मेथा 6:10 - ॱलोवा

¹⁰ खेराङगी ग्‍यासी हुङवास्‍योक, खेराङगी थुकोङ नाम्‍खे श्‍यीङखामला डुप्‍कीन च्‍योक्‍रे, सालाः डुप्‍पास्‍योक।

मेथा 6:10 Iomraidhean Croise

मेथा 12:50

घीझ्‍येरी ॱनाना नाम्‍खे श्‍यीङखामदु श्‍युक्‍कीन, ङी यापगी थुकोङगी लेगा डुप्‍तु च्‍युक्‍कीनक्‍याराङ, ङी आज्‍यो-नो धाङ ईजी-नुमु धाङ आमा हीन।”

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 26:42

धेनी याङ थेङमा ॱङीवागोला खोङबा फेप्‍ती, सोवा दे धेप्‍पालाक, “ङी याप, दुक्‍ङेलगी फोरा दे, ङी ॱमाथुङगीन थुक्‍पे झ्‍युङये मेना, खेराङगी थुकोङ डुप्‍पास्‍योक।”

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मेथा 7:21

“ङाला ‘चोवो चोवो’ ॱनेरी भो़गीन घीरी, नाम्‍खागी ग्‍यासीला ॱमीछी़गीलाक हीना नाम्‍खे श्‍यीङखामदु श्‍युक्‍कीन, ङी यापगी थुकोङ डुप्‍कीनगो च्‍यीगा, दे नाङदु छी़गीलाक।

मारकु 11:10

होरी याप दावीदगी ग्‍यासी हुङगीन देला झ्‍यीलाप हुङवास्‍योक। थोस्‍योकरु श्‍युक्‍कीनला होसान्‍ना।”

मारकु 3:35

को़न्‍क्षोकगी थुकोङ डुप्‍तु च्‍युक्‍कीनक्‍याराङ, ङी नो-नुमो धाङ आमा हीन।”

लुका 19:11

धा मीक्‍याई दे ङेन्‍दी घाङला, येशुगी खुङक्‍याला पे च्‍यीक सुवालाक घीझ्‍येरी ॱनाना खोङबा येरुसालेमगी ङ्येरु हो़तालाक धेनी मीक्‍याई को़न्‍क्षोकगी ग्‍यासी उक्‍कुरा च्‍यीकला ॱङो़न्‍टु साम्‍बालाक।

लुका 19:38

“चोवोगी छेनला फेप्‍गीन ग्‍यावुगो झ्‍यीलाप क्षे! नाम्‍खे श्‍यीङखामदु श्‍यीदे धाङ ॱलानामेपेला तो़टा!”

लुका 22:42

“ङी याप खेराङगी थुकोङ हो़ना, दे दुक्‍पुगी फोरा दे ङाने ॱहाला ॱनुमा जे। हीना ङी दो़पा मेन्‍दा खेराङगी थुकोङ डुपास्‍योक।”

योहान्‍ना 4:34

येशुगी खुङक्‍याला सुवालाक, “ङाला ॱङाक्‍कीनगी थुकोङगो झ्‍यीये धाङ खोङबागी क्षाक्‍ले डुप्‍ये देराङ ङी शामा लाक।

योहान्‍ना 6:40

घीझ्‍येरी ॱनाना ङी यापगी थुकोङ नी, सेला ज्‍यारी धेपा झ्‍यीगीनला थामेपे छेसोक थोप्‍घोगुलाक धेनी थामे ङीमागोला ङा खोला सो़न्‍पो ॱलाङयेहीन।”

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

जेपा 13:22

धेनी को़न्‍क्षोकगी खोला तो़न्‍दी दावीदला, ग्‍यावु को़ जेपालाक। दावीदगी कोरला को़न्‍क्षोकगी देरे सुङ हो़तालाक, ‘यीस्‍येगी भीजा दावीदला थुक्‍यी घाङला, ङी सेम्‍बा थेगीन मी जोरसुङ। खी़ ङी छीला झ्‍यीघोगीन लेगा घीरी डुप्‍तु च्‍युक्‍कीलाक।’

जेपा 21:14

धेनी पाउलुला काक ॱमाथुक्‍ती हेक्‍याई खोला “चोवोगी थुकोङ डुपास्‍योक” ॱनेरी खाबा धेबी।

जेपा 22:14

धेनी खी़ ङाला ॱनेजुङ, ‘होरी धाङबी फामाक्‍याई चीगीन को़न्‍क्षोकगी खोङबा राङगी दो़पा, ख्‍यी़ ॱहाघोरयेला धाङ होदे मी ढाङपोला थोङये धाङ खोङबागी सुङकेक ङेन्‍येला खेराङला को़ जेपालाक।

रोमापा 12:2

धेनी दे जीक्‍तेनगी लुक्‍सो़ला माडे, हीना को़न्‍क्षोकला ख्‍यो़री सेम्‍बा ग्‍युरा जेदी, ख्‍यो़ला मी साबा च्‍यीक जेदु च्‍युक। धेनी को़न्‍क्षोकगी थुकोङ नी, शाङपो धाङ थुक्‍ङेउ धाङ फी़न्‍सुम छोक्‍पा हीन्‍गीनगो, खेक्‍याई स्‍येगीलाक।

