मेथा 6:3 - ॱलोवा

³ हीना खेक्‍या उटेक्‍याला झ्‍यीम्‍बा ताङी घाङला, ख्‍यी़ लाक्‍पा ॱयेगी तेरकीनगो लाक्‍पा ॱयो़नगी ॱमाछोरास्‍योक।

मेथा 6:3 Iomraidhean Croise

मेथा 12:19

खी़ चो़पा धाङ दुकेक मेग्‍याप्‍कीलाक, धेनी ॱराङगाकला खी़ केक सी़या मेघोरकीलाक।

मेथा 6:2

होझ्‍येरी उटेक्‍याला झ्‍यीम्‍बा ताङी घाङला, शोक झ्‍यीगीनक्‍याई मीक्‍याने तो़पा थोप्‍येगी क्षीला, छोक्‍खाङ धाङ ॱराङगाकक्‍याला दुङ बी़री ग्‍युक्‍कीन च्‍योक्‍रे, खेक्‍या माझ्‍यी। धेन्‍पाराङ ङा खेक्‍याला ॱनाहीन, खुङक्‍याई ज्‍यागा खुङक्‍याला थोप्‍सालाक।

मेथा 6:4

देरे झ्‍यीना, ख्‍यी़ झ्‍यीम्‍बा ताङगीनगो साङवे थोक्‍ने झ्‍युङगीलाक। धेनी साङवाने शीक्‍कीन ख्‍यी़ यापगी ख्‍यो़ला ज्‍यागा ॱनाङगीलाक।”

मेथा 8:4

धेनी येशुगी खोला सुवालाक, “सुलाः दे ॱमास्‍ये, हीना सोरी राङला क्षो़पो़नक्‍याचारु तो़न धेनी मीमाङक्‍याला ख्‍यो़ चाङमा झ्‍युजागी पाङपो हुङयेगी क्षीला, मोशेगी का ॱनाङगीन च्‍योक्‍रे क्षो़पा पु।”

मेथा 9:30

धेनी खुङ ॱङीउगी ॱमीक भेवालाक। धेनी येशुगी खुङ ॱङीउला, “दे लाब दे सुला ॱहामाघोरास्‍योक।” ॱनेरी, खुङ ॱङीउला का स्‍युक्‍क्षे ॱनावालाक।

योहान्‍ना 7:4

मीमाङगी खोकला तो़न्‍दो़ हो़गीन सी़याः साङवाला लेगा मीझ्‍यीदालाक। खेराङ देरे क्षाक्‍ले जेना, राङला जीक्‍तेनला ॱङो़न्‍तु जे।”