मेथा 9:2 - ॱलोवा

² धा मी रीङगागी चाडीपगी नाजा हो़गीन मी च्‍यीकला, ङ्याजेमुलाराङ खोङबाचारु खेरती होवालाक। येशुगी खुङक्‍याई धेपाला शीक्‍ती सुवालाक, “भीजाओ, सेम ल्‍हो़ झ्‍यी। ख्‍यी़ धीक्‍पाक्‍या सेल्‍दुक।”

मेथा 9:2 Iomraidhean Croise

मेथा 14:27

हीना येशुगी लाम्‍साङ खुङक्‍याला सुवालाक, “ल्‍हो़ झ्‍यी। ङाराङ हीन। खेक्‍या माजीक।”

मेथा 4:24

खोङबागी ॱङेन्‍डाक सीरीया यु घीरीला ख्‍याप्‍ती, मीक्‍याई नेपा घीरी, नाजा धाङ शुक छाप्‍क्षे ॱनाछोकगी दाम्‍दी श्‍याक्‍साक्‍या धेनी डे जुजा मीक्‍या, शा फोक्‍पाक्‍या धाङ डीप्‍को़न हो़गीनक्‍या घीरी, खोङबागी डुङदु ठीक्‍ती होवालाक धेनी खोङबागी खुङक्‍याला चो़गा जेपालाक।

मेथा 6:12

हीकी श्‍येनगी नोन्‍डु सेल्‍गीन च्‍योक्‍रे, हीकी धीक्‍पाक्‍या सेल्‍वा जे।

मेथा 8:10

येशुगी दे सेन्‍दी, खोङबा याम सावालाक धेनी खोङबागी स्‍याबाला डागीनक्‍याला सुवालाक, “ङा खेक्‍याला धेन्‍पाराङ ॱनाहीन, ईस्‍राएलगी नाङदु ङी दे च्‍योक्‍रे धेपा थोङ माङ्युङ।

मेथा 8:16

होदे घोमोगो मीक्‍याई डे जुजा मी ॱमीच्‍यीकी माङा, खोङबागी डुङदु खेरती होवालाक धेनी खोङबागी कागी थोक्‍ने, होदे ॱनो़पाक्‍या तो़न्‍दा जेपालाक धेनी नेपा घीरीला ढाक्‍सो़ ॱनावालाक।

मेथा 9:22

येशु ग्‍याप लोक्‍ती मोला शीक्‍पालाक धेनी सुवालाक, “भोमो, सेम ल्‍हो़ झ्‍यी, खेरी धेपागी ख्‍यो़ला फेन्‍बालाक।” धेनी होदे घाङलाराङ होदे केमीगो ढाक्‍पालाक।

मेथा 9:5

‘खेरी धीक्‍पाक्‍या सेल्‍जुङ’ याङमेना ‘लोङला घोबा चुक’ ॱनेरी, घीन्‍गो ॱनाना ॱयो़ल्‍ले लेल्‍हा दुओ?

मेथा 9:6

हीना मी-भुला जीक्‍तेनदु धीक्‍पा सेल्‍येगी आङजा हो़तालाक ॱनेरी, खेक्‍याई स्‍येलाझ्‍यी।” धेनी खोङबागी चाडीप हो़गीन मीगोला सुवालाक, “लोङ, धेनी राङगी ङ्याजे खेरती नाङला सोङ।”

मारकु 1:32

होदे घोमु ङीमा फेप्‍ती, खुङक्‍याई नेपाक्‍या धाङ डे जुजा घीरीला, खोङबाचारु ठीक्‍ती होवालाक।

मारकु 10:49

धेनी येशु फेप्‍येला छाम श्‍याक्‍ती सुवालाक, “खोला ङीचारु स्‍योक ॱनो़।” धेनी खुङक्‍याई श्‍यारागोला केक तारी ॱनेवालाक, “ख्‍यो़ सेम ॱमाफाम, लोङ खोङबागी ख्‍यो़ला स्‍योक सुङी।”

मारकु 5:34

खोङबागी मोला सुवालाक, “भोमो, खेरी धेपागी ख्‍यो़ला चो़गा झ्‍येजुङ। कीपोमा झ्‍येरी सोङ, धेनी ख्‍यो़री नाजाने थारास्‍योक।”

मारकु 6:50

घीझ्‍येरी ॱनाना खुङ घीरीगी खोङबाला थोवालाक धेनी जीक्‍पालाक। हीना खोङबागी लाम्‍साङ खुङक्‍याला सुवालाक, “सेम ल्‍हो़ झ्‍यी। ङा हीन, खेक्‍या माजीक।”

योहान्‍ना 16:33

ङाने खेक्‍याला श्‍यीदे थोप्‍येगी क्षीला, ङी खेक्‍याला देक्‍या स्‍येबी। जीक्‍तेनदु खेक्‍याला दुक्‍पु ङ्याङगीलाक हीना सेम ल्‍हो़ झ्‍यी, ङी जीक्‍तेनला ग्‍याहो़क।”

योहान्‍ना 2:25

घीझ्‍येरी ॱनाना मी सेम नाङदु घी हो़गीनगो, खोङबा खेन्‍दा जेदालाक धेनी मीगी कोरला सी़या खोङबाला श्‍युघोये मेतालाक।

योहान्‍ना 21:5

येशुगी खुङक्‍याला सुवालाक, “भीजाक्‍याओ, खेक्‍याला ङ्या रे मेती?” खुङक्‍याई “मेक” ॱनेरी ॱनेवालाक।

जेपा 14:9

पाउलु लाब ताङी घाङला खो घामोमा श्‍यीप्‍ता झ्‍येरी, ङेन्‍दी धे हो़तालाक। पाउलुगीयाः खी़ ङोरोङला घामोमा तेरी, होदे मीला खोराङ ढाक थुक्‍येगी धेपा हो़गीनगो थोवालाक।

जेपा 19:12

पाउलुगी ली़ला जुजा ॱनाप्‍छी धाङ रेक्‍या खेरती नेपाक्‍या खाला श्‍याक्‍नाः, होदेक्‍या ढाक्‍ती डोवालाक धेनी ॱनो़पाक्‍या थो़न्‍दी डोवालाक।

जेपा 23:11

होदे घोमुराङ चोवो पाउलुगी डामला फेप्‍ती सुवालाक, “सेम स्‍युक्‍क्षे शो़। दुरु येरुसालेमदु ङी कोरला पाङपो तेरकीन च्‍योक्‍रे, रोमदुवा ख्‍यी़ तेर घोगीलाक।”

रोमापा 5:11

देचो़ च्‍यीगा मेन्‍दा होरी चोवो येशु मास्‍यीकागी थोक्‍ने, होराङ धान्‍दा को़न्‍क्षोकमुला दुमा जेदी, खोङगी थोक्‍ने होराङ को़न्‍क्षोकगी नाङ घाटो झ्‍यीदालाक।

याकोब 2:18

हीना मी च्‍यीकगी, “ख्‍यो़ला धेपा हो़तालाक धेनी ङाला लेगाक्‍या हो़क।” ॱनेरी ॱनाना, लेगा मेगीन ख्‍यी़ धेपा दे ङाला तो़न धेनी ङी ङारी लेगागी थोक्‍ने, ङी धेपा ख्‍यो़ला तो़न्‍दु ॱनेरी, ङा ॱनायेहीन।