मेथा 3:2 - ॱलोवा

² “धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 3:2 Iomraidhean Croise

मेथा 10:7

धेनी खेक्‍या डोवाराङ ‘नाम्‍खे ग्‍यासी ङ्ये ॱलेप्‍दुक।’ ॱनेरी सेटाक झ्‍यी।

मेथा 11:20

येशुगी याम्‍क्षेनगी क्षाक्‍ले माङक्षे जेजा, ढोङखेरगी मीक्‍याई सेम माग्‍युरकीन झ्‍येरी, खोङबागी खुङक्‍याला काको़न सुवालाक,

मेथा 12:41

ठीम चेगीन ङीमाला, ॱनीनेवे ढोङखेरगी मीक्‍या, दे मीरापमुला लाङगीलाक धेनी होदेला ठीम ताङगीलाक घीझ्‍येरी ॱनाना खुङक्‍याई योनागी क्षो़ला खेलेन्‍दी, राङगी धीक्‍पाक्‍या पारी सेम ग्‍युरपालाक। हीना तो़, दुरु योनाने खाक्‍क्षे च्‍यीक दुक।

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

मेथा 13:24

खोङबागी याङ पे श्‍येम्‍मा च्‍यीक, खुङक्‍याई दोङदु श्‍याक्‍ती सुवालाक, “नाम्‍खे ग्‍यासी दे मी च्‍यीक सोरी, राङगी श्‍यीङला साङा शाङा ताप्‍कीन च्‍योक्‍रे लाक।

मेथा 13:31

खुङक्‍याई दोङदु पे श्‍येम्‍मा च्‍यीक श्‍या जेदी, येशुगी सुवालाक, “नाम्‍खे ग्‍यासी दे मी च्‍यीक छुकगी साङा खेरती, खोरी श्‍यीङला ताप्‍कीन च्‍योक्‍रे लाक।

मेथा 13:33

याङ खोङबागी पे श्‍येम्‍मा च्‍यीक सुवालाक, “नाम्‍खे ग्‍यासी दे केमी च्‍यीकगी क्‍युरची खेरती, पादी सुम चो़ बाक्‍पेमुला ॱरेरी बाक्‍पे घीरीला, क्‍युरची ॱमालाङगीन थुक्‍पे ॱङ्यारी श्‍यालाक।”

मेथा 13:47

“याङदा, नाम्‍खे ग्‍यासी दे छो नाङदु ॱयुक्‍ती, ङ्या ॱना घीरी रुक्‍कीन ङ्यारे च्‍योक्‍रे च्‍यीक लाक।

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

मेथा 18:23

देरे झ्‍येरी, नाम्‍खे ग्‍यासी दे राङगी ॱयोक्‍पोक्‍यामुला ची ताङी दो़गीन ग्‍यावु च्‍यीकमुला दुरना ढीक्‍कीलाक।

मेथा 20:1

“नाम्‍खे ग्‍यासी दे ॱङारोक ॱङात्‍ती सोरी, राङगी घुन्‍डुमगी दुम्‍रागी क्षीला मीलाक चारु डुगीन, खीमगी दाक्‍पो च्‍योक्‍रे लाक।

मेथा 22:2

“नाम्‍खागी ग्‍यासी दे, ग्‍यावु च्‍यीकगी राङगी सेगी क्षाङसाला श्‍युक्‍टा कागीन च्‍योक्‍रे लाक।

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मेथा 25:1

येशुगी सुवालाक, “धेनी नाम्‍खे ग्‍यासी दे माक्‍पा थुक्‍तु डोयेला, क्‍युङ खेरती डुगीन भोमो नाच्‍युङमा च्‍यु च्‍योक्‍रे लाक।

मेथा 25:14

“नाम्‍खे ग्‍यासी नी ढु ग्‍याप्‍तु डुगीन मी च्‍यीक च्‍योक्‍रे लाक। खी़ खोरी ॱयोक्‍पोक्‍याला भो़री, खोरी ग्‍युनोरगो खुङक्‍याला ची ग्‍याप्‍पालाक।

