालाक।

मारकु 10:11 Iomraidhean Croise

मेथा 19:9

धा ङा खेक्‍याला ॱनाहीन, दो़लोकगी दो़न्‍दाक माना श्‍येमा दो़न्‍दाक्‍याई झ्‍येरी, सु च्‍यीकगी राङगी केमीमुला खा डारी, भोमो श्‍येम्‍मामुला ॱनामा लेन्‍ना होदेगी लोक्‍येम झ्‍यीदालाक।”

मारकु 10:10

धेनी खीम नाङदु ङेनेक्‍याई, येशुला दी कोरला याङ ढीवा श्‍यी़वालाक।

लुका 16:18

खोरी केमीला भोरती श्‍येम्‍मामुला ॱनामा लेन्‍ना, होदेगी लोक्‍येम झ्‍यीदालाक धेनी राङगी ख्‍योवाने, खा डागीन केमीमुला ॱनामा लेन्‍गीन मीगीया लोक्‍येम झ्‍यीदालाक।

रोमापा 7:3

धा ॱहाना मो मोरी ख्‍योवा सो़न्‍पो हो़ताराङ, मी श्‍येम्‍मामुला धेना, मोला लोक्‍येम्‍मा ॱनेरी ॱनागीलाक। हीना मी़ ख्‍योवा स्‍यीना, मो होदे क्षो़ठीमने थारालाक धेनी मी़ मी श्‍येम्‍मामुला ॱनामाला डोनाः, मो लोक्‍येम्‍मा मीझ्‍युङालाक।

१ कोरीन्‍थुपा 7:4

धेनी केमीगी राङगी ली़ राङगी वाङला मीधी़वा, राङगी ख्‍योवागी वाङला श्‍यालाक। देरेराङ झ्‍येरी ख्‍योवागीयाः राङगी ली़ राङगी वाङला मीधी़वा, राङगी केमीगी वाङला श्‍यालाक।

ईब्‍रीपा 13:4

मी घीरीगी ॱङेन्‍डीला चीदोङ झ्‍यीघो़, धेनी नाङजाङ ॱङीगी घुङला लोक्‍येम मीझ्‍युङास्‍योक घीझ्‍येरी ॱनाना को़न्‍क्षोकगी लोक्‍येम्‍पाक्‍या धाङ दो़लोक झ्‍यीगीनक्‍याला ठीम्‍चो़ जेगीलाक।