मेथा 3:9 - ॱलोवा

⁹ ‘हेक्‍या आब्‍राहामगी ग्‍युपा हीन।’ ॱनेरी राङ-राङला ॱनाये ॱमासाम घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने, आब्‍राहामगी क्षीला भुग्‍यु को़ जे थुक्‍कीलाक।

मेथा 3:9 Iomraidhean Croise

मारकु 7:21

घीझ्‍येरी ॱनाना मीगी खोक्‍पा नाङने साम्‍लो ङेन्‍पाक्‍या धाङ छेउछेमु झ्‍यीगीन धाङ कुमा कुये धाङ मी सेये धाङ

लुका 12:17

होदे मीगी साम्‍लो तावालाक, ‘धा ङा घी झ्‍यीये हीन्‍ढी़? ङी लोदोकक्‍या श्‍याक्‍सा घारुवा मीदुक।’

लुका 16:24

धेनी क्षुक्‍पु मीगी़ फेरा ग्‍याप्‍ती ॱनेवालाक, ‘याप आब्‍राहाम, ङाला ॱङीङजे जेदी लाजारला झाङरोनाङ धेनी खी़ खोरी जुगो क्षुला चुक्‍ती, ङी च्‍येमो सीसाई जेदु च्‍युक्‍रोनाङ। घीझ्‍येरी ॱनाना ङाला मेचे दी नाङला ॱमीच्‍यीकी दुक्‍पु क्षे दुक।’

लुका 19:40

हीना खोङबागी सुवालाक, “ङा खेक्‍याला ॱनाहीन, देक्‍या खाबा धेना धोगोङक्‍याराङ फेरा ग्‍याप्‍कीलाक।”

लुका 3:8

खेक्‍या खेरी धीक्‍पा पारी, सेमग्‍युर हो़गीनगी ढेबु तो़न धेनी राङला ‘हीकी याप आब्‍राहाम लाक।’ ॱनेरी ॱमाना, घीझ्‍येरी ॱनाना ङा खेक्‍याला ॱनाहीन, को़न्‍क्षोकगी दे धोगोङक्‍याने आब्‍राहामगी क्षीदु टुवाक्‍या को़ जे थुक्‍कीलाक।

लुका 5:22

धेनी खुङक्‍याई साम्‍लो खेन्‍दा जेदी, येशुगी खुङक्‍याला सुवालाक, “खेक्‍या राङगी सेम नाङदु घीझ्‍येरी देरे साम्‍लो ताङाले?

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

योहान्‍ना 8:33

खुङक्‍याई खोङबाला श्‍यी़वालाक, “हेक्‍या आब्‍राहामगी भुग्‍यु हीन धेनी नामा सी़या ढेन्‍योकला स्‍योर माङ्युङ। धा खेराङगी हेक्‍याला ‘खेक्‍याला राङवाङ जेगीलाक’ सुङगीनगी दो़नगो घी ले?”

योहान्‍ना 8:37

खेक्‍या आब्‍राहामगी भुग्‍यु हीन्‍गीनगो ङाला स्‍येयेहो़क। घीहीनाः ङी का खेक्‍याई नाङला ॱने मेता, खेक्‍या ङाला सेयेगी घोकाप चालालाक।

योहान्‍ना 8:53

हीकी याप आब्‍राहाम ढोवालाक धेनी ॱङो़नस्‍येखेनक्‍या ढोवालाक। धा ख्‍यो़ खुङक्‍याने खाक्‍क्षे हीने? ख्‍यो़ राङला सी़ हीन सामी हो़तो?”

जेपा 13:26

“पी़नक्‍याओ, आब्‍राहामगी ग्‍युपागी टुवाक्‍या धाङ को़न्‍क्षोकला जीक्‍नाङ झ्‍यीगीन याहुदापा मेन्‍गीनक्‍याओ, दे थारपागी का दे को़न्‍क्षोकगी होराङ घीरीगी क्षीला ॱनावालाक।

जेपा 15:14

को़न्‍क्षोकगी ॱङीङजे जेदी, याहुदापा मेन्‍गीन मीक्‍याई सेमला लेगा एन्‍ला जेदी, खुङक्‍याने रीङगाला खोरी मी को़ ॱनावालाक। दे लाब सीमेयोन पेटोगी खेराङक्‍याला धान्‍दाका सुङ ॱनाजुङ।

रोमापा 4:1

धा ॱहाना ली़गी छाने, हीकी मेमे आब्‍राहामगी कोरला घी ॱनागुलाक से? दो़न दी, कोरला खोङला घी थोप हो़टी़?