मेथा 9:8 - ॱलोवा

⁸ धा मीछोकक्‍या दे थोरी जीक्‍पालाक धेनी मीला देरे आङजा ॱनाङगीन को़न्‍क्षोकला तो़पा पुवालाक।

मेथा 9:8 Iomraidhean Croise

मेथा 12:23

धेनी मीछोक घीरी ॱमीच्‍यीकी ॱहालेरी ॱनेवालाक, “मी दे ग्‍यावु दावीदगी सेगो हीन्‍ढी़?”

मेथा 15:31

धेनी मीछोकक्‍याई घोवा-घुमाक्‍या लाब ताङगीन, खोङपोक्‍या ढाक्‍कीन, श्‍याक्‍योवाक्‍या ग्‍युक्‍कीन धाङ श्‍याराक्‍या थोङगीन थोरी ॱमीच्‍यीकी याम्‍सावालाक। धेनी खुङक्‍याई ईस्‍राएलगी को़न्‍क्षोकला तो़पा पुवालाक।

मेथा 28:18

धेनी येशु खुङक्‍याचारु फेप्‍ती सुवालाक, “ॱनाम्‍सा ॱङीगी वाङ घीरी ङाला ॱनाङ हो़तालाक।

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 9:7

धेनी खो लारी नाङला सोवालाक।

मारकु 2:12

खो लारी उक्‍कुरा च्‍यीकला, खोरी ङ्याजे खुरती मीमाङक्‍याई थोङजाने, राङ फीला सोवालाक। धेनी “देरे हीकी नामा थोङ माङ्युङ” ॱनेरी मी घीरी ॱहालेरी, को़न्‍क्षोकला तो़टा पुवालाक।

मारकु 7:37

खुङक्‍या ॱमीच्‍यीकी ॱहालेरी ॱनेवालाक, “खोङबागी घीरी शाङा जेदुक। खोङबागी आमच्‍योक मेघोरकीनला घोरकीन धाङ लाब ताङ ॱमीथुक्‍कीनला ताङ थुप्‍कीन जेदुक।”

लुका 13:13

धेनी खोङबागी क्षाक मी़ खाला श्‍याक जेपालाक धेनी मो लाम्‍साङ केरी लाङ थुप्‍कीन झ्‍युवालाक। धेनी मी़ को़न्‍क्षोकगी तो़टा तावालाक।

लुका 17:15

होदेक्‍याने मी च्‍यीकगी राङ ढाक्‍टागो थोरी केक क्षेला, को़न्‍क्षोकगी तो़टा ताङी-ताङी ग्‍याप लोक्‍ती होवालाक।

लुका 17:18

फीदी मी दे माना लोक्‍ती होरी, को़न्‍क्षोकला तो़टा पुगीन श्‍येम्‍मा सुवाः माझ्‍युवाले?”

लुका 18:43

धेनी लाम्‍साङ खो थोङगीन झ्‍युवालाक। धेनी को़न्‍क्षोकगी तो़टा ताङी, खो खोङबागी स्‍याम्‍ला डावालाक। दे थोरी मी घीरीगी को़न्‍क्षोकला तो़पा पुवालाक।

लुका 2:20

धेनी नाम्‍खे भाङछेनगी सुङगीन च्‍योक्‍रे, झीउक्‍याई घोर धेनी थोङ झ्‍येरी, खुङक्‍या को़न्‍क्षोकला शीजे धाङ तो़टा पुली-पुली लोक्‍पालाक।

लुका 23:47

धा ग्‍यापो़नगी दे थोरी, को़न्‍क्षोकला तो़टा तारी ॱनेवालाक, “ॱङोन्‍नेराङ दे मी दे क्‍यो़न मेगीन हीन्‍दाराक।”

लुका 7:16

धेनी मी घीरी ॱमीच्‍यीकी जीक्‍ती, को़न्‍क्षोकला तो़टा पुरी ॱनेवालाक, “होरी घुङदु ॱङो़नस्‍येखेन खाक्‍क्षे च्‍यीक थो़न्‍दुक।” धेनी “को़न्‍क्षोकगी खोरी मीरीकला थुक्‍जे शीक्‍दुक।”

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 21:20

पाउलुगी लाबला ङेन्‍दी खुङक्‍याई को़न्‍क्षोकला तो़टा पुवालाक। धेनी खुङक्‍याई खोला ॱनेवालाक, “पी़नक्‍याओ, दुरुवा याहुदापाक्‍याने मी तोङठाकगी चोवोला धेपा झ्‍येरी, मोशेगी ॱनाङना क्षो़ठीमला ॱमीच्‍यीकी हुरा झ्‍येरी चीरी धेदुक।

जेपा 4:21

होदुरु झ्‍युजा लाबगी कोरला, मी घीरीगी को़न्‍क्षोकला तो़टा पुरी धे हो़तालाक। होझ्‍येरी छोक्‍पागी मीक्‍याई खुङ ॱङीउला घाङगी झ्‍येरी क्षेपा काये ॱनेरी, ढो़ झ्‍यी ॱमाथुक्‍पालाक। धेनी खुङ ॱङीउला ॱयोल्‍ले माङा जीक्‍टा ॱलारी भोरपालाक।

२ कोरीन्‍थुपा 9:13

खेक्‍याई श्‍यान्‍देप पुगीन श्‍याप्‍तोकगी थोक्‍ने, खुङक्‍याई को़न्‍क्षोकला तो़पा पुगीलाक घीझ्‍येरी ॱनाना खेक्‍याई खुङक्‍या धाङ श्‍येम्‍मा घीरीला श्‍यान्‍देप पुगीनगी गोने, खेक्‍याई मास्‍यीकागी ताम्‍शाङला खेलेन झ्‍यीगीनगो पाङपो झ्‍यीदालाक।

गालातीयापा 1:24

धेनी ङी झ्‍येरी, खुङक्‍याई को़न्‍क्षोकला तो़पा पुवालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।