मारकु 10:1 - ॱलोवा

¹ धेनी येशु होदेने योरदान चाङबु ॱहाकीनगी, युदेया युदु फेप्‍पालाक। धेनी याङ मीछोक माङा खोङबागी डामदु जोम्‍बालाक। धेनी च्‍योई च्‍योक्‍रे, खोङबागी खुङक्‍याला क्षो़ ॱनाङा जेपालाक।

मारकु 10:1 Iomraidhean Croise

मेथा 26:55

होदे धी़चो़ला येशुगी मीछोकक्‍याला सुवालाक, “झ्‍याक्‍पा च्‍यीकला शीम्‍दु डुगीन च्‍योक्‍रे, राल्‍डी धाङ ग्‍युक्‍पा खेरती खेक्‍या ङाला शीम्‍दु हुङाले? श्‍याक्‍मो-श्‍याक्‍मोला ङा को़न्‍क्षोकगी क्षो़खाङदु धेती ॱलाबालाक धेनी खेक्‍याई ङाला शीम्‍गी मीदुक।

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मारकु 1:21

येशु धाङ ङेनेक्‍या काफारनाहुमदु फेप्‍पालाक। ङासुगीन ङीमाला, खोङबा छोक्‍खाङ नाङदु फेप्‍ती क्षो़ ॱनावालाक।

मारकु 10:2

फारुसीपा रीङगा होरे, येशुला छो़ता झ्‍यीयेला देरे ढीवालाक, “केवे ख्‍योवा च्‍यीक राङगी केमीमुला, खा डाना क्षो़ठीमला थी़न्‍दाले?”

मारकु 12:35

क्षो़खाङ नाङदु ॱलापच्‍या ॱनाङी घाङला येशुगी सुवालाक, “मास्‍यीका नी दावीदगी भीजा लाक ॱनेरी, क्षो़ठीमगी ॱलोपो़नक्‍या घाङगी झ्‍येरी ॱना थुक्‍वाले?

मारकु 14:49

ङीमा तेनग्‍याङ ङा क्षो़खाङदु ॱलावी घाङला, खेक्‍यामुला हो़तालाक धेनी खेक्‍याई ङाला शीम्‍गी मीदुक। हीना क्षो़ठीमला ढीक्‍टा दे डुपास्‍योक।”

मारकु 2:13

येशु याङ गालील ग्‍याछोगी डामदु फेप्‍पालाक धेनी मीगी छाङगा च्‍यीक खोङबाचारु होवालाक। धेनी खोङबागी खुङक्‍याला क्षो़ तो़न जेपालाक।

मारकु 4:2

खोङबागी मीक्‍याला पेक्‍या थोक्‍ने, ॱलापच्‍या ॱमीच्‍यीकी माङा ॱलावा जेपालाक। धेनी खोङबागी पेक्‍याने च्‍यीक देरे सुवालाक,

मारकु 6:2

ङासुगीन ङीमागोला छोक्‍खाङ नाङदु, खोङबागी क्षो़ तो़न्‍ये गो चुक्‍पालाक धेनी खोङबाला ङेन्‍गीन माङक्षे ॱहालेरी ॱनेवालाक, “दे मीला दे घीरी घाने थोप्‍पाले? खोला थोप्‍था स्‍येराप दे घी ले? खी़ लाक्‍पाने देरे ॱहाङसागीन लेगाक्‍या घाङ झ्‍येरी झ्‍युवाले?

मारकु 6:34

येशु डुने थो़न्‍दाराङ मीछोक क्षे च्‍यीक झीउ मेगीन लुकक्‍या च्‍योक्‍रे शीक्‍ती, खुङक्‍याला ॱङीङजे केवालाक। धेनी खुङक्‍याला क्षो़ ॱमीच्‍यीकी माङा ॱलाबा जेपालाक।

मारकु 6:6

खुङक्‍याई धेपा मेगीनगो शीक्‍ती, येशु ॱहालेवालाक। धेनी खोङबा यु-युक्‍याला फेप्‍ती, क्षो़ ॱनाङा जेपालाक।

योहान्‍ना 10:40

खोङबा धाब्‍ले योरदान चाङबुगी ॱहाकीनला, योहान्‍नागी एम्‍मा ठी़सो़ ॱनाङसारु फेप्‍ती, होदुरु श्‍युक्‍पालाक।

योहान्‍ना 11:7

धा होदे स्‍याम्‍ने खोङबागी राङगी ङेनेक्‍याला सुवालाक, “धा होराङ धाब्‍ले युदेया युदु डो।”

योहान्‍ना 18:20

धेनी येशुगी खोङबाला लेन ॱनावालाक, “ङी ॱङो़न्‍सुमदु जीक्‍तेनला स्‍येहो़क। याहुदापाक्‍या घीरी जोम्‍जा छोक्‍खाङक्‍या धाङ क्षो़खाङदु, ङी च्‍योई क्षो़ तो़न्‍हो़क। ङी साङवागी थोक्‍ने घीया ॱमास्‍येहो़क।