मेथा 8:4 - ॱलोवा

⁴ धेनी येशुगी खोला सुवालाक, “सुलाः दे ॱमास्‍ये, हीना सोरी राङला क्षो़पो़नक्‍याचारु तो़न धेनी मीमाङक्‍याला ख्‍यो़ चाङमा झ्‍युजागी पाङपो हुङयेगी क्षीला, मोशेगी का ॱनाङगीन च्‍योक्‍रे क्षो़पा पु।”

मेथा 8:4 Iomraidhean Croise

मेथा 10:18

धेनी खुङक्‍या धाङ याहुदापा मेन्‍गीन मीरीकक्‍याला पाङपो हुङयेला, ङी दो़न्‍दु खेक्‍याला पो़न्‍पोक्‍या धाङ ग्‍यावुक्‍या चारु ठीक्‍कीलाक।

मेथा 16:20

धेनी खोङबागी ङेनेक्‍याला खोङबा मास्‍यीका हीन्‍गीनगो, मी सुला ॱमास्‍ये ॱनेरी का स्‍युक्‍क्षे ॱनावालाक।

मेथा 17:9

खोङबाक्‍या रीने माला भाई घाङला, येशुगी खुङक्‍याला, “मी-भु छीवाने सो़न्‍पो माश्‍याङगीन थुक्‍पे, खेक्‍याई थोथोवा दे सुलाः ॱमास्‍ये।” सुरी का ॱनावालाक।

मेथा 3:15

हीना येशुगी खोला लेन जेपालाक, “होराङक्‍या को़न्‍क्षोकगी थुकोङ घीरी डुप्‍तु च्‍युक्‍येला, धान्‍दा देरेराङ हुङदु च्‍युक।” धेनी खी़ देरेराङ झ्‍येवालाक।

मेथा 5:17

“ङा क्षो़ठीम धाङ ॱङो़नस्‍येखेनक्‍याला तोरस्‍यीक ताङदु होवालाक ॱनेरी ॱमासाम। ङा तोरस्‍यीक ताङदु होवामेन हीना होदे डुप्‍तु च्‍युक्‍येला होवाहीन।

मेथा 6:1

“मी श्‍येम्‍मागी थोङयेगी क्षीला, खुङक्‍याई दोङदु ढाङतेनगी लेगा मीझ्‍यीयेला शाप-शाप झ्‍यी। देरे झ्‍यीना नाम्‍खे श्‍यीङखामदु श्‍युक्‍कीन, ख्‍यी़ यापने ख्‍यो़ला ज्‍यागा ॱमेथोप्‍कीलाक।

मेथा 9:30

धेनी खुङ ॱङीउगी ॱमीक भेवालाक। धेनी येशुगी खुङ ॱङीउला, “दे लाब दे सुला ॱहामाघोरास्‍योक।” ॱनेरी, खुङ ॱङीउला का स्‍युक्‍क्षे ॱनावालाक।

मारकु 13:9

“खेक्‍या चाङजे झ्‍येरी धो़क घीझ्‍येरी ॱनाना मीक्‍याई खेक्‍याला शीम्‍दी, ठीम्‍खाङक्‍याला ठीक्‍कीलाक धेनी छोक्‍खाङक्‍याला ठीक्‍ती दुङगीलाक। धेनी ङी क्षीला खुङक्‍याला पाङपो तो़न्‍येला, खेक्‍या पो़न्‍पोक्‍या धाङ ग्‍यावुक्‍या दोङदु लाङ घो़गीलाक।

मारकु 3:12

हीना येशुगी राङ सु हीन्‍गीनगो ॱमानास्‍योक ॱनेरी, खुङक्‍याला का स्‍युक्‍क्षे ॱनावालाक।

मारकु 5:43

खोङबागी दे लाब दे सी़या ॱहामाघोरास्‍योक ॱनेरी, खुङक्‍याला का ॱरा ॱनावालाक। धेनी मोला शायेला च्‍यीक रे तेर सुरी, खुङक्‍याला सुवालाक।

मारकु 6:11

धेनी साजा घारेदु खेक्‍याला फेप्‍सु माझ्‍येवा, खीकी लाबला माङेन्‍ना, खेक्‍या होदेने डी़ घाङला, खुङक्‍याला पाङपो हुङयेला, खेरी काङबी थालाक्‍या ॱरुक।”

मारकु 7:36

धेनी येशुगी खुङक्‍याला दे लाब सुला ॱमाना, सुरी का ॱनावालाक। हीना खोङबागी सुङगीनने ल्‍हाक, खुङक्‍याई होदे लाब दे टाम्‍बालाक।

मारकु 8:30

धेनी खोङबागी कोरला सुलाः ॱमाना सुरी, खोङबागी खुङक्‍याला का ॱनावालाक।

मारकु 9:9

रीने माला भावी घाङला, येशुगी खुङक्‍याला “मी-भु छीवाने याला माश्‍याङगीन थुक्‍पे दे लाब दे सुलाः ॱमास्‍ये” सुरी का ॱनावालाक।

लुका 17:14

खोङबागी होदेक्‍याला शीक्‍ती सुवालाक, “सोङ धेनी राङला क्षो़पो़नक्‍याचारु तो़न।” धेनी होदेक्‍या डी़ घाङलाराङ, खुङक्‍याई जेनेगो दाक्‍पालाक।

लुका 21:13

दे नी खेक्‍याला पाङपो झ्‍यीयेगी घोकाप झ्‍युङगीलाक।

लुका 4:41

मी माङक्षेने ॱनो़पाक्‍या देरे फेरा ग्‍याप्‍ती थो़न्‍बालाक, “खेराङ को़न्‍क्षोकगी से लाक।” हीना येशुगी होदे ॱनो़पाक्‍याला काको़न जेदी, लाब ताङदु ॱमाच्‍युक्‍पालाक घीझ्‍येरी ॱनाना खोङबा मास्‍यीकागो लाक ॱनेरी खुङक्‍याला स्‍येये हो़तालाक।

लुका 5:14

धेनी खोङबागी खोला का दे ॱनावालाक, “लाब दे सुलाः ॱमास्‍ये हीना सोरी राङला क्षो़पो़नचारु तो़न। धेनी मोशेगी का ॱनाङगीन च्‍योक्‍रे, खुङक्‍याला पाङपो हुङयेला ख्‍यो़ चाङमा झ्‍युङयेगी क्षीला क्षो़पा पु।”

लुका 8:56

मी़ फामाक्‍या ॱहाङसावालाक हीना घी झ्‍युङगीनगो सुला ॱमास्‍ये ॱनेरी खोङबागी देक्‍याला का ॱनावालाक।

लुका 9:21

धेनी खोङबागी दे लाब सुलाः माना ॱनेरी, खुङक्‍याला का स्‍युक्‍क्षे ॱनावालाक।

योहान्‍ना 5:41

“ङी मीक्‍याने कुरती चाला मेन,

योहान्‍ना 7:18

राङला तेन्‍दी स्‍येगीन दे, राङगी ॱङेन्‍डाक चालालाक हीना राङला ॱङाक्‍कीनगी ॱङेन्‍डाक चागीन, दे धेन्‍पा लाक धेनी खी़ नाङदु शोक मीयोङालाक।

योहान्‍ना 8:50

ङा ङाराङगी कुरती ॱमेचाहो़क हीना ङी क्षीला कुरती चागीन च्‍यीक हो़तालाक धेनी खोङबा नी ठीम्‍पो़न लाक।