मेथा 5:30 - ॱलोवा

³⁰ धेनी ख्‍यी़ लाक्‍पा ॱयेगी ख्‍यो़ला धीक्‍पा झ्‍यीदु च्‍युक्‍ना, लाक्‍पा दे चेदी ॱयुक। घीझ्‍येरी ॱनाना ली़ घाङजाङ खेरती ॱङ्यावादु ॱयुक्‍येले, ख्‍यी़ ली़गी दुबु च्‍यीक स्‍योरना घा लाक।

मेथा 5:30 Iomraidhean Croise

मेथा 11:6

ङाला तेरी धेपाने मेलोक्‍कीनक्‍या, झ्‍यीलाप क्षे हीन।”

मेथा 13:21

हीना राङला चावा तीङ रीङबो मेगीन झ्‍येरी, होदे धी़चो़ तीते च्‍यीक धेगीलाक धेनी कागी दो़न्‍दु दुक्‍ङेल धाङ ॱनेक्‍यो़न झ्‍युङना लाम्‍साङ खो धेपाने लोक्‍कीलाक।

मेथा 16:23

हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

मेथा 17:27

घीहीन्‍ना, खुङक्‍याला फोक्‍तु ॱमीच्‍युक्‍येला, ख्‍यो़ छोला सोरी च्‍याकग्‍यु च्‍यीक क्षु नाङला ॱयुक। धेनी एन्‍ला थो़न्‍गीन ङ्यागो लेन। होदेगी खा पेरी, ॱङुगी टाङगा च्‍यीक ॱङेगीलाक। होदे खेरती, होराङ ॱङीउगी ठागी क्षीला खुङक्‍याला ज्‍योङ।”

मेथा 18:8

“धेनी ख्‍यी़ लाक्‍पा याङमेना काङबागी ख्‍यो़ला धीक्‍पा झ्‍यीदु च्‍युक्‍ना, होदे चेदी ॱयुक श्‍योक। घीझ्‍येरी ॱनाना लाक्‍पा ॱङी धाङ काङबा ॱङी खेरती, थामेपे मेला ॱयुक्‍वालाः, लाक्‍पा च्‍यीक धाङ काङबा च्‍यीका खेरती, थामेपे मीछे नाङदु जुना घागुलाक।

मेथा 22:13

धेनी ग्‍यावुगी खोरी ॱयोक्‍पोक्‍याला ॱनेवालाक, ‘खी़ लाक्‍पा-काङबाक्‍या धाम्‍दी खोला फीदी मी़नाक्‍पाला ॱयुक। होदुरु मी ङुगीन धाङ सो ढीक्‍कीन हुङगीलाक।’”

मेथा 25:20

धेनी सेरगी टाङगा ॱङातोङ जोरकीनगी़ यालीङ टाङगा ॱङातोङ खेरती, दोङला होवालाक धेनी श्‍यी़वालाक, ‘दाक्‍पो, खेराङगी ङाला सेरगी टाङगा ॱङातोङ ॱनावालाक। धा दुरु ङी टाङगा ॱङातोङ यालीङ शो़हो़क।’

मेथा 26:31

धेनी येशुगी खुङक्‍याला सुवालाक, “धीरीङ छेमु ङी केनगी खेक्‍या घीरी, ङाने डारी डो़री डुगीलाक। घीझ्‍येरी ॱनाना देरे ढीक हो़तालाक, ‘ङा झीउला दुङयेहीन, धेनी लुकगी ख्‍यु घीरी थोरकीलाक।’

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मेथा 5:29

ख्‍यी़ ॱमीक ॱयेगी ख्‍यो़ला धीक्‍पा झ्‍यीदु च्‍युक्‍ना, ॱमीक दे तो़न्‍दी ॱयुक। घीझ्‍येरी ॱनाना ली़ घाङजाङ खेरती ॱङ्यावादु ॱयुक्‍येले, ख्‍यी़ ली़गी दुबु च्‍यीक स्‍योरना घा लाक।

मारकु 9:43

धेनी ख्‍यी़ लाक्‍पागी ख्‍यो़ला धीक्‍पा झ्‍यीदु च्‍युक्‍ना, होदे लाक्‍पागो च्‍यो़। ख्‍यी़ लाक्‍पा ॱङीगारा खेरती, ॱङ्यावादु नामा ॱमीस्‍यीगीन मेला डोयेने ल्‍हाक लाक्‍दुम झ्‍युरी थामेपे छेसोक नाङदु जुना घा लाक।

लुका 12:5

हीना खेक्‍या सुला जीक घो़गुले ॱनेरी ङी तो़न्‍दु। ली़ सेसारती स्‍याम्‍ला ॱङ्यावादु ॱयुक्‍येगी वाङ हो़गीन, खोङबा को़न्‍क्षोकला जीक। ङा खेक्‍याला ॱनाहीन, खोङबाला जीक।

लुका 17:2

दे टुवा च्‍यीमेक्‍या च्‍योक्‍रेने च्‍यीकला धीक्‍पा झ्‍यीदु च्‍युक्‍कीन, मीगी़ मीक्‍पाला थाकगी धोगोङ क्षे च्‍यीक ताक्‍ती, ग्‍याछो नाङदु ॱयुक्‍ना घागुलाक।

रोमापा 9:33

दी कोरला सुङरापला देरे ढीक हो़तालाक, “तो़दाङ, ङा सीयोनदु थोक्‍कीन धाङ गेरु च्‍युक्‍कीन, धोगोङ च्‍यीक श्‍याक्‍येहीन। हीना खोङला धेपा झ्‍यीगीन सुवाः ङोछाला ॱमीछी़गीलाक।”

१ कोरीन्‍थुपा 8:13

होझ्‍येरी शामागी ङी पी़नला धीक्‍पा झ्‍यीदु च्‍युक्‍ना, ङा खोला धीक्‍पे नाङ छी़दु ॱमीच्‍युक्‍येगी क्षीदु नामा स्‍या मेशा।

गालातीयापा 5:11

हीना पी़नक्‍याओ, ङा धोराङा पाउ चेगीन ॱरोगो ची घोगीलाक, ॱनेरी स्‍येना ङाला श्‍येम्‍माक्‍याई घीझ्‍येरी ॱनो़ क्‍याला ले? देगी कोरला ङी स्‍येहो़नाः, मास्‍यीकागी ग्‍याङस्‍यीङगी कोरला ङी स्‍येगीनगी घीया ॱनो़ क्‍याये मेतालाक।

१ पेटो 2:8

धेनी, “थोक्‍ती गेगीन धोरुक धाङ घेरु च्‍युक्‍कीन फोङगीङला ग्‍युर।” खुङक्‍या गेलालाक घीझ्‍येरी ॱनाना खुङक्‍या काला मेङेन्‍दालाक। धेनी खुङक्‍याई क्षीला देरेराङ झ्‍युङयेला, एम्‍मानेराङ थाक्‍चो़ जे हो़तालाक।