मेथा 4:23 - ॱलोवा

²³ धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 4:23 Iomraidhean Croise

मेथा 11:5

श्‍याराक्‍याई थोङी, श्‍याक्‍योकक्‍या घोबा चुई, जेनेक्‍या दाक्‍यी, आमच्‍योक मेघोरकीनक्‍या घोरी, स्‍यीगीनक्‍या लाङी धेनी उटेक्‍याला ताम्‍शाङगो स्‍येदी।

मेथा 12:9

धेनी येशु होदेने फेप्‍ती, खुङक्‍याई छोक्‍खाङ नाङदु फेप्‍पालाक।

मेथा 13:19

लाम्‍गाला थोरथोवा साङागो, नाम्‍खे ग्‍यासीगी का ङेन्‍दी ॱहामेघोगीन धाङ धी़क होरी होदेगी सेम नाङदु ताप्‍ता साङागो, होदेने ठोक्‍ती डुगीन च्‍योक्‍रे लाक।

मेथा 13:54

धेनी राङगी फायु नाजारेतदु फेप्‍ती, खुङक्‍याई छोक्‍खाङदु खुङक्‍याला क्षो़ सुङा जेपालाक। खुङक्‍या ॱहालेरी ॱनेवालाक, “दे मी देला देरे स्‍येराप धाङ ॱहाङसागीन क्षाक्‍लेक्‍या जेयेला, नी़थु घाने जोरपा ले?

मेथा 14:14

खोङबा डु नाङने भावा जेदी मीछोक क्षे हो़गीनगो शीक्‍पालाक धेनी खुङक्‍याला ॱङीङजे केरी, नेपाक्‍याला चो़गा जेपालाक।

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 9:35

धेनी येशु ग्‍याजा घीरी धाङ यु घीरीगी छोक्‍खाङक्‍याला, क्षो़ तो़न्‍दी धाङ ग्‍यासीगी ताम्‍शाङगो सेटाक जेदी फेप्‍पालाक। धेनी नाजा घीरी धाङ नेको़न घीरी चो़गा जेदी फेप्‍पालाक।

मारकु 1:14

योहान्‍ना चो़न्‍खाङदु धाक सारती स्‍याम्‍ला, येशु गालीलदु को़न्‍क्षोकगी ताम्‍शाङ सुङी-सुङी फेप्‍पालाक।

मारकु 1:21

येशु धाङ ङेनेक्‍या काफारनाहुमदु फेप्‍पालाक। ङासुगीन ङीमाला, खोङबा छोक्‍खाङ नाङदु फेप्‍ती क्षो़ ॱनावालाक।

मारकु 1:39

धेनी छोक्‍खाङक्‍या नाङदु क्षो़ सुङी-सुङी धाङ डेक्‍या तो़न्‍दा जेदी-जेदी, खोङबा गालीलगी साज्‍या घीरीदु फेप्‍पालाक।

मारकु 3:10

खोङबागी मी ॱमीच्‍यीकी माङाला चो़गा जेदी नाजा हो़गीन घीरी, खोङबाला जुयेला ॱहाला-छुला पुरी उजुक झ्‍येरी होवालाक।

मारकु 6:2

ङासुगीन ङीमागोला छोक्‍खाङ नाङदु, खोङबागी क्षो़ तो़न्‍ये गो चुक्‍पालाक धेनी खोङबाला ङेन्‍गीन माङक्षे ॱहालेरी ॱनेवालाक, “दे मीला दे घीरी घाने थोप्‍पाले? खोला थोप्‍था स्‍येराप दे घी ले? खी़ लाक्‍पाने देरे ॱहाङसागीन लेगाक्‍या घाङ झ्‍येरी झ्‍युवाले?

मारकु 6:6

खुङक्‍याई धेपा मेगीनगो शीक्‍ती, येशु ॱहालेवालाक। धेनी खोङबा यु-युक्‍याला फेप्‍ती, क्षो़ ॱनाङा जेपालाक।

लुका 10:9

होदुरु हो़गीन नेपाक्‍याला चो़गा झ्‍यी धेनी होदेक्‍याला ॱनो़, ‘को़न्‍क्षोकगी ग्‍यासी खीकी ङ्येला ॱलेप्‍सादुक।’

लुका 13:10

धा ङासुगीन ङीमाला येशु छोक्‍खाङ च्‍यीकगी नाङदु क्षो़ सुङी हो़तालाक।

लुका 16:16

क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

लुका 20:1

ङीमा च्‍यीक, येशु क्षो़खाङदु मीक्‍याला क्षो़ सुङी हो़तालाक धेनी ताम्‍शाङगो स्‍येदी घाङला, क्षो़पो़न क्षेक्‍या धाङ क्षो़ठीमगी ॱलोपो़नक्‍यामुला गेम्‍पाक्‍या खोङबाचारु होरी

लुका 4:14

धेनी येशु धाम्‍पे थुक्‍ङीगी नी़थु जोरती, गालीलला लोक्‍ती फेप्‍पालाक। होदुरु खोङबागी कोरला ॱये-ॱयो़नगी यु घीरीला ख्‍याप्‍पालाक।

लुका 5:17

श्‍याक्‍मो च्‍यीक येशु क्षो़ तो़न जेदी घाङला, फारुसीपाक्‍या धाङ क्षो़ठीमगी ॱलोपो़नक्‍या होदुरु धे हो़तालाक। खुङक्‍या गालील यु घीरीने धाङ युदेया धाङ येरुसालेम ग्‍याजाने होवालाक। धा ढाक्‍सो़ ॱनाङयेला को़न्‍क्षोकगी नी़थु येशुमुला हो़तालाक।

