मेथा 5:5 - ॱलोवा

⁵ ॱङ्यामच्‍युङक्‍या घीन्‍गी झ्‍यीलाप क्षे ले, घीझ्‍येरी ॱनाना खुङक्‍या साश्‍यीगी दाक्‍पो झ्‍युङगीलाक।

मेथा 5:5 Iomraidhean Croise

मेथा 11:29

ङी ॱङ्यास्‍यीङ खुर धेनी ङाने झ्‍योङ घीझ्‍येरी ॱनाना ङा सेमला शाङा धाङ ॱङ्यामच्‍युङ हो़क धेनी खेक्‍याई सेमक्‍याला ङासु थोप्‍कीलाक।

मेथा 21:5

“सीयोनगी भोमोला ॱनो़, ‘तो़दाङ, ख्‍यी़ ग्‍यावुगो ॱङ्यामच्‍युङ झ्‍युरी, भुङगु खाला, भुङगी भुङटु च्‍यीक खाला, ख्‍यी़चारु फेई।’”

रोमापा 4:13

आब्‍राहाम नी, जीक्‍तेनगी ग्‍युज्‍यीन झ्‍युङगीलाक सुरी, को़न्‍क्षोकगी आब्‍राहाम धाङ खोङगी भुग्‍युक्‍याला धाम्‍चा जेजागो क्षो़ठीम ॱरुङगीनगी थोक्‍ने मालाक हीना धेपाने झ्‍युङगीन ढाङतेनने लाक।

गालातीयापा 5:23

ॱङ्यामच्‍युङ धाङ राङ छो़ शीम्‍गीन लाक। देक्‍याला ॱमीथी़न्‍गीन क्षो़ठीम मेतालाक।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

तीतोस 3:2

सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

याकोब 1:21

होझ्‍येरी ॱमेचाङा घीरी धाङ ङेन्‍पा हो़ले पोङ च्‍यीक। धेनी खीकी सेमला क्‍योप थुप्‍कीन, खीकी नाङदु च्‍युक हो़गीन कागो ॱङ्यामच्‍युङ झ्‍येरी खेलेन झ्‍यी।

याकोब 3:13

खेक्‍याने खेवा धाङ साम्‍लो थोङागो सु हो़तो? मी देगी राङगी चो़लाम शाङपो धाङ स्‍येरापने झ्‍युङगीन, ॱङ्यामच्‍युङगी गोने राङगी लेगा घीरी तो़न्‍घो़।

१ पेटो 3:15

हीना राङगी सेम नाङने मास्‍यीकाला, खेरी चोवो चीरी ॱङीङकुर झ्‍यी। धेनी खेक्‍याला हो़गीन रेवागी कोरला ढीवा झ्‍यीगीनक्‍याला लेन तेरयेला, च्‍योई डाढीक धो़क। हीना लेन तेरी घाङला ज्‍याबोमा धेनी घुस्‍याप धाङ

१ पेटो 3:4

हीना खीकी शाप्‍टो नी, खेरी सेम नाङदु येरी मेडोगीन ज्‍याबो धाङ खुसीम्‍पोगी सेम हुङघो़। दे नी, को़न्‍क्षोकगी ॱमीक्‍वादु चाक्षे हो़तालाक।