मेथा 5:18 - ॱलोवा

¹⁸ ङा खेक्‍याला धेन्‍पा ॱनाहीन, ॱनाम-सा ॱङी येरी मेडोगीन थुक्‍पे, क्षो़ठीम घीरी माडुप्‍पा क्षो़ठीमगी यीक्‍टु च्‍यीक धाङ छेक च्‍यीया येगीमालाक।

मेथा 5:18 Iomraidhean Croise

मेथा 10:15

ङा खेक्‍याला धेन्‍पाराङ ॱनाहीन, ठीम चेगीन ङीमागोला, होदे ग्‍याजाला सादोम धाङ गोमोरा ग्‍याजाक्‍याने ल्‍हाक ठीम फोक्‍कीलाक।”

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 10:42

ङी ङेनेक्‍याने च्‍युङा च्‍यीकला, क्षु ढाङमो फोरा घाङ च्‍यीक हीन्‍ना तेरकीनगोला, ङा धेन्‍पाराङ ॱनाहीन खी़ ज्‍यागागो घानेयाः तोरकी मालाक।”

मेथा 11:11

“ङा खेक्‍याला धेन्‍पाराङ ॱनाहीन, केमीक्‍याला केक्‍या क्‍याई नाङने, ठी़सो़खेन योहान्‍नाने क्षे सु च्‍यीया मेक। हीना नाम्‍खे ग्‍यासीगी नाङला च्‍युङस्‍योक दे, खोने क्षे हीन।

मेथा 13:17

ङा खेक्‍याला धेन्‍पाराङ ॱनाहीन, ॱङो़नस्‍येखेन धाङ मी ढाङा माङक्षेगी, खेक्‍याई थोङगीनगो थोङये दो़पालाक हीना ॱमाथोवालाक धेनी खेक्‍याई घोरकीनगो, ङेन्‍ङी दो़पालाक हीना ॱहामाघोरपालाक।”

मेथा 16:28

ङा धेन्‍पाराङ खेक्‍याला ॱनाहीन, दुरु लारी धेता मी रीङगागी, मी-भु राङगी ग्‍यासी वाङग्‍युरला फेप्‍कीनगो ॱमाथोङगीन थुक्‍पे, छीवा ङ्याङ घोगुमालाक।”

मेथा 17:20

खोङबागी खुङक्‍याला सुवालाक, “खीकी धेपा च्‍युङराक्‍ती लाक। ङा खेक्‍याला धेन्‍पाराङ ॱनाहीन, खेक्‍याला छुकगी ढीउ चो़ धेपा हो़ना, खेक्‍याई दे री देला, ‘देने हुरु पो़री सोङ।’ ॱनाना होदे पो़गीलाक। धेनी खेक्‍याई झ्‍यी ॱमीथुप्‍कीन घीया मेयोङगीलाक।

मेथा 18:18

“ङा खेक्‍याला धेन्‍पाराङ ॱनाहीन, खेक्‍याई जीक्‍तेनदु घी धामी, होदे नाम्‍खे श्‍यीङखामदुवा धाम्‍गीलाक धेनी खेक्‍याई जीक्‍तेनदु घी टोली, होदे नाम्‍खे श्‍यीङखामदुवा टोगीलाक।

मेथा 18:3

धेनी सुवालाक, “ङा खेक्‍याला धेन्‍पाराङ ॱनाहीन, खेक्‍या सेम ग्‍युरती, दे टु दे च्‍योक्‍रे मीझ्‍युङना, खेक्‍या नामा नाम्‍खे ग्‍यासी नाङदु जु ॱमीथुक्‍कीलाक।

मेथा 19:23

धेनी येशुगी खोङबागी ङेनेक्‍याला सुवालाक, “ङा खेक्‍याला धेन्‍पाराङ ॱनाहीन, मी क्षुक्‍पु च्‍यीकला नाम्‍खे ग्‍यासीला जुयेला, ॱमीच्‍यीकी काल्‍ले घाक्‍वा हो़तालाक।

