मेथा 5:22 - ॱलोवा

²² हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मेथा 5:22 Iomraidhean Croise

मेथा 10:17

मीक्‍याने शाप-शाप झ्‍यी घीझ्‍येरी ॱनाना खुङक्‍याई खेक्‍याला ठीम्‍खाङला ची ग्‍याप्‍कीलाक, धेनी खुङक्‍याई छोक्‍खाङक्‍यारु खेक्‍याला ताजाक श्‍युरकीलाक।

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 17:5

पेटोगी लाब ताङी-ताङी, खोङबाक्‍याला ॱरीङबा काउ च्‍यीकगी ढीम्‍बालाक। धेनी ॱरीङबा साङने सुङकेक च्‍यीकगी देरे सुवालाक, “दे नी ङी चेवे से हीन। दीमुला ङा ॱमीच्‍यीकी ङ्यामो घा हो़क। खोङला ङेन।”

मेथा 18:21

धेनी पेटो होरी येशुला श्‍यी़वालाक, “चोवो, ङी पी़नगी ङी ग्‍याप्‍तु धीक्‍पा झ्‍यीना, ङा खोला थेङमा घाजो़ घोयाङ तेरये? थेङमा धी़न थुक्‍पे?”

मेथा 18:35

“देरेराङ झ्‍येरी, खेक्‍याई खेरी पी़नला सेम नाङने घोयाङ ॱमेतेरना, नाम्‍खे श्‍यीङखामदु श्‍युक्‍कीन ङी यापगीयाः खेक्‍याला देरेराङ जेगीलाक।”

मेथा 23:15

“खे शोक्‍पो क्षो़ठीमगी ॱलोपो़न धाङ फारुसीपाक्‍याला दुक्‍ङा क्षे हुङास्‍योक। घीझ्‍येरी ॱनाना खेक्‍या मी च्‍यीकला याहुदापा क्षो़ला ग्‍युरतु च्‍युक्‍येला, ग्‍याछो धाङ काम्‍साक्‍याला कोरा ग्‍यालाक। धेनी मी दे याहुदापा क्षो़ला ग्‍युरसाना, खेक्‍या खोला राङने दाप ॱङीने ल्‍हाक ॱङ्यावागी भु शोवालाक।

मेथा 23:33

“खे डुलक्‍या, दुक्‍डुगी ग्‍युपाक्‍या, खेक्‍या ॱङ्यावागी छेपाने घाङगी झ्‍येरी थारये?

मेथा 25:41

“धेनी ग्‍यावुगी़ खोरी ॱयो़न स्‍योकगी मीक्‍याला देरे सुङगीलाक, ‘ॱमेमो फोक्‍पा खेक्‍या, धी़क धाङ खी़ भाङछेनक्‍याई क्षीला स्‍याम्‍दी श्‍याकश्‍या थामेगीन मेला, ङाने डारी सोङ।

मेथा 26:59

धा क्षो़पो़न क्षेक्‍या धाङ छोक्‍दी़गी मी घीरीगी, येशुला सेदु च्‍युक्‍येला खोङबागी ग्‍याप्‍तो़ला पाङपो शोक्‍पोक्‍या चावालाक।

मेथा 3:17

धेनी नाम्‍खाने सुङकेक च्‍यीकगी, “दे ङी चेवे से हीन। ङा खी़मुला ॱमीच्‍यीकी ङ्यामो घा हो़क।” सुरी सुवालाक।

मेथा 5:34

हीना ङा खेक्‍याला ॱनाहीन, ॱना नामा ॱमाक्‍या। धेनी नाम्‍खे श्‍यीङखाम पाङपो चुक्‍ती ॱना ॱमाक्‍या घीझ्‍येरी ॱनाना नाम्‍खे श्‍यीङखाम दे, को़न्‍क्षोकगी श्‍युक्‍ठी लाक।

मेथा 5:44

हीना ङा खेक्‍याला ॱनाहीन, राङगी डाक्‍याला चेवा झ्‍यी धेनी ख्‍यो़ला ॱनो़ क्‍यागीनक्‍याई दो़न्‍दु सोवा धेप।

मारकु 14:55

धेनी क्षो़पो़न क्षेक्‍या धाङ छोक्‍दी़दु हो़गीन घीरीगी, येशु सेदु च्‍युक्‍येला पाङपो चाये थापस्‍यी झ्‍येवालाक हीना खुङक्‍याला सुवाः ॱमाङेबालाक।

मारकु 15:1

ॱनाम लाङलुङ मेताला, क्षो़पो़न क्षेक्‍या धाङ गोठीक्‍या धाङ क्षो़ठीमगी ॱलोपो़नक्‍याई, छोक्‍दी़दु हो़गीन मी घीरीमुला ढो़ झ्‍येरी, येशुला कीक्‍ती ठीक्‍ती पो़न्‍पो पीलातुगी लागाला ची ग्‍याप्‍पालाक।

