मेथा 6:2 - ॱलोवा

² होझ्‍येरी उटेक्‍याला झ्‍यीम्‍बा ताङी घाङला, शोक झ्‍यीगीनक्‍याई मीक्‍याने तो़पा थोप्‍येगी क्षीला, छोक्‍खाङ धाङ ॱराङगाकक्‍याला दुङ बी़री ग्‍युक्‍कीन च्‍योक्‍रे, खेक्‍या माझ्‍यी। धेन्‍पाराङ ङा खेक्‍याला ॱनाहीन, खुङक्‍याई ज्‍यागा खुङक्‍याला थोप्‍सालाक।

मेथा 6:2 Iomraidhean Croise

मेथा 15:7

खे शोक्‍पोक्‍या! खीकी क्षीला यस्‍यायागी ॱङो़नस्‍ये दे तायी सुदुक,

मेथा 16:3

धेनी ॱङारोक खेक्‍या, ‘ॱनाम ॱमाउ धाङ ॱमुक्‍पी तुम्‍ता झ्‍येरी, धीरीङ ॱलुङछुप ग्‍याप्‍कीलाक।’ ॱनेरी ॱनालाक। खेक्‍या ॱनामगी दोकला तेरी, ङीमा घारे हुङये दुक ॱनेरी स्‍येलालाक हीना धान्‍दा झ्‍युङगीन धी़गी ताकक्‍याई दो़न्‍दाकगो टो ॱमीथुवालाक।

मेथा 22:18

हीना येशुगी खुङक्‍याई साम्‍लो ङेन्‍पागो खेन्‍दी सुवालाक, “खे शोक्‍पोक्‍या! ङाला घीझ्‍येरी छो़ लेन्‍दा?

मेथा 23:5

खुङक्‍या राङगी लेगा घीरी, मी श्‍येम्‍मागी थोङये क्षीला झ्‍यीदालाक। खुङक्‍या राङगी ॱरुङा श्‍याङ क्षे शो़ धेनी घो़गी थाजारक्‍या रीङा शोवालाक।

मेथा 23:6

धेनी खुङक्‍या डो़नक्‍याला तो़टागी धेजा धाङ छोक्‍खाङक्‍याला धेजा खाक्‍क्षेक्‍याला धेये थेदालाक।

मेथा 24:51

धेनी खी़ खोला दुबु-दुबुला चेदी शोक्‍पोक्‍याई, मुला मीक्‍या ङुगीन धाङ सो ढीक्‍कीन साजारु ॱयुक्‍कीलाक।”

मेथा 5:18

ङा खेक्‍याला धेन्‍पा ॱनाहीन, ॱनाम-सा ॱङी येरी मेडोगीन थुक्‍पे, क्षो़ठीम घीरी माडुप्‍पा क्षो़ठीमगी यीक्‍टु च्‍यीक धाङ छेक च्‍यीया येगीमालाक।

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:3

हीना खेक्‍या उटेक्‍याला झ्‍यीम्‍बा ताङी घाङला, ख्‍यी़ लाक्‍पा ॱयेगी तेरकीनगो लाक्‍पा ॱयो़नगी ॱमाछोरास्‍योक।

मेथा 6:5

“धेनी खेक्‍या सोवा धेबी घाङला, शोक झ्‍यीगीन मीक्‍या च्‍योक्‍रे माझ्‍यी। घीझ्‍येरी ॱनाना मीक्‍याई थोङयेगी क्षीला, खुङक्‍या छोक्‍खाङ धाङ ॱराङगाकगी शुरक्‍याला लारी, ॱमो़लाम ग्‍याप्‍येला घालालाक। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 7:5

ख्‍यो़ शोक्‍पो, एन्‍ला राङगी ॱमीकने दुङमा तो़न धेनी ख्‍यो़री पी़नगी ॱमीकने स्‍यीङडुक तो़न्‍येला सावो थोङगीलाक।

मारकु 12:39

धेनी छोक्‍खाङक्‍याला खुङक्‍या धेजा घायोकगो धाङ श्‍युक्‍टाक्‍याला धेजा थोवागो चालालाक।

मारकु 7:6

धेनी येशुगी खुङक्‍याला सुवालाक, “खे शोक्‍पोक्‍याई कोरला, यस्‍याया ॱङो़नस्‍येखेनगी ताई देरे ढीक्‍दुक, ‘दे मीक्‍याई ङाला खाने च्‍यीगा घुस्‍याप झ्‍यीदालाक, हीना खुङक्‍याई सेम ङाने थाक्‍रीङा दुक।

लुका 11:41

हीना नाङला हो़गीनगो उटेक्‍याला ज्‍यीम्‍बा तोङ धेनी ख्‍यी़ क्षीला घीरी चाङमा झ्‍युङगीलाक।”

