मेथा 4:7 - ॱलोवा

⁷ येशुगी खोला सुवालाक, “‘ख्‍यी़ चोवो राङगी को़न्‍क्षोकला छो़ता माझ्‍यी।’ ॱनेरीयाः ढीक हो़तालाक।”

मेथा 4:7 Iomraidhean Croise

मेथा 21:16

धेनी खुङक्‍याई येशुला ढीवालाक, “देक्‍याई घी ॱनी ख्‍यी़ घोरी?” धेनी येशुगी खुङक्‍याला सुवालाक, “घोरी। ‘टुवाक्‍या धाङ होमा थुङगीन ॱमाङ्याकक्‍याई खाने, खेराङगी तो़टा झ्‍यीदु च्‍युक्‍दुक।’ ॱनेरी सुङरापला ढीक्‍टागो खेक्‍याई नामा ॱमालोक हो़ती?”

मेथा 21:42

येशुगी खुङक्‍याला सुवालाक, “खेक्‍याई सुङरापला दे माढोक हेती, ‘चीक्‍पो़नक्‍याई पारी श्‍याक्‍सा धोगोङगो, शुरगी धोगोङ चोगो झ्‍युदुक। दे नी चोवोगी जेदाङ लाक धेनी, दे होरी ॱमीक्‍वाला याम्‍साङा दुक।’

मेथा 4:10

धेनी येशुगी सुवालाक, “सातान, ॱहाला सोङ। घीझ्‍येरी ॱनाना देरे ढीक हो़तालाक, ‘ख्‍यी़ चोवो राङगी को़न्‍क्षोकला क्षाक्‍क्षो़पा पु धेनी खोङबाला च्‍यीगा श्‍याप्‍ची श्‍यी़।’”

मेथा 4:4

हीना खोङबागी कालेन ॱनावालाक, “‘मी नी ग्‍याङगा च्‍यीगाने मेन्‍दा, को़न्‍क्षोकगी श्‍यालने झ्‍युङगीन का रे-रेगी सो़न्‍पो ॱनेलालाक।’ ॱनेरी ढीक हो़तालाक।”

लुका 4:12

धेनी येशुगी सुवालाक, “सुङरापला ‘ख्‍यो़ खेरी को़न्‍क्षोक चोवोला छो़ता माझ्‍यी।’ ॱनेरी ढीक हो़तालाक।”

जेपा 15:10

धा, होराङ धाङ होरी धाङबी फामाक्‍यागीयाः खुर ॱमाथुप्‍कीन खु दे, खुङक्‍या खाला कारी, घीझ्‍येरी को़न्‍क्षोकला खोङडो लाङाले?

जेपा 5:9

पेटोगी मोला ॱनेवालाक, “चोवो को़न्‍क्षोकगी धाम्‍पे थुक्‍ङीला छो़ता झ्‍यीयेला, ख्‍ये ॱङीउगी घाङ झ्‍येरी ढो़ झ्‍येवा? तो़दाङ, ख्‍यी़ ख्‍योवाला बेरी हुङगीन मीक्‍या धान्‍दाराङ घोई फीला ॱलेप्‍दुक। खुङक्‍याई ख्‍यो़ला होझ्‍येरीराङ खेरती डुगीलाक।”

१ कोरीन्‍थुपा 10:9

धेनी खुङक्‍या च्‍योक्‍रे होराङक्‍या मास्‍यीकाला छो़ता झ्‍यीये मेतालाक। खुङक्‍याने रीङगागी छो़ता झ्‍येरी, खुङक्‍या डुलगी थोक्‍ने स्‍यीवालाक।

ईब्‍रीपा 3:9

होदुरु खेक्‍याई धाङबी फामाक्‍याई ङी छो़ता झ्‍येवालाक, धेनी लो श्‍यीपच्‍यु थुक्‍पे खुङक्‍याई ङी लेगाक्‍या थोवालाक।