मेथा 3:7 - ॱलोवा

⁷ हीना फारुसीपाक्‍या धाङ सादुकीपाक्‍याने, मी माङक्षे ठी़सो़ लेन्‍दु हुङगीनगो शीक्‍ती, खी़ खुङक्‍याला ॱनेवालाक, “दुक्‍डुगी ग्‍युपा खेक्‍या, माउपारगी थुक्‍ठो़ने, खेक्‍या डो़येला सी़ ङेन्‍ता ताजो?

मेथा 3:7 Iomraidhean Croise

मेथा 12:24

हीना फारुसीपाक्‍याई दे घोरती ॱनेवालाक, “दे मी देगी डेक्‍या तो़न्‍गीनगो डेक्‍याई चो, बेएलजेबुलगी थोक्‍ने च्‍यीगा लाक।”

मेथा 12:34

दुक्‍डुगी ग्‍युपा खेक्‍या, खेक्‍या ङेन्‍पा झ्‍येरी, शाङा घाङ झ्‍येरी ॱनाथुक्‍वाले? घीझ्‍येरी ॱनाना सेमला घी हो़गीनगो खाने थो़न्‍दालाक।

मेथा 15:12

धेनी ङेनेक्‍या होरी खोङबाला श्‍यी़वालाक, “खेराङगी दे सुङगीनगो फारुसीपाक्‍याई घोरती, खुङक्‍याला फोक्‍कीनगो खेराङगी खेन्‍दा जेदे?”

मेथा 16:1

फारुसीपाक्‍या धाङ सादुकीपाक्‍या होरी, येशुला छो़ता झ्‍यीयेला, नाम्‍खे श्‍यीङखामने खुङक्‍याला ताक च्‍यीक तो़न्‍रोजे ॱनेरी श्‍यी़वालाक।

मेथा 16:6

येशुगी खुङक्‍याला सुवालाक, “फारुसीपाक्‍या धाङ सादुकीपाक्‍याई क्‍युरचीने, शाप-शाप झ्‍यी धेनी राङला ॱरुङ।”

मेथा 22:15

धा फारुसीपाक्‍या सोरी, येशुगी सुङगीनक्‍यानेराङ खोङबाला घाङगी झ्‍येरी, ॱङ्योक्‍टा ॱलाङये दुई ॱनेरी ढो़ झ्‍येवालाक।

मेथा 22:23

होदे ङीमागोलाराङ स्‍यीम्‍पोक्‍या याङ सो़न्‍गीलाक ॱनागीन, लाबला यीच्‍चे मीझ्‍यीगीन सादुकीपाक्‍या येशुचारु च्‍यारती, देरे ढीवा श्‍यी़वालाक,

मेथा 22:34

धा फारुसीपाक्‍याई क्षो़ठीमगी सादुकीपाक्‍याला, येशुगी घीया ॱनाये मेगीन शो़दुक ॱनेरी ॱहाघोरती, खुङक्‍यामुला जोम्‍बालाक।

मेथा 23:33

“खे डुलक्‍या, दुक्‍डुगी ग्‍युपाक्‍या, खेक्‍या ॱङ्यावागी छेपाने घाङगी झ्‍येरी थारये?

मेथा 5:20

घीझ्‍येरी ॱनाना ङा खेक्‍याला ॱनाहीन, खेक्‍याई ढाङतेन क्षो़ठीमगी ॱलोपो़नक्‍या धाङ फारुसीपाक्‍याने ल्‍हाक मेना, खेक्‍या नाम्‍खे ग्‍यासीदु नामाः ॱमीछी़गीलाक।

मारकु 12:13

होदे स्‍याम्‍ने याहुदापा गोठीक्‍याई, फारुसीपा रीङगा धाङ हेरोदे ग्‍यावुगी मी रीङगाला, येशुला लाब-लाबला गो कोरतु च्‍युक्‍येला झावालाक।

मारकु 12:18

होदे स्‍याम्‍ने, सादुकीपा रीङगा येशुचारु होवालाक। खुङक्‍या छीवाने सो़न्‍पो लाङगीन लाबला धेपा मीझ्‍यीदालाक। खुङक्‍याई येशुला ढीवा च्‍यीक श्‍यी़वालाक,

मारकु 8:15

धेनी येशुगी खुङक्‍याला सुवालाक, “चाङजे झ्‍यी, फारुसीपाक्‍या धाङ हेरोदेगी क्‍युरचीने शाप-शाप झ्‍यी।”

लुका 16:14

धा ग्‍युनोरला सेम क्षाक्‍कीन फारुसीपाक्‍याई, दे घीरी घोरती खोङबाला ॱमेज्‍यु तावालाक।

लुका 18:11

फारुसीपागो खोराङ च्‍यीगा लारी ॱमो़लाम दे पुवालाक, ‘के को़न्‍क्षोक, खेराङला थुक्‍जेक्षे घीझ्‍येरी ॱनाना ङा श्‍येम्‍माक्‍या च्‍योक्‍रे ॱहाम्‍बा झ्‍येरी, ग्‍यु ठोक्‍कीन धाङ मेढाङा धाङ लोक्‍येम झ्‍यीगीन धाङ दे ठा धुगीन मी च्‍योक्‍रे मेक।

