मेथा 3:6 - ॱलोवा

⁶ धेनी खुङक्‍या राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

मेथा 3:6 Iomraidhean Croise

मेथा 3:11

“खेक्‍या धीक्‍पाने ग्‍युरास्‍योक ॱनेरी, ङा खेक्‍याला क्षुगी ठी़सो़ तेराहीन हीना ङी स्‍याम्‍ला फेप्‍गीनगो, ङाने वाङक्षे हो़तालाक। ङा खोङबागी श्‍याप्‍हाम खेरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने, ठी़सो़ ॱनाङगीलाक।

मारकु 1:5

युदेयागी यु घीरी धाङ येरुसालेमगी मीक्‍या घीरी, खी़चारु सोवालाक धेनी खुङक्‍या राङ-राङगी धीक्‍पाक्‍या खेलेन्‍दी, खोने योरदान चाङबुरु ठी़सो़ लेन्‍बालाक।

लुका 1:16

धेनी खी़ ईस्‍राएल्‍पा माङपोला, खुङक्‍याई चोवो को़न्‍क्षोक चारु ॱलोक्‍ती ठीक्‍ती हुङगीलाक।

लुका 3:16

धेनी योहान्‍नागी खुङ घीरीला ॱनेवालाक, “ङी खेक्‍याला क्षुगी ठी़सो़ तेरालाक। हीना ङाने वाङक्षे च्‍यीक फेई हो़तालाक धेनी ङा खोङबागी पोल्‍लेगी डुताक टोरीन खाये मेक। खोङबागी खेक्‍याला धाम्‍पे थुक्‍ङी धाङ मेगी थोक्‍ने ठी़सो़ ॱनाङगीलाक।

जेपा 1:5

योहान्‍नागी क्षुगी ठी़सो़ तेरपालाक हीना श्‍याक्‍मो तीते स्‍याम्‍ने खेक्‍याला धाम्‍पे थुक्‍ङीगी ठी़सो़ थोप्‍कीलाक।”

जेपा 11:16

‘योहान्‍नागी क्षुगी ठी़सो़ ॱनावालाक हीना खेक्‍याला धाम्‍पे थुक्‍ङीगी ठी़सो़ जोरकीलाक।’ ॱनेरी चोवोगी सुङगीन कागो ङी ढेन्‍जुङ।

जेपा 19:18

धेनी धेपा-झ्‍यीगीन मी ॱमीच्‍यीकी माङा होरी, खोराङक्‍याई एम्‍मा झ्‍येजा लेगा ङेन्‍पाक्‍याई कोरला घीरीगी दोङला स्‍येपालाक।

जेपा 22:16

होझ्‍येरी धा ख्‍यो़ घीला घुक्‍ती धेता? लोङ धेनी ठी़सो़ लेन धेनी ख्‍यो़री धीक्‍पाक्‍या चाङमा शोयेला, चोवो येशुगी छेन भो़।’

१ कोरीन्‍थुपा 10:2

धेनी ॱरीङबा धाङ ग्‍याछोगी थोक्‍ने, खुङक्‍या घीरीगी मोशेगी नाङ ठी़सो़ श्‍यी़वालाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

ईब्‍रीपा 6:2

धेनी ठी़सो़ धाङ लाक्‍पा श्‍याक्‍ये धाङ छीवाने ॱलार सो़न्‍ये धाङ थामेपे ठीम्‍चो़क्‍याई कोरला, ॱलापच्‍याक्‍या धाब्‍ले ॱलाप घोये मेतालाक।

ईब्‍रीपा 9:10

देक्‍या नी शाये धाङ थुङये धाङ ठी़ ॱनाछोक झ्‍यीगीनगी ॱरो च्‍यीगा लाक। धेनी को़न्‍क्षोकने का साबा ॱमाथोप थुक्‍पे, देक्‍या नी फीदाने झ्‍यीगीन ठीमक्‍या लाक।

याकोब 5:16

होझ्‍येरी ढाक्‍सो़ थोप्‍येगी क्षीला, फेन्‍छुन घुङदु राङगी धीक्‍पा खेलेन झ्‍यी धेनी च्‍यीकगी च्‍यीकला ॱमो़लाम ग्‍योप। मी ढाङपो च्‍यीकगी ॱमो़लाम स्‍युक्‍क्षे धाङ फेन्‍क्षे हो़तालाक।

१ पेटो 3:21

क्षु दे नी खेक्‍याला धान्‍दा क्‍योप्‍कीन, ठी़सो़गी ताक लाक। दे नी ली़गी ढीमाक ठुगीन च्‍योक्‍रे मालाक हीना साम्‍लो ॱनाम्‍पा दाक्‍पागी क्षीला, को़न्‍क्षोकगी डुङदु धाम्‍चा च्‍यीक लाक। येशु मास्‍यीका छीवाने कुसो़न्‍पो ग्‍युरकीनगी थोक्‍ने, ठी़सो़गी खेक्‍याला क्‍योप्‍कीलाक।

१ योहान्‍ना 1:9

याङ होराङगी होरी धीक्‍पा झ्‍येहो़क ॱनेरी, खेलेन झ्‍यीना खोङबागी होरी धीक्‍पाक्‍या सेल्‍गीलाक धेनी मेढाङा घीरीने, होराङला चाङमा जेगीलाक। घीझ्‍येरी ॱनाना खोङबा ॱलोते छोक्‍पा धाङ ढाङपो हो़तालाक।