एफीसुपा 6:6

मीक्‍याला ङ्यामो घारु च्‍युक्‍येला ॱमीकगी थोङसारु च्‍यीगा लेगा माझ्‍यी हीना मास्‍यीकागी श्‍याप्‍चीक्‍या च्‍योक्‍रे, सेम तीङने को़न्‍क्षोकगी थुकोङ डुप्‍तु च्‍युक।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

कोलोसेपा 1:9

होझ्‍येरी हेक्‍याई खीकी कोरला घोरका ङीमाने, खीकी क्षीला ॱमेक्षेदा ॱमो़लाम ग्‍यावीहो़क। धेनी को़न्‍क्षोकगी खेक्‍याला खोङबाराङगी थुकोङगी, स्‍येराप छाङगो धाङ सेम्‍ङीने थोप्‍कीन स्‍येराप धाङ स्‍येयो़न ॱनाङास्‍योक ॱनेरी, हेक्‍या खोङला श्‍युवाहीन।

१ थेसालोनीकेपा 4:3

खेक्‍या लोक्‍येमने जेम्‍ये धाङ धाम्‍पाला ग्‍युरकीनगो, को़न्‍क्षोकगी थुकोङ लाक।

१ थेसालोनीकेपा 5:18

ॱनेछु घारे हो़ना थुक्‍चीक्षे श्‍यी़ घीझ्‍येरी ॱनाना खेक्‍याई क्षीला येशु मास्‍यीकागी थोक्‍ने, को़न्‍क्षोकगी थुकोङ देराङ लाक।

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

ईब्‍रीपा 10:36

खेक्‍याई को़न्‍क्षोकगी थुकोङ डुप्‍ये धाङ खोङगी धाम्‍चा जेजागो थोप्‍येगी क्षीदु शो़पा झ्‍यीघो़।

ईब्‍रीपा 10:7

धेनी ङी श्‍यी़वी, ‘के को़न्‍क्षोक शीक्‍ताङ, पेजागी नाङ ङी कोरला ढीक्‍टा च्‍योक्‍रे, खेराङगी थुकोङ डुप्‍येला ङा होहो़क।’”

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।

१ पेटो 2:15

घीझ्‍येरी ॱनाना को़न्‍क्षोकगी थुकोङ नी, खेक्‍याई शाङा झ्‍येरीराङ मी ॱलेन्‍पाक्‍याई तीमुकला खा काक्‍ये लाक।

१ पेटो 4:2

होझ्‍येरी ली़ नाङदु धेये हीन्‍गीन थुक्‍पे, खेक्‍या मीगी दो़पा मेन्‍दा, को़न्‍क्षोकगी थुकोङला मीछे क्‍यो।

ॱङो़न्‍पा 11:15

धेनी नाम्‍खे भाङछेन धी़न्‍बागी़ राङगी दुङक्षेनगो भी़वालाक धेनी होदे स्‍याम्‍ने नाम्‍खे श्‍यीङखामदु सुङकेक क्षेक्‍याई देरे सुवालाक, “जीक्‍तेनगी ग्‍यासी, होरी चोवो धाङ खोङबागी मास्‍यीकागी ग्‍यासी झ्‍युदुक। धेनी खोङबागी ग्‍युने ग्‍युन्‍दु वाङग्‍युर जेगीलाक।”

ॱङो़न्‍पा 12:10

धेनी ङी नाम्‍खे श्‍यीङखामदु देरे सुङगीन सुङकेक क्षे घोरजुङ, “धा होरी को़न्‍क्षोकगी थारपा धाङ नी़थु धाङ ग्‍यासी, धेनी खोङबागी मास्‍यीकागी आङजागो फेप्‍दुक। घीझ्‍येरी ॱनाना होरी को़न्‍क्षोकगी डुङदु होरी, पी़नक्‍याला ङीन-छेन क्‍यो़न चुक्‍कीन, होदे क्‍यो़न चुक्‍कीनगोला माला ॱयुक्‍दुक।

ॱङो़न्‍पा 19:6

धेनी मीछोक क्षेगी केक च्‍योक्‍रे च्‍यीक, ग्‍युक्‍क्षुगी हुरडा धाङ डुक्‍डागी केक च्‍योक्‍रे च्‍यीकगी, देरे ॱनागीनगो ङी घोरजुङ, “हालेलुयाह! घीझ्‍येरी ॱनाना होरी चोवो को़न्‍क्षोक कुवाङगी ग्‍यासी क्‍योङा जेदालाक।

ॱङो़न्‍पा 20:4

धेनी ङी श्‍युक्‍ठीक्‍या धाङ ठीम्‍चो़ जेयेला आङजा थोप्‍था, होदे श्‍युक्‍ठी खाला श्‍युक्‍कीनक्‍या थोजुङ। धेनी येशुला धेन्‍पाङ झ्‍येजा धाङ को़न्‍क्षोकगी कागी दो़न्‍दु, गोवा चेचाक्‍याई सेम्‍ङीक्‍या ङी थोजुङ। खुङक्‍याई होदे सेम्‍चेन धाङ होदेगी कुला क्षाक्‍क्षो़पा ॱमापुवालाक धेनी होदेगी ताक टाल्‍ले याङना लाक्‍पाला माग्‍याप्‍पालाक। खुङक्‍या सो़न्‍पो झ्‍युवालाक धेनी मास्‍यीकामुला, खुङक्‍याई लो च्‍यीकतोङ थुक्‍पे वाङग्‍युर झ्‍येवालाक।