लुका 11:43

“ख्‍ये फारुसीपाक्‍या ॱङ्याली! घीझ्‍येरी ॱनाना खेक्‍या छोक्‍खाङक्‍या नाङदु श्‍युक्‍टा खाक्‍क्षे धाङ ठोम्‍साक्‍याला घुस्‍याप राक्‍येला घावो झ्‍यीदालाक।”

लुका 12:33

ख्‍यो़री ग्‍युनोर चोरी उटेक्‍याला झ्‍यीम्‍बा तोङ। ख्‍यो़री क्षीला ॱङीङबाला मेडोगीन खुमाक शो़। होदे नाङदु नामाः मेजोक्‍कीन ग्‍युनोर, नाम्‍खे श्‍यीङखामदु साक्‍ती श्‍योक। होदुरु कुमा मेयोङालाक धेनी मुक्‍पागी मेशालाक।

लुका 12:56

खे शोक्‍पोक्‍याओ, खेक्‍या ॱनाम धाङ साला तेरी ॱनामस्‍यी घारे हुङगीलाक ॱनेरी ॱना थुक्‍ना, धान्‍दागी धी़गी ताकक्‍या खेक्‍या घीझ्‍येरी ॱहामेघोराले?

लुका 13:15

हीना चोवोगी कालेन ॱनावालाक, “खे शोक्‍पोक्‍याओ, ङासुगीन ङीमाला खेक्‍या खेरी ॱलुङ याङना भुङगुक्‍याई थाक्‍पा टोरी, क्षु ॱली़दु ठीक्‍ती मेडोवाले?

लुका 20:46

“क्षो़ठीमगी ॱलोपो़नक्‍याने शाप-शाप झ्‍यी, खुङक्‍या घो़ रीङबो घो़न्‍दी, कोरा ग्‍याप्‍ये धाङ ठोमक्‍याला मीक्‍याने घुस्‍याप थोप्‍येला थेदालाक धेनी छोक्‍खाङक्‍याला श्‍युक्‍ठी घायोक धाङ डो़नक्‍याला धेजा थोवाक्‍या थेदालाक।

लुका 6:24

“हीना धान्‍दा क्षुक्‍पु हो़गीनक्‍या ॱङ्याली, घीझ्‍येरी ॱनाना खेक्‍याला कीदा थोप्‍सालाक।

लुका 6:42

खेरी ॱमीकगी दुङमा ॱमेथोङगीन, ख्‍यी़ राङगी पी़नला ‘ख्‍यी़ ॱमीकने स्‍यीङडुकगो तो़न्‍दु च्‍युक’ ॱनेरी घाङगी झ्‍येरी ॱनाथुक्‍वाले? शोक्‍पो ख्‍यो़, एन्‍ला राङगी ॱमीकगी दुङमागो तो़न धेनी खेरी पी़नगी ॱमीकला हो़गीन स्‍यीङडुकगो तो़न्‍येला ख्‍यी़ सावो थोङगीलाक।”

योहान्‍ना 13:29

घीझ्‍येरी ॱनाना युदाला ॱङुगी खुमाकगो झ्‍येरी, येशुगी खोला धी़छेनगी क्षीला खुङक्‍याला घो़गीनगो ङ्योये याङना उटेक्‍याला झ्‍यीम्‍बा ताङयेला, देरे सुङा हीन्‍ढु ॱनेरी खुङक्‍याने रीङगागी साम्‍बालाक।

योहान्‍ना 5:41

“ङी मीक्‍याने कुरती चाला मेन,

योहान्‍ना 5:44

को़न्‍क्षोक च्‍यीक्‍पोने झ्‍युङगीन कुरतीगो ॱमेचाला, खेक्‍या पी़न्‍सुमगी नाङदु कुरती चागीन झ्‍येरी, खेक्‍या घाङगी झ्‍येरी धेपा झ्‍यी थुक्‍कीले?

योहान्‍ना 7:18

राङला तेन्‍दी स्‍येगीन दे, राङगी ॱङेन्‍डाक चालालाक हीना राङला ॱङाक्‍कीनगी ॱङेन्‍डाक चागीन, दे धेन्‍पा लाक धेनी खी़ नाङदु शोक मीयोङालाक।

जेपा 10:2

खो धाङ खी़ नाङमी घीरी, क्षो़ला घागीन धाङ को़न्‍क्षोकला चीरी जीक्‍नाङ झ्‍यीगीन हो़तालाक। खो मीमाङक्‍याला ज्‍यीम्‍बा ताङालाक धेनी को़न्‍क्षोकला च्‍योई सोवा ग्‍यालाक।