मेथा 19:28

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, घीरी साबा को़ली घाङला, मी-भु राङगी शीजेगी श्‍युक्‍ठीला श्‍युई घाङला, खेक्‍या ङी स्‍याबाला डागीनक्‍या श्‍युक्‍ठी च्‍युङङी खाला धेती, ईस्‍राएलगी छोखाक च्‍युङङी खाला ठीम चेगीलाक।

मेथा 21:21

धेनी येशुगी खुङक्‍याला कालेनदु सुवालाक, “ङा खेक्‍याला धेन्‍पाराङ ॱनाहीन, दोक्‍पा मीझ्‍यीदा धेपा झ्‍यीना सेयापगी दोङबो देला घी झ्‍युङगीनगो च्‍यीगा झ्‍यी थुक्‍ये मेन्‍दा, दे री देला ‘देने कोक्‍ती ग्‍याछो नाङला ल्‍हीम,’ ॱनेरी ॱनाना होदेरेराङ झ्‍युङगीलाक।

मेथा 21:31

धा दे ॱङीउने आकी खाला सी़ ङेन्‍जो?” खुङक्‍याई ॱनेवालाक, “भीजा क्षेगी़।” येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, ठा धुगीनक्‍या धाङ श्‍याङचोङमाक्‍या, खेक्‍याने एन्‍ला को़न्‍क्षोकगी ग्‍यासीदु डुगीलाक।

मेथा 23:36

ङा खेक्‍याला धेन्‍पाराङ ॱनाहीन, दे घीरीगी छेपा दे मीरापगी खालाराङ भाप्‍कीलाक।

मेथा 24:2

हीना खोङबागी खुङक्‍याला सुवालाक, “खेक्‍या दे घीरी थोङी? ङा धेन्‍पाराङ खेक्‍याला ॱनाहीन, दुरु हो़गीन धोगोङ च्‍यीकगी खाला च्‍यीया लेगीमालाक, घीरी स्‍यीक्‍ती ॱयुक्‍कीलाक।”

मेथा 24:47

ङा धेन्‍पाराङ खेक्‍याला ॱनाहीन, खी़ खोरी ग्‍युनोर घीरीगी ची खोला ग्‍याप्‍कीलाक।

मेथा 25:12

हीना माक्‍पागी़ ॱनेवालाक, ‘ङा धेन्‍पाराङ खेक्‍याला ॱनाहीन, ङा खेक्‍याला ॱमेस्‍येहो़क।’”

मेथा 25:40

धेनी ग्‍यावुगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़न देक्‍याने च्‍युङस्‍योक च्‍यीकला खेक्‍याई देरे झ्‍येहो़ना होदे खेक्‍याई ङाला झ्‍येवालाक।’

मेथा 25:45

धेनी खोङगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़नक्‍याने च्‍युङस्‍योक च्‍यीकला खीकी देरे माझ्‍येवाला, खीकी होदे ङाला माझ्‍येवालाक।’

मेथा 5:26

ङा खेक्‍याला धेन्‍पाराङ ॱनाहीन, थागी घोमो च्‍यीक देया माजाङगीन थुक्‍पे, ख्‍यो़ देने थारकीमालाक।

मेथा 6:16

“शोक झ्‍यीगीनक्‍याई मी श्‍येम्‍माला ॱङ्युङनेला श्‍युकहो़क, ॱनेरी तो़न्‍येगी क्षीला, खोराङक्‍याई ॱनामग्‍यु ग्‍युरकीन च्‍योक्‍रे, खेक्‍या ॱङ्युङने ॱरुङी घाङला खुङक्‍या च्‍योक्‍रे, ङो नाक्‍पो ॱमातो़न। ङा खेक्‍याला धेन्‍पाराङ ॱनाहीन, खुङक्‍याई खोरी ज्‍यागा घीरी थोप्‍सालाक।

