1 को़न्क्षोकगी से, येशु मास्यीकागी ताम्शाङ गो चुक्पा।
धेनी डु नाङदु हो़गीनक्याई खोङबाला क्षाक क्षारी श्यी़वालाक, “खेराङ नी, धेन्पाराङ को़न्क्षोकगी से लाक।”
पेटोगी लाब ताङी-ताङी, खोङबाक्याला ॱरीङबा काउ च्यीकगी ढीम्बालाक। धेनी ॱरीङबा साङने सुङकेक च्यीकगी देरे सुवालाक, “दे नी ङी चेवे से हीन। दीमुला ङा ॱमीच्यीकी ङ्यामो घा हो़क। खोङला ङेन।”
धेनी नाम्खाने सुङकेक च्यीकगी, “दे ङी चेवे से हीन। ङा खी़मुला ॱमीच्यीकी ङ्यामो घा हो़क।” सुरी सुवालाक।
धेनी छो़ता लेन्गीनगो होरी, खोङबाला ॱनेवालाक, “खेराङ को़न्क्षोकगी से हीन्ना, दे धोगोङक्या ग्याङगाला ग्युरयेगी का ॱनाङाजे।”
नाम्खे भाङछेनगी लेन ॱलोक्पालाक, “धाम्पे थुक्ङी ख्यी़ खाला भाप्कीलाक धेनी ॱलानामेपे को़न्क्षोकगी वाङगी, ख्यो़ला ढीम्जाकगी काप्कीन च्योक्रे काप्कीलाक। होझ्येरी से ठुङयेगो धाम्पा धाङ को़न्क्षोकगी से ॱनेरी भो़गीलाक।
धेनी कागो ली़ला ग्युर धेनी होराङमुला श्युक। खोङ नी, थुक्जे धाङ धेन्पागी खाङ हो़तालाक। खोङगी शीजे, याप को़न्क्षोकने हीन्गीन से च्यीक्पोगी शीजे, होरी ज्यावालाक।
धेनी ङी होदे ज्याजुङ धेनी खोङबाराङ को़न्क्षोकगी से लाक ॱनेरी ङा पाङपो झ्यीदाहीन।”
नाथानेलगी ॱनेवालाक, “राब्बी, खेराङ को़न्क्षोकगी सेगो लाक। खेराङ ईस्राएलगी ग्यावुगो लाक।”
हीना येशु, मास्यीका धाङ को़न्क्षोकगी सेगो लाक धेनी खोङबाला धेपा झ्येरी, खोङबागी छेनने खेक्याला थामेपे छेसोक थोप्कीलाक ॱनेरी खीकी धेपा झ्यीयेला, ङी देक्या ढीक हो़क।
“घीझ्येरी ॱनाना को़न्क्षोकगी जीक्तेनगी मीक्याला देरे झाम्पा जेदी, खोङगी राङगी से च्यीक्पोगो ॱनावालाक। धेनी होझ्येरी खोङबाला धेपा झ्यीगीन सुवा, मेताला डोगीमालाक हीना थामेपे छेसोक थोप्कीलाक।
धेनी खेराङ को़न्क्षोकगी धाम्पागो लाक ॱनेरी, हेक्या धेपा झ्यीदीहो़क धेनी दे हेक्याला स्येयेहो़क।”
येशुगी खोरी क्षाक्ले गो चुक्ये एन्ला ठी़सो़ ॱनाङगीन योहान्ना होवालाक। खी़ ईस्राएलगी मीक्याला राङगी धीक्पा पारी, सेम ग्युरये धाङ क्षुगी ठी़सो़ लेन्येगी का स्येपालाक।
होरी ली़गी क्योवा शो़सा क्षो़ठीमगी झ्यी ॱमाथुक्कीनगो, को़न्क्षोकगी राङगी से धीक्पे राङश्यीगी ली़ला धीक्पे ॱमारछो़ झ्युङयेला झाङा जेदी, होदे जेपालाक। धेनी देरे झ्येरी खोङगी धीक्पाला ली़लाराङ छेपा का जेपालाक।
को़न्क्षोकगी राङगी सेला फाङा माजेदा, होराङ घीरीगी क्षीदु ॱलो़ ताङ जेपालाक। धा देरे हीन्ना खोङबागी होराङला राङगी सेमुला, श्येम्मा दो़न घीरीयाः ॱनाङगीमालाक से?
