मेथा 6:4 - ॱलोवा

⁴ देरे झ्‍यीना, ख्‍यी़ झ्‍यीम्‍बा ताङगीनगो साङवे थोक्‍ने झ्‍युङगीलाक। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।”

मेथा 6:4 Iomraidhean Croise

मेथा 10:42

ङी ङेनेक्‍याने च्‍युङा च्‍यीकला, क्षु ढाङमो फोरा घाङ च्‍यीक हीन्‍ना तेरकीनगोला, ङा धेन्‍पाराङ ॱनाहीन खी़ ज्‍यागागो घानेयाः तोरकी मालाक।”

मेथा 6:18

धेनी मीक्‍याई ख्‍यी़ ॱङ्युङने श्‍युक्‍कीनगो ॱमेथोङा हीना साङवाला श्‍युक्‍कीन, ख्‍यी़ यापगी शीयास्‍योक। धेनी साङवाला श्‍युक्‍कीन ख्‍यी़ यापगी, ख्‍यो़ला ज्‍यागा ॱनाङगीलाक।

मेथा 6:3

हीना खेक्‍या उटेक्‍याला झ्‍यीम्‍बा ताङी घाङला, ख्‍यी़ लाक्‍पा ॱयेगी तेरकीनगो लाक्‍पा ॱयो़नगी ॱमाछोरास्‍योक।

मेथा 6:6

हीना खेक्‍या सोवा धेबी घाङला, ख्‍यो़री नाङ बुकतु सोरी, घो ग्‍याप्‍ती साङवाला श्‍युक्‍कीन ख्‍यी़ यापला सोवा धेप। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

लुका 8:17

घीझ्‍येरी ॱनाना बेरी श्‍याक्‍सा घीरी थोङदु च्‍युक्‍कीलाक धेनी सारी श्‍याक्‍सा घीरी ॱहाघोरतु च्‍युक्‍कीलाक।

१ कोरीन्‍थुपा 4:5

होझ्‍येरी को़का धी़गो माभाप्‍कीन एन्‍ला, मी सी़याः ठीम ॱमाचे। धेनी चोवो फेप्‍कीन थुक्‍पे घुक्‍ती धो़क। खोङबागी मी़नाकगी नाङ बेरी श्‍याक्‍सा, लाब घीरी हो़ला ॱङो़न जेगीलाक धेनी मीगी सेम्‍बे क्षास्‍यीक्‍या ॱङो़न जेगीलाक। धेनी होदे घाङला मी रे-रेगी, को़न्‍क्षोकने राङगी तो़पा थोप्‍कीलाक।

ईब्‍रीपा 4:13

को़न्‍क्षोकगी ॱमीक्‍वादु को़पा घीरीने घीया बे मेतालाक। खोङबागी च्‍येनगी डुङदु दो़न घीरी सावो धाङ ॱमाकाप हो़तालाक। धेनी खोङबाला राङ होराङ होरी ची श्‍यु घोगुलाक।

युदा 1:24

धा खेक्‍याला धीक्‍पे नाङदु, छी़येने क्‍योप जे थुप्‍कीन धाङ खेक्‍याला घाटो क्षेगी थोक्‍ने, खोङबागी शीजेगी डुङदु खेक्‍याला क्‍यो़न मेगीन तो़न जेगीन,

ॱङो़न्‍पा 2:23

ङा मी़ टुवाक्‍याला सेयेहीन। धेनी मीगी सेम धाङ साम्‍लोला ताक्‍चा झ्‍यीगीनगो, ङा हीन ॱनेरी, क्षो़छोक घीरीगी स्‍येगीलाक। धेनी ङा खेक्‍या घीरीला, खेराङक्‍याई लेगाला तेरी तेराहीन।