मेथा 6:2

होझ्‍येरी उटेक्‍याला झ्‍यीम्‍बा ताङी घाङला, शोक झ्‍यीगीनक्‍याई मीक्‍याने तो़पा थोप्‍येगी क्षीला, छोक्‍खाङ धाङ ॱराङगाकक्‍याला दुङ बी़री ग्‍युक्‍कीन च्‍योक्‍रे, खेक्‍या माझ्‍यी। धेन्‍पाराङ ङा खेक्‍याला ॱनाहीन, खुङक्‍याई ज्‍यागा खुङक्‍याला थोप्‍सालाक।

मेथा 8:10

येशुगी दे सेन्‍दी, खोङबा याम सावालाक धेनी खोङबागी स्‍याबाला डागीनक्‍याला सुवालाक, “ङा खेक्‍याला धेन्‍पाराङ ॱनाहीन, ईस्‍राएलगी नाङदु ङी दे च्‍योक्‍रे धेपा थोङ माङ्युङ।

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

मारकु 10:29

येशुगी सुवालाक, “ङा धेन्‍पाराङ खेक्‍याला ॱनाहीन, ङा धाङ ताम्‍शाङगी क्षीला, राङगी खाङबा धाङ पी़नक्‍या धाङ फामा धाङ टुवाक्‍या धाङ साश्‍यीङ भोरकीनगी़,

मारकु 11:23

ङा खेक्‍याला धेन्‍पाराङ ॱनाहीन, मी सी़ च्‍यीकगी राङगी सेम नाङदु दोक्‍पा च्‍यीया ॱमासाक्‍पा, राङगी ॱनागीनगो डुप्‍कीलाक साम्‍दी धेपा झ्‍येरी, री देला, ‘देने घोक्‍ती ग्‍याछो नाङदु ल्‍हीम’ ॱनेरी ॱनाना खी़ ॱनागीनगो डुप्‍कीलाक।

मारकु 12:43

धेनी खोङबागी खोरी ङेनेक्‍याला भो़री सुवालाक, “धेन्‍पाराङ ङा खेक्‍याला ॱनाहीन, दे उटे युक्‍जामा देगी, घीरीने माङस्‍योक पु हो़तालाक।

मारकु 13:30

ॱङोन्‍नेराङ ङा खेक्‍याला ॱनाहीन, दे घीरी माडुप्‍कीन थुक्‍पे दे मीराप दे जोक्‍कीमालाक।

मारकु 14:18

धेनी खोङबाक्‍या श्‍युक्‍ती श्‍येलाक श्‍येली घाङला येशुगी सुवालाक, “ङा धेन्‍पाराङ खेक्‍याला ॱनाहीन, खेक्‍याने मी च्‍यीकगी ङाला डागी लाक्‍पाला ची ग्‍याप्‍कीलाक।”

मारकु 14:25

ङा धेन्‍पाराङ खेक्‍याला ॱनाहीन, को़न्‍क्षोकगी ग्‍याखापगी नाङदु दे साबा ॱमाथुङगीन थुक्‍पे, ङा याङदा घुन्‍डुमगी खोवा थुङये मेन।”

मारकु 14:30

धेनी येशुगी खोला सुवालाक, “ङा धेन्‍पाराङ खेक्‍याला ॱनाहीन, धीरीङ घोमुराङ झ्‍याफोगी थेङमा ॱङी केक ग्‍याप्‍ये एन्‍ला, ख्‍यी़ ङाला थेङमा सुम ङो ॱलोक्‍कीलाक।”

मारकु 14:9

ङा ॱङोन्‍ने खेक्‍याला ॱनाहीन, जाम्‍बुलीङ नाङ घारु-घारु ताम्‍शाङ स्‍येली, होदुरु मोला ढेन्‍सो़ झ्‍यीयेला मी़ झ्‍येजा लेगा देयाः स्‍येगीलाक।”

