मेथा 5:44 - ॱलोवा

⁴⁴ हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

मेथा 5:44 Iomraidhean Croise

लुका 23:34

धेनी येशुगी सुवालाक, “ङी याप, देक्‍याला घोङपा ॱनाङरो ॱनाङ घीझ्‍येरी ॱनाना देक्‍याई घी झ्‍यीगीनगो देक्‍या ॱमेस्‍येलालाक।” धेनी ॱमाक्‍मीक्‍याई येशुगी घोलाकगो गेन ग्‍याप्‍ती, खोराङक्‍या नाङदु घो़वालाक।

योहान्‍ना 13:34

“ङा खेक्‍याला काठीम साबा च्‍यीक तेराहीन, च्‍यीकगी च्‍यीकला झाम्‍पा झ्‍यी। ङी खेक्‍याला झाम्‍पा झ्‍यीगीन च्‍योक्‍रे, खेक्‍यागीया च्‍यीकगी च्‍यीकला झाम्‍पा झ्‍यी।

जेपा 16:28

हीना पाउलुगी फेरा ग्‍याप्‍ती ॱनेवालाक, “ख्‍यो़ ख्‍यो़राङला ॱमासे। हेक्‍या घीरी दुरुराङ हो़क।”

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

रोमापा 12:14

खेक्‍याला दुक्‍पु ताङगीनक्‍याला झ्‍यीलाप तेर। झ्‍यीलाप तेर हीना ॱमेमो माग्‍याप।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।