मेथा 8:22 - ॱलोवा

²² हीना येशुगी खोला सुवालाक, “ङी स्‍याबाला स्‍योक धेनी स्‍यीम्‍बुक्‍याईराङ, खोराङक्‍याई फुङबु कुङदु च्‍युक।”

मेथा 8:22 Iomraidhean Croise

मेथा 8:21

धेनी ङेने श्‍येम्‍मा च्‍यीकगी खोङबाला ॱनेवालाक, “चोवो, ङी आकीगी फुङबु कुङयेगी क्षीला, एन्‍ला ङाला डोरु च्‍युक्‍रोझ्‍यी।”

मेथा 9:9

धेनी येशु होदेने ॱहाला फेई घाङला, ठा धुजारु धेता मेथा ॱनागीन मी च्‍यीकला शीक्‍पालाक धेनी खोला “ङी स्‍याबाला डोङ” सुरी सुवालाक। धेनी खो लारी खोङबागी स्‍याम्‍ला डावालाक।

मारकु 2:14

येशु फेई घाङला, खोङगी आल्‍फायुगी भीजा लेवीला, ठा दुजा लेखुङदु धेतागो शीक्‍पालाक। धेनी खोला, “ङी स्‍याबाला स्‍योक” सुरी सुवालाक। धेनी खो लारी खोङबागी स्‍याबाला सोवालाक।

लुका 15:24

घीझ्‍येरी ॱनाना ङी भीजा दे स्‍यीवालाक धेनी याङ सो़न्‍दी होजुङ। धेनी तोरपालाक धेनी ॱङेजुङ।’ धेनी खुङक्‍याई कीपो ताङये गो चुक्‍पालाक।

लुका 15:32

हीना कीपो तारी ङ्यामो घा घोये हो़तालाक घीझ्‍येरी ॱनाना ख्‍यी़ नो, दे स्‍यीवालाक याङ सो़न्‍दी होजुङ। तोरपालाक धेनी ॱङेजुङ।’”

लुका 9:59

धेनी खोङबागी श्‍येम्‍मागोला सुवालाक, “ङी स्‍याम्‍ला स्‍योक।” हीना होदेगी ॱनेवालाक, “ॱलोपो़न ला, एन्‍ला ङा नाङला लोक्‍ती ङी आकीगी फुङबुगो कुङदु च्‍युक्‍रोजे।”

लुका 9:60

धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

योहान्‍ना 1:43

धेनी ॱङेटोगो येशु गालील युदु फेप्‍येला, थुक्‍सेम जेपालाक। धेनी खोङबागी फीलीपला थुक्‍ती, “ङी स्‍याबाला डोङ।” सुरी सुवालाक।

योहान्‍ना 21:19

पेटोगी छीवा गोने को़न्‍क्षोकला शीजे हुङगीनगी कोरला तो़न्‍येला, खोङबागी दे सुवालाक। दे सुङसारती खोङबागी खोला सुवालाक, “ङी स्‍याबाला डोङ।”

योहान्‍ना 21:22

येशुगी खोला सुवालाक, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो? ख्‍यो़ ङी स्‍याबाला डोङ।”

एफीसुपा 2:1

एम्‍मा खेक्‍या राङगी ङेक्‍यो़न धाङ धीक्‍पागी झ्‍येरी, स्‍यीस्‍या च्‍योक्‍रे हो़तालाक।

एफीसुपा 2:5

होझ्‍येरी धीक्‍पागी नाङदु छी़दी, होराङ स्‍यीस्‍या च्‍योक्‍रे हो़नाः, खोङबागी होराङला मास्‍यीकामुला सो़न्‍पो जेपालाक। थुक्‍जेगी थोक्‍नेराङ, खेक्‍याला थारपा थोप हो़तालाक।

एफीसुपा 5:14

होझ्‍येरी सुङरापला देरे सुङ हो़तालाक, “ॱङी लोक्‍ती धेताक्‍याओ, लोङ धेनी छीवाने सो़न, धेनी मास्‍यीकागी खेक्‍याला हो़ ॱनाङगीलाक।”

कोलोसेपा 2:13

खेक्‍या खेरी धीक्‍पाक्‍याई झ्‍येरी स्‍यीस्‍या च्‍योक्‍रे, धेनी ली़ला पाउ ॱमाचेचा हो़ताराङ, को़न्‍क्षोकगी खेक्‍याला मास्‍यीकामुला सो़न्‍पो जेपालाक। धेनी खोङबागी होरी धीक्‍पा घीरी सेल जेदी,

१ तीमोथेउ 5:6

हीना युक्‍जामा दे दो़यो़नला क्षाक्‍ना, मो सो़न्‍पो झ्‍येरीया स्‍यीस्‍या च्‍योक्‍रे लाक।