मेथा 5:10 - ॱलोवा

¹⁰ ढाङतेनगी क्षीला दुक्‍पु ङ्याङगीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मेथा 5:10 Iomraidhean Croise

मेथा 10:23

ग्‍याजा च्‍यीकदु खेक्‍याला दुक्‍पु तेरना, ग्‍याजा श्‍येम्‍मारु डो़। घीझ्‍येरी ॱनाना ङा धेन्‍पाराङ खेक्‍याला ॱनाहीन, मी-भु फेप्‍कीन एन्‍ला, खेक्‍या ईस्‍राएलगी ग्‍याजा घीरीला खोर ॱमेछारकीलाक।

मेथा 19:14

हीना येशुगी सुवालाक, “टुवा च्‍युङाक्‍याला ङीचारु हुङदु च्‍युक। खुङक्‍याला ॱमाकाक घीझ्‍येरी ॱनाना नाम्‍खे ग्‍यासी, खुङक्‍या च्‍योक्‍रे हीन्‍गीनक्‍याई क्षीला लाक।”

मेथा 25:34

धेनी ग्‍यावुगी़ राङगी ॱये स्‍योकला सुङगीलाक, ‘ङी यापने झ्‍यीलाप थोप्‍था, खेक्‍या स्‍योक। जीक्‍तेन को़ने ॱहाला, खीकी क्षीला स्‍यामस्‍या ग्‍यासीगो लेन।

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मारकु 10:14

हीना येशुगी होदे शीक्‍ती, थुक्‍ठो़ लारी खुङक्‍याला सुवालाक, “टुवाक्‍याला ॱमाकाक, ङाचारु हुङदु च्‍युक घीझ्‍येरी ॱनाना को़न्‍क्षोकगी ग्‍यासी देक्‍या च्‍योक्‍रे, मीक्‍याई छीला लाक।

मारकु 10:30

दे छेला दुक्‍पु मुला-मुला खाङबाक्‍या धाङ पी़नक्‍या धाङ फामाक्‍या धाङ टुवाक्‍या धाङ साश्‍यीङ, एम्‍माले ग्‍याई माङा थोप्‍कीलाक धेनी माउपारला थामेपे छेसोक थोप्‍कीलाक।

लुका 21:12

हीना दे घीरी झ्‍युङये एन्‍ला, ङी मीङगी केनगी खुङक्‍याई खेक्‍याला शीम्‍दी दुक्‍पु ताङगीलाक धेनी खेक्‍याला छोक्‍खाङक्‍या धाङ चो़न्‍खाङक्‍याला ची ग्‍याप्‍कीलाक। धेनी ग्‍यावुक्‍या धाङ चीख्‍यापक्‍याई दोङदु ठीक्‍कीलाक।

लुका 22:29

ङी यापगी ङाला ग्‍यासी च्‍यीक ॱनाङगीन च्‍योक्‍रे, ङाः खेक्‍याला तेराहीन।

लुका 6:20

धेनी येशुगी खोरी ङेनेक्‍याला शीक्‍ती सुवालाक, “खे उटेक्‍या झ्‍यीलाप क्षे, घीझ्‍येरी ॱनाना को़न्‍क्षोकगी ग्‍यासी खेराङक्‍याई लाक।

लुका 6:22

मी-भुगी दो़न्‍दु, खेला मीक्‍याई दाङा झ्‍यीना, पेरी श्‍याक्‍ना धेनी ॱमेबेप ताङना, धेनी खीकी मीङला ङेन्‍पा चीना, खेक्‍या झ्‍यीलाप क्षे लाक।

योहान्‍ना 15:20

ङी खेक्‍याला, ‘ॱयोक्‍पो च्‍यीक राङगी पो़न्‍पोने क्षे मेयोङालाक।’ ॱनागीन छीकला ढेन्‍सो़ झ्‍यी। खुङक्‍याई ङाला ॱनो़ क्‍याना, खुङक्‍याई खेक्‍याला ॱनो़ क्‍यागीलाक। धेनी खुङक्‍याई ङी का ॱरुङना, खेक्‍यागीयाः काक्‍या ॱरुङगीलाक।

जेपा 5:40

धेनी खुङ घीरी खी़ ॱनागीनला ङेन्‍बालाक। खुङक्‍याई कुछापक्‍याला नाङदु केक तारी ताजाक श्‍युरती, येशुगी छेनने धाब्‍ले लाबक्‍या ॱमास्‍ये ॱनेरी झावालाक।

जेपा 8:1

धोगोङ श्‍युरती सेतेफेनला सेगीनगोला, साउलगीयाः ङोलेन झ्‍येवालाक। होदे ङीमानेराङ येरुसालेमदु हो़गीन, क्षो़छोकला ॱमीच्‍यीकी दुक्‍पु ङ्याङये गो चुक्‍पालाक। धेनी कुछापक्‍या माना श्‍येम्‍मा धेपा-झ्‍यीगीन घीरी, युदेया धाङ सामारीया यु घीरीला ढाम्‍बालाक।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

फीलीप्‍पीपा 1:28

खीकी ग्‍याप्‍केलला मेगीनक्‍यामुला घीन्‍गी थोक्‍नेयाः, मीजीक्‍कीनगो ङी घोरास्‍योक। दे नी, खुङक्‍याला खोराङक्‍याई तोरस्‍यीक धाङ खेक्‍याला खेरी थारपागी ताक लाक धेनी दे ताक दे को़न्‍क्षोकने लाक।

२ तीमोथेउ 2:12

होराङ तेन्‍पो ॱनेती धेना, खोङबा मुलाराङ ग्‍यासीगी वाङ झ्‍यीगीलाक। होरी खोङबाला ग्‍याप ॱलोक्‍ना, खोङबागीया होराङला ग्‍याप ॱलोक्‍वा जेगीलाक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

याकोब 5:11

तो़दाङ, तेन्‍पो धेगीनक्‍याला होराङ झ्‍यीलाप क्षे चीलालाक। खेक्‍याई योपगी शो़गोमगी कोरला घोर हो़तालाक धेनी चोवो नी ॱङीङजे धाङ ज्‍याम्‍सेमगी खारी, थाला खोङबागी जेगीनगो खेक्‍याई थो हो़तालाक।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।