मेथा 4:19 - ॱलोवा

¹⁹ धेनी खोङबागी खुङक्‍याला सुवालाक, “ङी स्‍याबाला स्‍योक धेनी ङी खेक्‍याला मीगी ङ्यापा को़लो।”

मेथा 4:19 Iomraidhean Croise

मेथा 16:24

धेनी येशुगी राङगी ङेनेक्‍याला सुवालाक, “ङी स्‍याम्‍ला डाङी दो़गीनक्‍या, राङला ॱलो़ तारी राङगी ग्‍याङस्‍यीङ खुरती, ङी स्‍याबाला डाङ घोगीलाक।

मेथा 19:21

येशुगी खोङला सुवालाक, “ख्‍यो़ फी़न्‍सुम छोक्‍पा झ्‍युङङी दो़ना, सोरी ख्‍यो़ला हो़गीन घीरी चोरी उटेक्‍याला तेर धेनी ख्‍यो़ला नाम्‍खे श्‍यीङखामदु ज्‍यागा थोप्‍कीलाक। धेनी होरी ङी स्‍याबाला डोङ।”

मेथा 4:18

धेनी येशु गालीलगी छो डामने फेई घाङला, सीमोन ॱनागीन पेटो धाङ खी़ नो आन्‍डीरीया ॱनागीन, ङ्यापा ॱङीगी छो नाङदु ङ्यारे ॱयुक्‍कीनगो शीक्‍पालाक।

मेथा 4:20

खुङ ॱङीउगी लाम्‍साङ ङ्यारेक्‍या भोरती, खोङबागी स्‍याबाला डावालाक।

मेथा 8:22

हीना येशुगी खोला सुवालाक, “ङी स्‍याबाला स्‍योक धेनी स्‍यीम्‍बुक्‍याईराङ, खोराङक्‍याई फुङबु कुङदु च्‍युक।”

मेथा 9:9

धेनी येशु होदेने ॱहाला फेई घाङला, ठा धुजारु धेता मेथा ॱनागीन मी च्‍यीकला शीक्‍पालाक धेनी खोला “ङी स्‍याबाला डोङ” सुरी सुवालाक। धेनी खो लारी खोङबागी स्‍याम्‍ला डावालाक।

मारकु 2:14

येशु फेई घाङला, खोङगी आल्‍फायुगी भीजा लेवीला, ठा दुजा लेखुङदु धेतागो शीक्‍पालाक। धेनी खोला, “ङी स्‍याबाला स्‍योक” सुरी सुवालाक। धेनी खो लारी खोङबागी स्‍याबाला सोवालाक।

लुका 5:27

होदे स्‍याम्‍ने येशु फीला फेप्‍ती, लेवी ॱनागीन ठा धुगीन मी च्‍यीकला, खोरी लेगा झ्‍यीजारु धेदी श्‍याक्‍कीनगो शीक्‍पालाक। धेनी येशुगी खोला “ङी स्‍याम्‍ला डोङ।” सुरी सुवालाक।

लुका 9:59

धेनी खोङबागी श्‍येम्‍मागोला सुवालाक, “ङी स्‍याम्‍ला स्‍योक।” हीना होदेगी ॱनेवालाक, “ॱलोपो़न ला, एन्‍ला ङा नाङला लोक्‍ती ङी आकीगी फुङबुगो कुङदु च्‍युक्‍रोजे।”

योहान्‍ना 1:43

धेनी ॱङेटोगो येशु गालील युदु फेप्‍येला, थुक्‍सेम जेपालाक। धेनी खोङबागी फीलीपला थुक्‍ती, “ङी स्‍याबाला डोङ।” सुरी सुवालाक।

योहान्‍ना 12:26

सी़ ङाला श्‍याप्‍तोक श्‍यी़, होदे ङी स्‍याम्‍ला डाङ घो़गुलाक धेनी ङा घारु हो़सारु, ङी श्‍याप्‍चीगोवा हुङगीलाक। सी़ ङाला श्‍याप्‍तोक श्‍यी़ना, होदेला यापगी कुरती जेगीलाक।

योहान्‍ना 21:22

येशुगी खोला सुवालाक, “ङा मायोङ थुक्‍पे खो सो़न्‍पो ॱनेयेगी ङी दो़पा हीन्‍ना, ख्‍यो़ला ढेवा घी हो़तो? ख्‍यो़ ङी स्‍याबाला डोङ।”

२ कोरीन्‍थुपा 12:16

धेनी ङी खेक्‍याला घाक्‍वा माशो़ ॱनेरी, खेक्‍या क्षा श्‍यालाक। हीना रीङगाक्‍याई ङी खेक्‍याला चाङग्‍यु झ्‍येरी, गो कोरपालाक ॱनेरी सामालाक।