मेथा 6:5 - ॱलोवा

⁵ “धेनी खेक्‍या सोवा धेबी घाङला, शोक झ्‍यीगीन मीक्‍या च्‍योक्‍रे माझ्‍यी। घीझ्‍येरी ॱनाना मीक्‍याई थोङयेगी क्षीला, खुङक्‍या छोक्‍खाङ धाङ ॱराङगाकगी शुरक्‍याला लारी, ॱमो़लाम ग्‍याप्‍येला घालालाक। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:5 Iomraidhean Croise

मेथा 21:22

खेक्‍याला धेपा हो़ना, खीकी ॱमो़लामला घी श्‍यी़ली होदे थोप्‍कीलाक।”

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 23:5

खुङक्‍या राङगी लेगा घीरी, मी श्‍येम्‍मागी थोङये क्षीला झ्‍यीदालाक। खुङक्‍या राङगी ॱरुङा श्‍याङ क्षे शो़ धेनी घो़गी थाजारक्‍या रीङा शोवालाक।

मेथा 23:6

धेनी खुङक्‍या डो़नक्‍याला तो़टागी धेजा धाङ छोक्‍खाङक्‍याला धेजा खाक्‍क्षेक्‍याला धेये थेदालाक।

मेथा 6:1

“मी श्‍येम्‍मागी थोङयेगी क्षीला, खुङक्‍याई दोङदु ढाङतेनगी लेगा मीझ्‍यीयेला शाप-शाप झ्‍यी। देरे झ्‍यीना नाम्‍खे श्‍यीङखामदु श्‍युक्‍कीन, ख्‍यी़ यापने ख्‍यो़ला ज्‍यागा ॱमेथोप्‍कीलाक।

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:2

होझ्‍येरी उटेक्‍याला झ्‍यीम्‍बा ताङी घाङला, शोक झ्‍यीगीनक्‍याई मीक्‍याने तो़पा थोप्‍येगी क्षीला, छोक्‍खाङ धाङ ॱराङगाकक्‍याला दुङ बी़री ग्‍युक्‍कीन च्‍योक्‍रे, खेक्‍या माझ्‍यी। धेन्‍पाराङ ङा खेक्‍याला ॱनाहीन, खुङक्‍याई ज्‍यागा खुङक्‍याला थोप्‍सालाक।

मेथा 9:38

होझ्‍येरी लोदोकगी चोवोला, राङगी लोदोक धुयेगी छीला मीलाकक्‍या ताङरो जे ॱनेरी, ॱमो़लाम श्‍यी़।”

मारकु 11:25

खेक्‍या ॱमो़लाम ग्‍याई घाङला, सी़मुला मेदो़गीन रे हो़ना, होदेला घोङपा तेर धेनी नाम्‍खे श्‍यीङखामदु श्‍युक्‍कीन याप को़न्‍क्षोकगी, खेक्‍याई धीक्‍पा सेल ॱनाङगीलाक।”

मारकु 12:38

याङ येशुगी ॱलापच्‍या ॱनाङी सुवालाक, “क्षो़ठीमगी ॱलोपो़नक्‍याने नेम झ्‍येरी धो़क। खुङक्‍या घो़ रीङबो घो़न्‍दी ॱहाला-छुला ग्‍युक्‍ये दो़दालाक धेनी ठोमक्‍याला राङला मीक्‍याई घुस्‍याप झ्‍यीगीनगी रेवा झ्‍यीदालाक।

लुका 11:43

“ख्‍ये फारुसीपाक्‍या ॱङ्याली! घीझ्‍येरी ॱनाना खेक्‍या छोक्‍खाङक्‍या नाङदु श्‍युक्‍टा खाक्‍क्षे धाङ ठोम्‍साक्‍याला घुस्‍याप राक्‍येला घावो झ्‍यीदालाक।”

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

लुका 18:13

हीना ठा धुगीनगो थाक्‍रीङाने लारी, नाम्‍खा स्‍योकला ॱमीक ताक झ्‍यी ॱमाक्‍थुवा, राङगी ढाङगो दुरी ॱनेवालाक, ‘के को़न्‍क्षोक, ङा धीक्‍चेन च्‍यीकला ॱङीङजे शीक्‍रोनाङ।’”

लुका 20:47

धेनी खुङक्‍या युक्‍जामाक्‍याई खाङबा ठोक्‍वालाक धेनी मीला तो़न्‍येला सोवा रीङा ग्‍यालाक। खुङक्‍याला क्षेपा छाप्‍क्षे फोक्‍कीलाक।”

लुका 6:24

“हीना धान्‍दा क्षुक्‍पु हो़गीनक्‍या ॱङ्याली, घीझ्‍येरी ॱनाना खेक्‍याला कीदा थोप्‍सालाक।

योहान्‍ना 16:24

धान्‍दा थुक्‍पे, खीकी ङी मीङगी थोक्‍ने माश्‍यी़ हो़तालाक। धा खीकी घाटो खाङयेगी क्षीला, श्‍यी़ धेनी खेक्‍याला थोप्‍कीलाक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

१ थेसालोनीकेपा 5:17

ॱमो़लाम ॱमेक्षेता ग्‍योप,

याकोब 4:6

हीना खोङगी होराङला देले ल्‍हाक थुक्‍जे ॱनावालाक। होझ्‍येरी सुङरापगी देरे सुङालाक, “को़न्‍क्षोकगी ङागेलचेनला ङोलोक जेदालाक हीना ॱङ्यामच्‍युङला थुक्‍जे ॱनाङा जेदालाक।”