लुका 12:5

हीना खेक्‍या सुला जीक घो़गुले ॱनेरी ङी तो़न्‍दु। ली़ सेसारती स्‍याम्‍ला ॱङ्यावादु ॱयुक्‍येगी वाङ हो़गीन, खोङबा को़न्‍क्षोकला जीक। ङा खेक्‍याला ॱनाहीन, खोङबाला जीक।

लुका 22:66

लाम लारी क्षो़पो़न क्षेक्‍या धाङ क्षो़ठीमगी ॱलोपो़नक्‍या छोक्‍दी़ जोम्‍बालाक धेनी खुङक्‍याई येशुला छोक्‍दी़रु ठीक्‍ती ॱनेवालाक,

योहान्‍ना 11:47

होझ्‍येरी क्षो़पो़न क्षेक्‍या धाङ फारुसीपाक्‍याई छोक्‍तेन भो़री ॱनेवालाक, “दी मी दे ताक माङा तो़न्‍दी। धा होराङ घी झ्‍यीये?

योहान्‍ना 15:25

हीना दे खुङक्‍याई क्षो़ठीमला ढीक्‍टा का दे डुप्‍येगी क्षीला लाक; ‘खुङक्‍याई ङाला दो़न्‍मेदु दाङा झ्‍येजुङ।’

योहान्‍ना 7:20

धेनी मीछोकगी ॱनेवालाक, “ख्‍यो़ला डे जुदुक। सी़ ख्‍यो़ला सेयेला थापस्‍यी चालीओ?”

योहान्‍ना 8:48

याहुदापा पो़न्‍पोक्‍याई येशुला ॱनेवालाक, “ख्‍यो़ सामारीपा लाक धेनी ख्‍यी़ नाङदु डे जुदुक ॱनेरी, हीकी ॱनागीनगो धेन्‍पा माले?”

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

जेपा 22:30

याहुदापाक्‍याई पाउलुला घीझ्‍येरी क्‍यो़न चुक्‍पाले ॱनेरी, ॱमाक्‍पो़नगी घोरङी दो़पालाक। होझ्‍येरी ॱङेटोगो खी़ क्षो़पो़न क्षेक्‍या धाङ छोक्‍दी़ क्षेगी मी घीरीला केक तारी जोम्‍येला का ॱनावालाक धेनी पाउलुला ठीक्‍ती, खुङक्‍या दोङदु ॱलावालाक।

जेपा 23:1

पाउलुगी छोक्‍दी़गी स्‍योकला स्‍यारी तेरी ॱनेवालाक, “पी़नक्‍याओ, धान्‍दा थुक्‍पे को़न्‍क्षोकगी दोङदु, ङी स्‍येशाङ चाङमागी गोने मीजी पीहो़क।”

जेपा 24:20

याङमेना ङा याहुदापे छोक्‍दी़गी दोङदु लाङी घाङला, ङी नोन्‍डु घी थोजुङ होदेगो दे मीक्‍याला ॱनारु च्‍युक्‍रोनाङ।

जेपा 4:15

होझ्‍येरी खुङक्‍याई दे ॱङीउला फीला सोङ ॱनेरी, का ॱनारी खोराङक्‍या नाङदु ढो़ झ्‍येवालाक,

जेपा 5:21

कुछापक्‍याई होदे लाब ङेन्‍दी, ॱङारोक ॱङात्‍ती क्षो़खाङ नाङदु सोरी क्षो़ स्‍येपालाक। धेनी चो क्षो़पो़न धाङ खी़ रोवा ईस्‍राएल्‍पाक्‍याई, गोठी घीरीला छोक्‍पा क्षेरु भो़वालाक। धेनी खुङक्‍याई कुछापक्‍याला आटाने ठीक्‍ती हुङयेला मीक्‍या झावालाक।

जेपा 5:27

खुङक्‍याई कुछापक्‍याला छोक्‍पा क्षेगी दोङदु ॱलारी, चो क्षो़पो़नगी खुङक्‍याला ढीवालाक,

जेपा 6:12

देरे झ्‍येरी खुङक्‍याई मीमाङक्‍या धाङ गोठीक्‍या धाङ क्षो़ठीमगी ॱलोपो़नक्‍याला लाब टुक्‍पालाक। धेनी खुङक्‍या सोरी, सेतेफेनला शीम्‍दी, छोक्‍पा क्षेरु ठीक्‍ती होवालाक।

जेपा 6:15

छोक्‍पारु जोम्‍जा मी घीरी सेतेफेनला श्‍यीप्‍ता झ्‍येरी, तेरी धे हो़तालाक। धेनी खुङक्‍याई खी़ ङोदोङगो, नाम्‍खे भाङछेनगी श्‍याल च्‍योक्‍रे हो़क ग्‍याप्‍कीन थोवालाक।

जेपा 7:37

‘को़न्‍क्षोकगी खेक्‍याई क्षीला, खेक्‍या नाङने ङा च्‍योक्‍रे ॱङो़नस्‍येखेन च्‍यीक दाम्‍गीलाक।’ ॱनेरी ईस्‍राएल्‍पा मीक्‍याला ॱनागीन मीगो मोशेराङ लाक।