मारकु 3:28

“मी घीरीगी धीक्‍पा धाङ खुङक्‍याई, को़न्‍क्षोकला ॱमेटा पाप्‍कीन घीरी सेल्‍गीलाक ॱनेरी ङा धेन्‍पा स्‍येदाहीन।

मारकु 6:11

धेनी साजा घारेदु खेक्‍याला फेप्‍सु माझ्‍येवा, खीकी लाबला माङेन्‍ना, खेक्‍या होदेने डी़ घाङला, खुङक्‍याला पाङपो हुङयेला, खेरी काङबी थालाक्‍या ॱरुक।”

मारकु 8:12

येशुगी सेम नाङने उप रीङबो ताङ जेदी सुवालाक, “दे मीराप दे घीझ्‍येरी ताक चालाले? ङा ॱङोन्‍ने ॱनाहीन, दे मीरापला ताक च्‍यीया ॱमेतो़न्‍गीलाक।”

मारकु 9:1

धेनी येशुगी खुङक्‍याला सुवालाक, “दुरु लाङगीनक्‍याने रीङगागी को़न्‍क्षोकगी ग्‍यासी वाङला फेप्‍कीनगो माज्‍यागीन थुक्‍पे, स्‍यीगीमालाक ॱनेरी, ङा धेन्‍पाराङ ॱनाहीन।”

मारकु 9:41

ङा खेक्‍याला धेन्‍पाराङ ॱनाहीन, खेक्‍या मास्‍यीकागी हीन्‍गीन झ्‍येरी, मी सी़ खेक्‍याला क्षु फोरा घाङ थुङयेला तेरना, खोला थोप्‍घोये ज्‍यागागो थोप्‍कीलाक।”

लुका 11:51

ङा खेक्‍याला धेन्‍पाराङ ॱनाहीन, हाबेलगी धी़चो़ने जेकारीयास थुक्‍पे क्षो़ठी धाङ क्षो़खाङगी घुङदु सेसा ठाकगी क्षेपा दे मीरापला फोक्‍कीलाक।

लुका 12:37

धेनी दाक्‍पोगो नाङला लोक्‍ती हुङी घाङला ॱयोक्‍पोक्‍या, ॱङी मालोक्‍वा धेगीन थुक्‍ना होदे ॱयोक्‍पोक्‍या झ्‍यीलाप क्षे लाक। ङा ॱङोन्‍ने खेक्‍याला ॱनाहीन, होदे दाक्‍पोगी़ राङगी केराक रेरी, ॱयोक्‍पोक्‍याला शामा शायेला धेदु च्‍युक्‍ती खुङक्‍याई श्‍याप्‍ची श्‍युगीलाक।

लुका 13:35

तो़, खीकी खाङबा तोङबा जेदुक। ङा खेक्‍याला ॱनाहीन, ‘चोवोगी छेनने फेप्‍कीनगो झ्‍यीलाप क्षे लाक।’ ॱनेरी, खेक्‍याई ॱमेनागीन थुक्‍पे खेक्‍याई ङाला याङ थोङगीमालाक।”

लुका 16:17

ॱनाम धाङ सा ॱङी येरी डुगीलाक हीना क्षो़ठीमगी छीक च्‍यीया येगीमालाक।

लुका 18:17

ङा खेक्‍याला ॱङोन्‍ने ॱनाहीन, को़न्‍क्षोकगी ग्‍यासीला टुवा च्‍यीकगी च्‍योक्‍रे झ्‍येरी, खेमेलेन्‍गीन सुवाः होदे नाङदु नामाः मीजुगीलाक।”

लुका 18:29

धेनी खोङबागी खुङक्‍याला सुवालाक, “धेन्‍पाराङ ङा खेक्‍याला ॱनाहीन, को़न्‍क्षोकगी ग्‍यासीगी क्षीला राङगी नाङ याङना केमी याङना पी़नक्‍या याङना फामाक्‍या याङना टुवाक्‍या भोरती हुङगीनक्‍याला,

