मेथा 7:21 - ॱलोवा

²¹ “ङाला ‘चोवो चोवो’ ॱनेरी भो़गीन घीरी, नाम्‍खागी ग्‍यासीला ॱमीछी़गीलाक हीना नाम्‍खे श्‍यीङखामदु श्‍युक्‍कीन, ङी यापगी थुकोङ डुप्‍कीनगो च्‍यीगा, दे नाङदु छी़गीलाक।

मेथा 7:21 Iomraidhean Croise

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:19

याङदा ङा खेक्‍याला ॱनाहीन, दे जीक्‍तेनदु, खेक्‍याने मी ॱङी थी़न्‍दी घी श्‍यी़ना, होदे नाम्‍खे श्‍यीङखामदु श्‍युक्‍कीन ङी यापगी खेक्‍या क्षीला ॱनाङा जेगीलाक।

मेथा 18:3

धेनी सुवालाक, “ङा खेक्‍याला धेन्‍पाराङ ॱनाहीन, खेक्‍या सेम ग्‍युरती, दे टु दे च्‍योक्‍रे मीझ्‍युङना, खेक्‍या नामा नाम्‍खे ग्‍यासी नाङदु जु ॱमीथुक्‍कीलाक।

मेथा 18:35

“देरेराङ झ्‍येरी, खेक्‍याई खेरी पी़नला सेम नाङने घोयाङ ॱमेतेरना, नाम्‍खे श्‍यीङखामदु श्‍युक्‍कीन ङी यापगीयाः खेक्‍याला देरेराङ जेगीलाक।”

मेथा 19:24

याङ ङा खेक्‍याला ॱनाहीन, मी क्षुक्‍पु च्‍यीक को़न्‍क्षोकगी ग्‍यासीला डोयेला ल्‍हाक, सेम्‍चेन ॱनाउ च्‍यीक खापगी ॱमीउ नाङने जुयेला लेल्‍हा हो़टु।”

मेथा 25:10

“धेनी खुङक्‍या ङ्योरु डी़ घाङला, माक्‍पागो ॱलेप्‍पालाक। धेनी डाढीक झ्‍येरी धेताक्‍या, खी़मुला छाङजागी डो़न नाङदु जुवालाक धेनी घोगो ग्‍याप्‍पालाक।

मेथा 25:21

दाक्‍पोगी़ खोला ॱनेवालाक, ‘ॱयोक्‍पो शाङपो धाङ ॱलो का थुप्‍कीन, ख्‍यी़ ॱमीच्‍यीकी घा झ्‍येदुक। ख्‍यी़ ङ्युङाला ढाङपो झ्‍येरी, धा ङा ख्‍यो़ला माङागी गेन तेराहीन। धा ङीमुला घाटो ताङदु स्‍योक।’

मेथा 26:39

धेनी ॱहाला फेप्‍ती, खोङबा क्षाक क्षारी सोवा दे धेप्‍पालाक, “ङी याप, देरे झ्‍युङ थुक्‍ये हो़ना, दे दुक्‍ङेलगी फोरा ङाने ॱहाला लेन्‍दा जे। हीना ङी दो़पा मेन्‍दा, खेराङगी थुकोङ डुपास्‍योक।”

मेथा 26:42

धेनी याङ थेङमा ॱङीवागोला खोङबा फेप्‍ती, सोवा दे धेप्‍पालाक, “ङी याप, दुक्‍ङेलगी फोरा दे, ङी ॱमाथुङगीन थुक्‍पे झ्‍युङये मेना, खेराङगी थुकोङ डुप्‍पास्‍योक।”

मारकु 3:35

को़न्‍क्षोकगी थुकोङ डुप्‍तु च्‍युक्‍कीनक्‍याराङ, ङी नो-नुमो धाङ आमा हीन।”

मारकु 9:47

धेनी ख्‍यी़ ॱमीकगी ख्‍यो़ला धीक्‍पा झ्‍यीदु च्‍युक्‍ना, होदे तो़न्‍दी ॱयुक। ख्‍यी़ ॱमीक ङीगारा झ्‍येरी ॱङ्यावादु डोयेला ल्‍हाक, ॱमीक च्‍यीक मेता को़न्‍क्षोकगी ग्‍यासीला डोना घा लाक।

लुका 11:28

हीना खोङबागी सुवालाक, “को़न्‍क्षोकगी काला ङेन्‍दी, ॱरुङगीनक्‍या मोने झ्‍यीलाप क्षे लाक।”

लुका 13:25

खाङबी दाक्‍पोगो लासारती, घो ग्‍याप्‍कीलाक धेनी खेक्‍या फीला देरे ॱनेरी घो दुङगीलाक, ‘चोवो, हेला घो पेरो ॱनाङ।’ धेनी खी़ खेक्‍याला ‘खेक्‍या सु हीन्‍गीन धाङ घाने हुङगीनगो ङाला स्‍येयेमेक।’ ॱनेरी लेन ॱलोक्‍कीलाक।

लुका 18:25

मी क्षुक्‍पु च्‍यीकला को़न्‍क्षोकगी ग्‍यासी नाङदु छी़येनेः, सेम्‍चेन ॱनाउला खापगी ॱमीक नाङदु जुयेला लेल्‍हा हो़टु।”

लुका 6:46

“ङी ॱनागीनगो मीझ्‍यीना, खेक्‍या घीझ्‍येरी ङाला ‘चोवो, चोवो’ ॱनेरी भो़लाले?

