मेथा 6:9 - ॱलोवा

⁹ खेक्‍या देरे झ्‍येरी ॱमो़लाम श्‍यी़, ‘नाम्‍खे श्‍यीङखामदु श्‍युक्‍कीन हीकी याप, खेराङगी छेन धाम्‍पा ॱरुङवास्‍योक।

मेथा 6:9 Iomraidhean Croise

मेथा 10:29

घोमो च्‍यीकला खाङ झीउ ॱङी ॱमेचोङाले? हीना खेरी यापगी थुकोङ मेताला, होदेक्‍याने च्‍यीया साला ॱमील्‍हीमगीलाक।

मेथा 23:9

धेनी जीक्‍तेनदु मी सुला ‘याप’ ॱनेरी माभो़ घीझ्‍येरी ॱनाना खेक्‍याला नाम्‍खे श्‍यीङखामदु श्‍युक्‍कीन याप च्‍यीक च्‍यीगा हो़तालाक।

मेथा 26:29

ङा खेक्‍याला ॱनाहीन, ङी यापगी ग्‍यासी नाङदु घुन्‍क्षाङ साबा खीकीमुला ॱमीथुङगीन ङीमा थुक्‍पे, ङा घुन्‍क्षाङ दे धाब्‍ले ॱमीथुङ।”

मेथा 26:42

धेनी याङ थेङमा ॱङीवागोला खोङबा फेप्‍ती, सोवा दे धेप्‍पालाक, “ङी याप, दुक्‍ङेलगी फोरा दे, ङी ॱमाथुङगीन थुक्‍पे झ्‍युङये मेना, खेराङगी थुकोङ डुप्‍पास्‍योक।”

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

मेथा 5:48

होझ्‍येरी नाम्‍खे श्‍यीङखामदु श्‍युक्‍कीन, ख्‍यी़ याप फी़न्‍सुम छोक्‍पा हो़गीन च्‍योक्‍रे, ख्‍यो़याः फी़न्‍सुम छोक्‍पा झ्‍युङघोगुलाक।”

मेथा 6:14

“खीकी मी श्‍येम्‍मागी ङेक्‍यो़नला घोयाङ ताङना, नाम्‍खे श्‍यीङखामदु श्‍युक्‍कीन खीकी यापगीया खेक्‍याला घोयाङ ॱनाङगीलाक।

मेथा 6:6

हीना खेक्‍या सोवा धेबी घाङला, ख्‍यो़री नाङ बुकतु सोरी, घो ग्‍याप्‍ती साङवाला श्‍युक्‍कीन ख्‍यी़ यापला सोवा धेप। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।

मेथा 7:11

होझ्‍येरी खेक्‍या ङेन्‍पा झ्‍येरीया राङगी टुवाक्‍याला ॱङेन्‍बा शाङा तेर स्‍येना, नाम्‍खे श्‍यीङखामदु श्‍युक्‍कीन ख्‍यी़ यापगी, खोङला श्‍यी़गीनक्‍याला घाजो़ माङा शाङा हो़गीनक्‍या ॱनाङी हेटु।

लुका 15:18

धा ङा लारी आकीचारु डोयेहीन धेनी खोङला ॱनायेहीन, “आके, ङी नाम्‍खे श्‍यीङखाम धाङ खेराङगी ॱमीक्‍वादु धीक्‍पा झ्‍येवी।

लुका 15:21

“भीजागी़ खोला ॱनेवालाक, ‘आके, ङी नाम्‍खे श्‍यीङखाम धाङ खेराङगी ॱमीक्‍वादु धीक्‍पा झ्‍येवी। ङा याङदा खेराङगी भीजा ॱनारीन खाये मेक।’

लुका 2:14

“थोस्‍योकला श्‍युक्‍कीन को़न्‍क्षोकला तो़टा, धेनी जाम्‍बुलीङदु खोङबा थुक्‍ङेउ जेगीन मीक्‍याला श्‍यीदे हुङास्‍योक।”

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

गालातीयापा 4:6

खेक्‍या से धाङ सेमो झ्‍येरी, को़न्‍क्षोक राङगी सेगी थुक्‍ङी, होरी सेमला ताङा जेपालाक धेनी होदेगी “आब्‍बा, याप” ॱनेरी भो़लालाक।

१ तीमोथेउ 6:16

खोङबा च्‍यीगा छीवा मेगीन लाक। सुवाः ॱमेथारकीन हो़ नाङदु खोङबा श्‍युक्‍वालाक। धेनी खोङबाला सी़या थोङ माङ्युवालाक याङना थोङ थुक्‍कीलाक। खोङबाला ग्‍युने ग्‍युन्‍दु कुरती धाङ वाङ हुङास्‍योक। आमेन।

१ पेटो 1:17

क्षोक्‍री मेजेदा मीक्‍याई राङगी लेगा घी झ्‍यीगीनला शीक्‍ती, ठीम्‍चो़ जेगीनगोला खेक्‍याई याप ॱनेरी श्‍यी़नाः, खेक्‍याई ॱनेचाङ ॱयारती धेयेगी धी़ दे, खोङबाला कुरती झ्‍येरी मीछे क्‍याघो़।

ॱङो़न्‍पा 4:11

“होरी चोवो धाङ को़न्‍क्षोक, खेराङला शीजे धाङ कुरती धाङ वाङ थोप घोयेदुक। घीझ्‍येरी ॱनाना हो़गीन घीरी खेराङगी को़ जेपालाक, धेनी खेराङगी थुकोङला तेन्‍ती, होदेक्‍या झ्‍युवालाक धेनी को़पालाक।”

ॱङो़न्‍पा 5:12

खोङबाक्‍या सुङकेक क्षेला देरे सुङी हो़तालाक, “सेसा लुक्‍टुगोला, वाङ धाङ नोर धाङ स्‍येराप धाङ स्‍युक, धेनी कुरती धाङ शीजे धाङ तो़पा थोप घोयेदुक।”