मेथा 5:9 - ॱलोवा

⁹ थी़न ढीक्‍कीनक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या को़न्‍क्षोकगी से धाङ सेमो ॱनेरी भो़गीलाक।

मेथा 5:9 Iomraidhean Croise

मेथा 5:45

देरे झ्‍यीना खेक्‍या नाम्‍खे श्‍यीङखामदु श्‍युक्‍कीन, खेरी यापगी से धाङ सेमो झ्‍युङगीलाक। घीझ्‍येरी ॱनाना खोङबागी मी ङेन्‍पा धाङ शाङपो ॱङीगाराला, राङगी ङीमा स्‍यारतु च्‍युक्‍वालाक धेनी ढाङपो धाङ मेढाङा ॱङीगारागी खाला क्षावा पावा जेदालाक।

मेथा 5:48

होझ्‍येरी नाम्‍खे श्‍यीङखामदु श्‍युक्‍कीन, ख्‍यी़ याप फी़न्‍सुम छोक्‍पा हो़गीन च्‍योक्‍रे, ख्‍यो़याः फी़न्‍सुम छोक्‍पा झ्‍युङघोगुलाक।”

लुका 20:36

खुङक्‍या नाम्‍खे भाङछेनक्‍या च्‍योक्‍रे झ्‍येरी, खुङक्‍या याङ स्‍यीगीमालाक। धेनी खुङक्‍या छीवाने सो़न्‍पो लाङ सारसा झ्‍येरी, खुङक्‍या को़न्‍क्षोकगी से धाङ सेमो लाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

जेपा 7:26

“ङीमा स्‍याम्‍मागो मोशेगी ईस्‍राएल्‍पा पी़न ॱङी टाप्‍यी धेगीनगो थोरी, खुङ ङीउला छाम्‍दु च्‍युक्‍येला हो ॱनेवालाक, ‘खेक्‍या पी़न्‍दा झ्‍येरीया घीझ्‍येरी राङ नाङदु टाबा ले?’

रोमापा 12:18

झ्‍युङ थुक्‍ये हो़ना, घी थुप-थुप राङला रा ली़गीन थुक्‍पे, घीरीमुला श्‍यीदेला धो़क।

रोमापा 8:14

घीझ्‍येरी ॱनाना को़न्‍क्षोकगी थुक्‍ङीगी गोठी जेजा घीरी, को़न्‍क्षोकगी से धाङ सेमो लाक।

रोमापा 8:16

धाम्‍पे थुक्‍ङीगी राङ होरी सेममुला, होराङ को़न्‍क्षोकगी से धाङ सेमो हीन्‍गीनगी धेन्‍पाङ जेदालाक।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

१ कोरीन्‍थुपा 6:6

हीना पी़न च्‍यीकगी च्‍यीकला ठीम्‍खाङदु ठीई धेनी होदेगोवाः मास्‍यीकावा मेन्‍गीनक्‍याई दोङदु!

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 5:20

होझ्‍येरी हेक्‍या मास्‍यीकागी कुछापक्‍या लाक धेनी को़न्‍क्षोकगी हेक्‍याई थोक्‍ने, मीक्‍याला कुला जेदालाक। हेक्‍या मास्‍यीकागी छाप्‍ने खेक्‍याला को़न्‍क्षोकमुला दुमा झ्‍यी ॱनेरी, श्‍योवा पुलाहीन।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

एफीसुपा 4:1

होझ्‍येरी, चोवोगी चो़न्‍पा ङा पाउलु, खेक्‍याला श्‍योवा देक्‍या पुलाहीन, को़न्‍क्षोकगी खेक्‍याला भो़ जेजागोला तेन थुप्‍कीन मीछे क्‍यो।

फीलीप्‍पीपा 4:2

ङा युओदीया धाङ सीन्‍तीके ॱङीउला, चोवोगी नाङ सेम्‍बा थी़न्‍दी धो़क, ॱनेरी श्‍योवा पुलाहीन।

कोलोसेपा 3:13

धेनी च्‍यीकगी च्‍यीकला शो़पा घोम्‍दी, च्‍यीकगी श्‍येम्‍माला क्‍यो़न चुक हो़ना, च्‍यीकगी च्‍यीकला घोयाङ तेरती, चोवोगी खीकी धीक्‍पा सेल्‍गीन च्‍योक्‍रे, खेक्‍यागीयाः घोयाङ तेरघो़।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।