लुका 6:17

धेनी येशु कुछापक्‍या मुला रीने माला फेप्‍ती, खोङबा थाङगा च्‍यीकरु श्‍येङदी श्‍युक्‍पालाक। होदुरु खोङबागी स्‍याबाला डागीन, मीछोक क्षे च्‍यीक धाङ युदेया युगी सा घीरीने धाङ येरुसालेम ग्‍याजाने धाङ ग्‍याछोगी थामाला हो़गीन, ताएर धाङ सीदोन ग्‍याजाने होवा मीछोक क्षे च्‍यीक होदुरु जोम हो़तालाक।

लुका 6:6

याङ श्‍येम्‍मा ङासुगीन ङीमा च्‍यीकला, येशु छोक्‍खाङला फेप्‍ती क्षो़ तो़न जेदी हो़तालाक। धेनी होदुरु लागा ॱये काम्‍गा मी च्‍यीक हो़तालाक।

लुका 7:21

धेनी होदे घाङलाराङ येशुगी नाजाक्‍या धाङ शुकक्‍या धाङ ॱनो़पाक्‍या हो़गीन, मी माङाला चो़गा जेपालाक धेनी श्‍यारा माङाला थोङगीन जेपालाक।

लुका 7:22

धेनी खोङबागी खुङक्‍याला सुवालाक, “सोङला खेक्‍याई थोङगीन धाङ घोरकीनगो योहान्‍नाला स्‍यो़क। श्‍याराक्‍याई थोङी, श्‍याक्‍योवाक्‍या घोबा चुई, जेनेक्‍या दाक्‍यी, घुक्‍याक्‍या घोरी, स्‍यीम्‍बुक्‍या सो़न्‍पो ॱलाङी धेनी ताम्‍शाङगो उटेक्‍याला स्‍येदुक।

लुका 8:1

धेनी येशु ग्‍याजाक्‍या धाङ युक्‍याला, को़न्‍क्षोकगी ग्‍यासीगी ताम्‍शाङगो स्‍येदी-स्‍येदी फेप्‍पालाक। खोङबामुला ङेने च्‍युङङीक्‍या हो़तालाक।

लुका 9:11

हीना मीछोकगी दे ॱहाघोरती, खोङबागी स्‍याबाला डावालाक धेनी खोङबागी देक्‍याला हुङदु च्‍युक्‍ती, को़न्‍क्षोकगी ग्‍यासीगी कोरला सुवालाक धेनी नाजाने थार घो़गीनक्‍याला चो़गा जेपालाक।

लुका 9:60

धेनी खोङबागी होदेला सुवालाक, “स्‍यीम्‍बुराङला राङगी फुङबु कुङदु च्‍युक हीना ख्‍यो़ सोरी को़न्‍क्षोकगी ग्‍यासीगी सेटाक झ्‍यी।”

योहान्‍ना 18:20

धेनी येशुगी खोङबाला लेन ॱनावालाक, “ङी ॱङो़न्‍सुमदु जीक्‍तेनला स्‍येहो़क। याहुदापाक्‍या घीरी जोम्‍जा छोक्‍खाङक्‍या धाङ क्षो़खाङदु, ङी च्‍योई क्षो़ तो़न्‍हो़क। ङी साङवागी थोक्‍ने घीया ॱमास्‍येहो़क।

योहान्‍ना 6:59

येशुगी दे कामो़नक्‍या काफारनाहुमगी छोक्‍खाङदु क्षो़ सुङी घाङला सुङा जेपालाक।

योहान्‍ना 7:1

होदे स्‍याम्‍ने, येशु गालील युला फेप्‍पालाक। हीना युदेया युला फेप्‍ङी मादो़पालाक घीझ्‍येरी ॱनाना याहुदापा पो़न्‍पोक्‍याई, खोङबाला सेयेगी थापस्‍यी चाली हो़तालाक।

जेपा 10:38

धेनी नाजारेतगी येशुला को़न्‍क्षोकगी धाम्‍पे थुक्‍ङी धाङ नी़पागी दामा जेजागो, खेक्‍याला स्‍ये हो़तालाक। धेनी को़न्‍क्षोक खोङमुला झ्‍येरी, येशु फेप्‍सा घीरीला लेशाङ धाङ धी़कगी आङजाला ॱनेम्‍ना घीरीला, चो़गा झ्‍येरी फेप्‍पालाक।

जेपा 18:4

धेनी ङासुगीन ङीमा घीरीला पाउलु च्‍योई छोक्‍खाङला सोरी, याहुदापाक्‍या धाङ गीरीकक्‍या ङीगाराला चो़लीङ झ्‍येरी खेलेन्‍दु च्‍युक्‍येला स्‍युक ग्‍याप्‍पालाक।

जेपा 20:25

धा ङा साजा-साजाक्‍याला सोरी, खेराङक्‍याला को़न्‍क्षोकगी ग्‍याखापगी कोरला ताम्‍शाङ स्‍येदी सोवी। हीना देने ॱहाला खेराङक्‍याने सी़या ङाला धाब्‍ले थोङगीमालाक ॱनेरी ङाला क्षाहो़क।

जेपा 28:31

खी़ को़न्‍क्षोकगी ग्‍याखापगी कोरला सेटाक धाङ चोवो येशु मास्‍यीकागी कोरला, क्षो़ ॱङीङक्षे झ्‍येरी स्‍येपालाक। धेनी सी़या खोला काक्‍ये थापस्‍यी माझ्‍येवालाक।

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”