लुका 23:43

खोङबागी खोला सुवालाक, “ङा ॱङोन्‍ने ॱनाहीन, धीरीङराङ ख्‍यो़ ङीमुला नाम्‍खे श्‍यीङखामदु हुङगीलाक।”

लुका 4:24

“हीना ङा धेन्‍पाराङ खेक्‍याला ॱनाहीन, ॱङो़नस्‍येखेन सुलाः खोरी लुङबादु खेमेलेन्‍दालाक।

योहान्‍ना 1:51

धेनी खोङबागी खोला सुवालाक, “ङा ख्‍यो़ला धेन्‍पा ॱनाहीन, नाम्‍खे श्‍यीङखाम भेरी को़न्‍क्षोकगी भाङछेनक्‍या मी-भुला तेन्‍दी, या फेप्‍कीन धाङ मा फेप्‍कीनगो ख्‍यी़ थोङगीलाक।”

योहान्‍ना 10:1

येशुगी सुवालाक, “ङा खेक्‍याला धेन्‍पा धेनक्‍याङ ॱनाहीन। लुक्‍रा नाङदु घोने मीजुला, छोक श्‍येम्‍माने जाक्‍कीनगो नी, कुमा धाङ झ्‍याक्‍पा लाक।

योहान्‍ना 10:7

होझ्‍येरी येशुगी खुङक्‍याला धाब्‍ले सुङा जेपालाक, “ङा खेक्‍याला धेन्‍पा धेनक्‍याङ ॱनाहीन, लुक्‍रागी घो नी ङा हीन।

योहान्‍ना 12:24

ङा खेक्‍याला धेन्‍पा धेनक्‍याङ ॱनाहीन, डोगी डुदोक सागी नाङला ल्‍हीम्‍दी ॱमीस्‍यीना, होदे च्‍यीका लेगीलाक। हीना होदे डुदोकगो स्‍यीना, होदेने ढेबु माङा केलालाक।

योहान्‍ना 13:16

ङा खेक्‍याला धेन्‍पा धेनक्‍याङ ॱनाहीन, ॱयोक्‍पो नी दाक्‍पोने खाक्‍क्षे मेयोङगीलाक धेनी भाङछेन नी, खोला ॱङाक्‍कीनने खाक्‍क्षे मेयोङगीलाक।

योहान्‍ना 13:38

येशुगी कालेन ॱनावालाक, “ख्‍यो़ ख्‍यो़री ॱरोक ङी क्षीला ॱलो़ ताङये हीने? ङा ख्‍यो़ला धेन्‍पा धेनक्‍याङ ॱनाहीन, झ्‍याफो केक माग्‍याप्‍कीन एन्‍ला ख्‍यी़ ङाला ङो ॱमेस्‍येहो़क ॱनेरी, थेङमा सुम ॱनागीलाक।”

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

योहान्‍ना 16:20

ङा खेक्‍याला धेन्‍पा धेनक्‍याङ ॱनाहीन, खेक्‍या ङी़री ङ्याङेन झ्‍यीगीलाक हीना जीक्‍तेनगी मीक्‍या ङ्यामो ताङगीलाक। खेक्‍या दुङागी खाङगीलाक हीना खीकी दुङा घाटोला ग्‍युरकीलाक।

योहान्‍ना 16:23

होदे ङीमोगोला, खेक्‍याई ङाला घीया मीढीगीलाक। ङा धेन्‍पा धेनक्‍याङ खेक्‍याला ॱनाहीन, खेक्‍याई ङी मीङगी थोक्‍ने यापला घी श्‍यी़ना, खोङबागी होदे खेक्‍याला ॱनाङगीलाक।

योहान्‍ना 21:18

ङा ख्‍यो़ला धेन्‍पा धेनक्‍याङ ॱनाहीन, ख्‍यो़ श्‍यो़न्‍पा हो़ती घाङला, ख्‍यो़ राङगी केराक राङ रेलालाक धेनी राङ घारु थेगीनगोला डोवालाक हीना ख्‍यो़ खा घेरी, ख्‍यी़ लाक्‍पा क्‍यारी मी श्‍येम्‍मागी ख्‍यी़ केराक रेगीलाक धेनी ख्‍यी़ ॱमेथेगीन साजाला ख्‍यो़ला ठीक्‍कीलाक।”