रोमापा 12:10

पी़नगी चीदोङ च्‍योक्‍रे, च्‍यीकगी च्‍यीकला झाम्‍पा झ्‍यी। राङने ल्‍हाक श्‍येम्‍माला घुस्‍याप झ्‍यी।

१ कोरीन्‍थुपा 6:10

याङना कुमा कुगीनक्‍या याङना ॱहाम्‍बा झ्‍यीगीनक्‍या याङना शीरी ग्‍युक्‍कीनक्‍या याङना ॱमेबेप ताङगीनक्‍या याङना ॱली़गीनक्‍याला, को़न्‍क्षोकगी ग्‍यासीगी थोप्‍ताङ ॱमेथोप्‍कीलाक।

१ कोरीन्‍थुपा 6:6

हीना पी़न च्‍यीकगी च्‍यीकला ठीम्‍खाङदु ठीई धेनी होदेगोवाः मास्‍यीकावा मेन्‍गीनक्‍याई दोङदु!

१ थेसालोनीकेपा 4:6

दो़न देला मी सी़याः राङगी पी़नला दुक्‍पु तारी गोकोर ॱमेछोक्‍कीलाक घीझ्‍येरी ॱनाना हीकी खेक्‍याला एन्‍दुरु ॱनागीन च्‍योक्‍रे, चोवोगी देरे लेगा झ्‍यीगीनक्‍याला डास्‍या लेन जेगीलाक।

तीतोस 3:2

सी़या कोरला लाब ङेन्‍पा ॱमास्‍ये धेनी धुगा ॱमाताङ धेनी ज्‍याम्‍बो धाङ च्‍यो़ शाङा धेन्‍पा तो़न ॱनेरी, खुङक्‍याला स्‍यो़क।

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 5:9

धेनी दुक झ्‍येरी खोङला फी़न्‍सुम छोक्‍पा जेदी, खोङबा काला ङेन्‍गीन घीरीगी क्षीदु, खोङबा थामेपे थारपागी झ्‍युङखुङ झ्‍युवालाक।

याकोब 2:20

खे ॱलेन्‍पाक्‍याओ, लेगा मेगीन धेपा फेन मेगीनगी पाङपोगो, खेक्‍याला तो़न घोयेदुई?

याकोब 3:6

च्‍येमो देया मे च्‍योक्‍रे लाक। दे नी होरी ली़गी येन्‍लाकक्‍याने ङेन्‍पागी खाङखा जाम्‍बुलीङ च्‍यीक लाक। देगी ली़ घीरीला, ॱमेचाङा शोवालाक धेनी ॱङ्याल्‍वे मेगी खी़ मीछेगी छोवा घीरी मेला ॱरालाक।

१ पेटो 2:23

खुङक्‍याई मास्‍यीकाला ॱमेबेप ताङी घाङला, खोङबागी लेन ॱलोक्‍वा माजेपालाक। धेनी दुक्‍पु ङ्याङी घाङला, खोङबागी जीक्‍टा ॱमाकुवालाक। हीना ढाङतेनगी ठीम थाक जेगीनला ॱलो का जेपालाक।

१ पेटो 3:9

ङेन्‍पाला ङेन्‍पा याङना ॱमेबेप छापला, ॱमेबेपगी लेन ॱमालोक। हीना दी छापला झ्‍यीलाप तेर घीझ्‍येरी ॱनाना खेक्‍याला झ्‍यीलाप थोप्‍येगी क्षीलाराङ खेक्‍या भो़वालाक।

१ योहान्‍ना 2:9

हो़ नाङदु हो़क ॱनेरी ॱनागीन हीना राङगी पी़नक्‍याला दाङा झ्‍यीगीनगो, धोराङा मी़नाक नाङलाराङ हो़तालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।

१ योहान्‍ना 5:16

खेरी पी़नगी छीवाला ॱमीठीक्‍कीन धीक्‍पा झ्‍यीगीन थोङना, ख्‍यी़ खी़ क्षीला ॱमो़लाम ग्‍याप्‍घो़ धेनी को़न्‍क्षोकगी खोला छे ॱनाङगीलाक। छीवाला ॱमीठीक्‍कीन धीक्‍पा साक्‍कीनक्‍याई कोरला, ङा ॱनाहीन। छीवाला ठीक्‍कीन धीक्‍पाक्‍या हो़तालाक। होदेक्‍याई क्षीदु, खेक्‍याई ॱमो़लाम ग्‍याप्‍घो़ ॱनेरी ङा ॱनामेन।

युदा 1:9

हीना नाम्‍खे भाङछेन चो मीकाएलगी मोशेगी फुङबुगी कोरला, धी़कमुला चो़लीङ झ्‍यीदी घाङला, खोला कुरवा धेप्‍ती क्‍यो़न्‍जुक कायेगी ॱलोगोक माझ्‍येवा हीना “चोवोगी ख्‍यो़ला काको़न जेदास्‍योक” ॱनेरी सुवालाक।

ॱङो़न्‍पा 20:14

धेनी छीवा धाङ स्‍यीम्‍पोक्‍या धेसाक्‍या, मेगी छो नाङदु ॱयुक्‍पालाक। होदे मेगी छोगो छीवा ॱङीवा लाक।