जेपा 10:31

धेनी सुजुङ, ‘कोरनेलीहु, को़न्‍क्षोकगी ख्‍यी़ ॱमो़लामक्‍या सेन्‍दुक धेनी ख्‍यी़ ज्‍यीम्‍बाक्‍या श्‍यीप्‍ता जेदुक।

जेपा 10:4

धेनी खो छु थोरती खोला तेरी ढीवालाक, “चोवो, घी सुङवा हीनो?” धेनी भाङछेनगी खोला सुवालाक, “ख्‍यी़ ॱमो़लाम धाङ ज्‍यीम्‍बा ताताक्‍या को़न्‍क्षोकगी डुङला ॱलेप्‍दुक।

जेपा 11:29

होझ्‍येरी आन्‍तीयोकदु हो़गीन धेपा-झ्‍यीगीनक्‍याई, युदेयारु धेगीन पी़नक्‍याला रोवा झ्‍यीयेला, मीरी-मीरीने घी थुक्‍तु कुरये ढो़ झ्‍येवालाक।

जेपा 24:17

“लो घाजीङगी स्‍याम्‍ने, ङा येरुसालेमदु ङारी मीक्‍याला ज्‍यीम्‍बा ताङदु धाङ को़न्‍क्षोकला क्षो़पा पुयेला होवाहीन।

जेपा 9:36

योफा ॱनागीन ग्‍याजारु ताबीथा ॱनागीन, धेपा-झ्‍यीगीन भोमो च्‍यीक हो़तालाक। गीरीक केकला मी़ मीङ “दोरकास” ॱनाना “स्‍यावा” लाक। मो नाम्‍हीना ले शाङा धाङ क्‍योवाक्‍याला रोवा झ्‍यीदालाक।

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

१ कोरीन्‍थुपा 13:3

धेनी ङाला हो़गीन घीरी झ्‍यीम्‍बा ताङना धेनी ङी ली़ राङ सो़न्‍पो ॱराक्‍येला तेरनाः, हीना ङी नाङ झाम्‍पा मेना ङाला फेन्‍थोक्‍ये घीया मेक।

गालातीयापा 2:10

मी उटेक्‍याला ढेन्‍सो़ झ्‍यी ॱनेरी च्‍यीगा, खुङक्‍याई हेला कुजुङ धेनी देरे झ्‍यीयेला एम्‍माने ङाला ॱमीच्‍यीकी दो़पा हो़क।

एफीसुपा 4:28

कुगीनगी धा ॱमाकुवास्‍योक। हीना खी़ काल्‍ले ग्‍यास्‍योक। खी़ राङगी लाक्‍पा ॱङीगी ढाङपो झ्‍येरी, काल्‍ले ग्‍यास्‍योक धेनी घो़गीनक्‍याला झ्‍यीम्‍बा ताङास्‍योक।

१ थेसालोनीकेपा 2:6

मास्‍यीकागी कुछाप झ्‍युरी, हेक्‍याई खेक्‍याला आङजा झ्‍यी थुक्‍येहो़क हीना मी सुनेः हीकी तो़टा ॱमाचा। खेक्‍याने मेन धेनी श्‍येम्‍माक्‍याने मेन।

१ तीमोथेउ 6:18

खुङक्‍याई लेगा शाङा झ्‍यीये धाङ ले शाङाला क्षुक्‍पु धेनी झ्‍यीम्‍बा ताङयेला घागीन धाङ राङला हो़गीन श्‍येम्‍माला घोवास्‍योक।

फीलेमोन 1:7

ङी पी़न ख्‍यी़ धाम्‍पे मीक्‍याला सेम्‍सो पारती, ख्‍यी़ झाम्‍पाने ङाला घाटो धाङ सेमस्‍युक क्षे थोप्‍सुङ।

ईब्‍रीपा 13:16

ले शाङा झ्‍यीये धाङ राङला हो़गीनगो, श्‍येम्‍माक्‍यामुला घो़येला ढेन्‍बा माजे घीझ्‍येरी ॱनाना देरे क्षो़पाक्‍याला राङ को़न्‍क्षोक थुक्‍ङेउ जेदालाक।

१ पेटो 4:11

दो़न घीरीगी थोक्‍ने, येशु मास्‍यीकागी थोक्‍ने को़न्‍क्षोकगी शीजे झ्‍युङयेगी क्षीदु, खेक्‍याने क्षो़ स्‍येगीनगी को़न्‍क्षोकगी का सुङगीन च्‍योक्‍रे स्‍येघो़ धेनी खेक्‍याने श्‍याप्‍ची श्‍युगीनगी को़न्‍क्षोकगी ॱनाङना तोपगी गोने श्‍याप्‍ची श्‍यी़घो़। धी़ तेन्‍दु शीजे धाङ वाङ खोङबागी लाक। आमेन।