योहान्‍ना 3:11

ङा ख्‍यो़ला धेन्‍पा धेनक्‍याङ ॱनाहीन, हीकी घी स्‍येगीनगो हेक्‍या ॱनालाक धेनी हीकी घी थोङगीनगो, हेक्‍या पाङपो झ्‍यीदालाक हीना खेक्‍या हीकी धेन्‍पाङला खेमेलेन्‍दालाक।

योहान्‍ना 3:3

येशुगी खोला सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक धाब्‍ले ॱमेकेना, खी़ को़न्‍क्षोकगी ग्‍यासी थोङ ॱमीथुक्‍कीलाक।”

योहान्‍ना 3:5

येशुगी सुवालाक, “ङा ख्‍यो़ला धेन्‍पा धेनक्‍याङ ॱनाहीन, मी च्‍यीक क्षु धाङ थुक्‍ङीगी गोने ॱमाकेना, खो को़न्‍क्षोकगी ग्‍यासी नाङदु जु ॱमीथुक्‍कीलाक।

योहान्‍ना 5:19

येशुगी खुङक्‍याला सुवालाक, “ङा खेक्‍याला धेन्‍पाराङ ॱनाहीन, यापगी घी जेगीनगो, से गीया होदे च्‍योक्‍रे जेदालाक। धेनी यापगी जेगीनगो मीशीक्‍वा, से राङगी घीया जे ॱमीथुक्‍कीलाक।

योहान्‍ना 6:26

येशुगी खुङक्‍याला कालेनदु सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई ताकक्‍या थोरी मालाक हीना डागीन थुक्‍पे शेरी ङाला चालालाक।

योहान्‍ना 6:32

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, नाम्‍खे श्‍यीङखामने ग्‍याङगा ॱनाङगीनगो मोशे मालाक हीना खेक्‍याला नाम्‍खे श्‍यीङखामने धेन्‍पे ग्‍याङगा ॱनाङगीनगो, ङी याप लाक।

योहान्‍ना 6:47

“ङा खेक्‍याला धेन्‍पा धेनक्‍याङ ॱनाहीन, धेपा झ्‍यीगीनगोला थामेपे छेसोक हो़तालाक।

योहान्‍ना 6:53

होझ्‍येरी येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, खेक्‍याई मी-भुगी ली़ मेशागीन धाङ खोङबागी ठाक ॱमीथुङगीन थुक्‍पे, ख्‍यो़ला छे मेयोङगीलाक।

योहान्‍ना 8:34

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, धीक्‍पा झ्‍यीगीन घीरी धीक्‍पे ढेन्‍योक हीन।

योहान्‍ना 8:51

ङा खेक्‍याला धेन्‍पा धेनक्‍याङ ॱनाहीन, ङी का ॱरुङगीनगी नामाः छीवा मेङ्याङगीलाक।”

योहान्‍ना 8:58

येशुगी खुङक्‍याला सुवालाक, “ङा खेक्‍याला धेन्‍पा धेनक्‍याङ ॱनाहीन, आब्‍राहाम ॱमाके एन्‍लाराङ, ङा हो़क।”

१ पेटो 1:25

हीना चोवे का नी ग्‍युन्‍दु ॱने।” दे का देराङ खेक्‍याला स्‍येस्‍या ताम्‍शाङगो लाक।

ॱङो़न्‍पा 20:11

धेनी ङी श्‍युक्‍ठी काउ क्षे च्‍यीक धाङ होदे खाला श्‍युक्‍कीनला थोजुङ। खोङबागी डुङने साश्‍यी धाङ ॱनाम डो़री लाजुङ धेनी होदे ॱङीउगी क्षीदु ॱनेसा माजोप्‍पालाक।