मारकु 1:32 - ॱलोवा

³² होदे घोमु ङीमा फेप्‍ती, खुङक्‍याई नेपाक्‍या धाङ डे जुजा घीरीला, खोङबाचारु ठीक्‍ती होवालाक।

मारकु 1:32 Iomraidhean Croise

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

मेथा 8:16

होदे घोमोगो मीक्‍याई डे जुजा मी ॱमीच्‍यीकी माङा, खोङबागी डुङदु खेरती होवालाक धेनी खोङबागी कागी थोक्‍ने, होदे ॱनो़पाक्‍या तो़न्‍दा जेपालाक धेनी नेपा घीरीला ढाक्‍सो़ ॱनावालाक।

मेथा 8:17

ॱङो़नस्‍येखेन यस्‍यायागी सुङगीनगो डुप्‍येगी क्षीला दे झ्‍युवालाक, “खोङबागी होरी नेक्‍यो़नक्‍या ॱनुमा जेपालाक धेनी होरी नाजाक्‍या चो़गा जेपालाक।”

मारकु 1:21

येशु धाङ ङेनेक्‍या काफारनाहुमदु फेप्‍पालाक। ङासुगीन ङीमाला, खोङबा छोक्‍खाङ नाङदु फेप्‍ती क्षो़ ॱनावालाक।

मारकु 1:31

धेनी खोङबा मी़ भोलोक्‍तु फेप्‍ती, लाक्‍पा शीम्‍दी मोला याला ॱलाङा जेपालाक। धेनी छावागी मोला तावालाक धेनी मी़ खोङबाक्‍याला श्‍याप्‍ची श्‍यी़वालाक।

मारकु 3:2

येशुला क्‍यो़न चुक्‍येला ङासुगीन ङीमागोला, खोङबागी होदे मीला चो़गा जेदी मेजेदी ॱनेरी, फारुसीपाक्‍या सो ग्‍याप्‍ती धेपालाक।

लुका 4:40

धेनी ङीमा फेप्‍ती, मीक्‍याई नाजा ॱना श्‍येम्‍मा-श्‍येम्‍मागी नेपाक्‍या येशुचारु खेरती होवालाक। धेनी खोङबागी होदे घीरीगी खाला क्षाक श्‍याक जेदी, ढाक्‍सो़ जेपालाक।

लुका 4:41

मी माङक्षेने ॱनो़पाक्‍या देरे फेरा ग्‍याप्‍ती थो़न्‍बालाक, “खेराङ को़न्‍क्षोकगी से लाक।” हीना येशुगी होदे ॱनो़पाक्‍याला काको़न जेदी, लाब ताङदु ॱमाच्‍युक्‍पालाक घीझ्‍येरी ॱनाना खोङबा मास्‍यीकागो लाक ॱनेरी खुङक्‍याला स्‍येये हो़तालाक।