योहान्‍ना 14:7

खेक्‍याई ङाला ङोस्‍ये हो़ना, ङी यापलाः ङो स्‍येयेहो़क। धा देने ॱहाला, खेक्‍याई खोङबाला ङो स्‍येलालाक धेनी खोङला ज्‍या हो़तालाक।”

योहान्‍ना 15:23

ङाला दाङा झ्‍यीगीनगी़, ङी यापलाः दाङा झ्‍यीदालाक।

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 5:17

हीना येशुगी खुङक्‍याला सुवालाक, “ङी यापगी धान्‍दा थुक्‍पे क्षाक्‍ले जेदालाक धेनी ङा झ्‍यीदाहीन।”

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

रोमापा 2:13

घीझ्‍येरी ॱनाना को़न्‍क्षोकगी डुङदु क्षो़ठीम घोरकीनक्‍या ढाङपो मेन्‍दा, क्षो़ठीमगी सुङगीन च्‍योक्‍रे, झ्‍यीगीनक्‍या ढाङपो चीगीलाक।

एफीसुपा 6:6

मीक्‍याला ङ्यामो घारु च्‍युक्‍येला ॱमीकगी थोङसारु च्‍यीगा लेगा माझ्‍यी हीना मास्‍यीकागी श्‍याप्‍चीक्‍या च्‍योक्‍रे, सेम तीङने को़न्‍क्षोकगी थुकोङ डुप्‍तु च्‍युक।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 4:3

खेक्‍या लोक्‍येमने जेम्‍ये धाङ धाम्‍पाला ग्‍युरकीनगो, को़न्‍क्षोकगी थुकोङ लाक।

१ थेसालोनीकेपा 5:18

ॱनेछु घारे हो़ना थुक्‍चीक्षे श्‍यी़ घीझ्‍येरी ॱनाना खेक्‍याई क्षीला येशु मास्‍यीकागी थोक्‍ने, को़न्‍क्षोकगी थुकोङ देराङ लाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

ईब्‍रीपा 4:6

होझ्‍येरी मी रीङगागी क्षीदु, होदे ङासु नाङ जुयेगी घुकाप धोराङा हो़तालाक। हीना एम्‍मा ताम्‍शाङ घोरकाक्‍याई, धेपा माझ्‍येवा होदे ङासु नाङ जु ॱमाथुक्‍पालाक।

याकोब 1:22

काला ङेन्‍ये च्‍यीगा झ्‍युरी, राङला गोकोर ॱमाताङ हीना काला सुङगीन च्‍योक्‍रे झ्‍यीगीन झ्‍युङ।

१ पेटो 2:15

घीझ्‍येरी ॱनाना को़न्‍क्षोकगी थुकोङ नी, खेक्‍याई शाङा झ्‍येरीराङ मी ॱलेन्‍पाक्‍याई तीमुकला खा काक्‍ये लाक।

१ पेटो 4:2

होझ्‍येरी ली़ नाङदु धेये हीन्‍गीन थुक्‍पे, खेक्‍या मीगी दो़पा मेन्‍दा, को़न्‍क्षोकगी थुकोङला मीछे क्‍यो।

ॱङो़न्‍पा 2:27

धेनी च्‍याकगी ग्‍युक्‍पागी जामाक्‍याला दुबु-दुबुला च्‍याक्‍कीन च्‍योक्‍रे, खुङक्‍याई आङजा झ्‍यीगीलाक। देरेराङ आङजा ङाला ङी यापने थोप हो़तालाक।’

ॱङो़न्‍पा 22:14

छेसोकगी दोङबोगी आङजा थोप्‍ये धाङ ग्‍याजागी गेघोक्‍या नाङने जु थुक्‍येगी क्षीदु, राङगी घो़ ठुगीनक्‍या झ्‍यीलाप क्षे लाक।

ॱङो़न्‍पा 3:5

धेनी सु ग्‍याली, होदेगोला ङा खुङक्‍याला च्‍योक्‍रे घो़ काउ को़न्‍येहीन। धेनी खी़ मीङगो ङा छेसोकगी धेबने सुप्‍येमेन। धेनी ङा खी़ मीङ, ङी याप धाङ खोङबागी भाङछेनक्‍याई डुङदु खेलेन झ्‍यीयेहीन।