लुका 7:30

हीना फारुसीपाक्‍या धाङ क्षो़ठीमगी ॱलोपो़नक्‍याई खोने ठी़सो़ मालेन्‍बा, को़न्‍क्षोकगी थुकोङ राङगी क्षीला खेमालेन्‍बालाक।

योहान्‍ना 1:24

धा झाजा मीक्‍याने रीङगा फारुसीपाक्‍या लाक।

योहान्‍ना 8:44

खेक्‍या खेरी याप धी़कगी लाक धेनी खीकी यापगी दो़पा झ्‍यीयेला खेक्‍या दो़दालाक। धी़क नी, थोक्‍मानेराङ ॱरोक चेगीन धाङ धेन्‍पाला ढेवा घीया मेतालाक घीझ्‍येरी ॱनाना खी़ नाङ धेन्‍पा मेतालाक। धेनी खो शोक स्‍येगीन धाङ शोकगी याप झ्‍येरी, खी़ शोक स्‍येदी घाङला राङगी स्‍यीकाला तेन्‍दी स्‍येदालाक।

योहान्‍ना 9:40

धेनी खोङबागी डामला हो़गीन फारुसीपा रीङगाक्‍याई दे घोरती खोङबाला श्‍यी़वालाक, “हेक्‍याः श्‍यारा लाक से?”

जेपा 15:5

हीना फारुसीपाक्‍या नाङने धेपा-झ्‍यीगीन झ्‍युजाक्‍या लाङदी ॱनेवालाक, “याहुदापा मेन्‍गीन मीरीकगी धेपा-झ्‍यीगीनक्‍याः पाउ चेदी ताकगो ग्‍याप घोगीलाक धेनी मोशेगी ठीमक्‍याला चीघोलालाक।”

जेपा 20:31

होझ्‍येरी चाङजे झ्‍येरी धो़क धेनी ङी लो सुम थुक्‍पे ङीन-छेन ॱमीक्‍क्षु तारी, चोवोगी ङेने रे-रेला ॱलाप्‍ला ॱलापच्‍याक्‍या माज्‍येदा धो़क।

जेपा 26:5

ङा हीकी क्षो़गी ॱमीच्‍यीकी स्‍युक्‍क्षे धाङ ॱरा हो़गीन छोक्‍पा फारुसीपाक्‍याने च्‍यीक हीन ॱनेरी, खुङक्‍याला एम्‍मानेराङ क्षा हो़तालाक। धेनी खुङक्‍या थेना देगी पाङपो तेर थुक्‍कीलाक।

जेपा 5:17

धेनी चो क्षो़पो़न धाङ खी़मुला हो़गीन सादुकीपा घीरीगी, कुछापक्‍याला ठादोक झ्‍येवालाक।

रोमापा 1:18

घीझ्‍येरी ॱनाना धेन्‍पाला राङगी ङेन्‍पे गोने ॱनेम्‍गीन, क्षो़ला ॱमीचीगीन मी धाङ मी ङेन्‍पा घीरीगी खाला, नाम्‍खे श्‍यीङखामने को़न्‍क्षोकगी थुक्‍ठो़ ॱङो़न जे हो़तालाक।

रोमापा 5:9

धा खोङगी कुठाकगी गोने होराङ ढाङपो चीचा झ्‍येरी, खोङगी थोक्‍ने होराङ को़न्‍क्षोकगी थुक्‍ठो़ने ॱयो़ल्‍ले माङा थारकीलाक।

१ थेसालोनीकेपा 1:10

छीवाने सो़न्‍पो जेगेन, खोङबागी से येशु नाम्‍खे श्‍यीङखामने फेप्‍येला, खेक्‍या घुक्‍ती धेगीनगो, मीमाङक्‍याराङ हेक्‍याला स्‍येदीक। माउपारला को़न्‍क्षोकगी थुक्‍ठो़ने, होराङक्‍याला येशुगीराङ थारपा जेगीलाक।

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 6:18

को़न्‍क्षोकगी ग्‍युरवा मेगीन धाम्‍चा धाङ ॱना ॱङीगारा ॱनाङा जेपालाक। घीझ्‍येरी ॱनाना को़न्‍क्षोकगी शोक सुङा मेजेदालाक। होझ्‍येरी होराङ खोङबाने क्‍याप थोप्‍थाक्‍या, होरी दोङदु हो़गीन रेवागोला तेन्‍पोमा ॱरुङयेला, सेमस्‍युक क्षे थोप हो़तालाक।

१ योहान्‍ना 3:10

ढाङपो हीन्‍गीनगो मीझ्‍यीगीन धाङ राङगी पी़नक्‍याला झाम्‍पा मीझ्‍यीगीन सुवा, को़न्‍क्षोकगी से धाङ सेमो मालाक। दी गोनेराङ, को़न्‍क्षोकगी से धाङ सेमो सु हीन्‍गीन धाङ धी़कगी टुवा सु हीन्‍गीनगो, होरी ङो स्‍येलालाक।