मेथा 4:17

“देने ॱहाला येशुगी, ‘नाम्‍खे ग्‍यासी ङ्ये ॱलेप्‍दुक होझ्‍येरी खेक्‍याई धीक्‍पा पारी सेम ग्‍युरवा तोङ।’ सुरी क्षो़ तो़न्‍ये गो चुक्‍पालाक।”

मेथा 4:23

धेनी येशु गालीलगी छोक घीरीला फेप्‍ती, खुङक्‍याई छोक्‍खाङक्‍याला क्षो़ सुरी, नाम्‍खे ग्‍यासीगी ताम्‍शाङ दे सेटाक जेपालाक। धेनी नाजा घीरी धाङ मीमाङला हो़गीन नेको़न घीरी चो़गा जेपालाक।

मेथा 5:10

ढाङतेनगी क्षीला दुक्‍पु ङ्याङगीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मेथा 5:3

“सेमला उटे हो़गीनक्‍या घीन्‍गी झ्‍यीलाप क्षे ले, घीझ्‍येरी ॱनाना नाम्‍खे ग्‍यासी खुङक्‍याई लाक।

मेथा 6:10

खेराङगी ग्‍यासी हुङवास्‍योक, खेराङगी थुकोङ नाम्‍खे श्‍यीङखामला डुप्‍कीन च्‍योक्‍रे, सालाः डुप्‍पास्‍योक।

मेथा 6:33

हीना एन्‍ला को़न्‍क्षोकगी ग्‍यासी धाङ खोङबागी ढाङतेनला चो, धेनी दे घीरी खेक्‍याला ॱनाङगीलाक।

मारकु 1:15

खोङबागी सुवालाक, “धा धी़चो़ ॱलेप्‍सालाक धेनी को़न्‍क्षोकगी ग्‍यासी ङ्ये ॱलेप्‍दुक। सेम ग्‍युरवा तोङ धेनी ताम्‍शाङला धेपा झ्‍यी।”

मारकु 1:4

ठी़सो़ ॱनाङगीन योहान्‍नागी रीतोङदु होरी, मीक्‍याला ठी़सो़ तेरपालाक धेनी राङगी धीक्‍पा सेल्‍येला, राङगी धीक्‍पा पारी सेम ग्‍युरयेगी, ठी़सो़गी क्षो़ स्‍येपालाक।

मारकु 6:12

धेनी खुङक्‍या होदेने सोरी मीक्‍याला धीक्‍पा पारी, सेम ग्‍युर घो़गीलाक ॱनेरी क्षो़ ॱलाप्‍पालाक।

लुका 1:16

धेनी खी़ ईस्‍राएल्‍पा माङपोला, खुङक्‍याई चोवो को़न्‍क्षोक चारु ॱलोक्‍ती ठीक्‍ती हुङगीलाक।

लुका 11:20

हीना ङा को़न्‍क्षोकगी थोक्‍ने डे तो़न्‍दी हो़ना, को़न्‍क्षोकगी ग्‍यासी खेक्‍याचारु ॱलेप्‍सालाक।

लुका 13:3

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।

लुका 13:5

देरे मालाक ॱनेरी ङा खेक्‍याला ॱनाहीन। हीना खेक्‍या धीक्‍पा पारी सेम मीग्‍युरना, खेक्‍याः घीरी होदेरेराङ झ्‍येरी स्‍यीगीलाक।”

लुका 15:10

ङा खेक्‍याला ॱनाहीन, देरे झ्‍येरीराङ धीक्‍पा पारी, सेम ग्‍युरकीन धीक्‍चेन च्‍यीकगी क्षीला, को़न्‍क्षोकगी भाङछेनक्‍याई डुङदु घाटो झ्‍युङगीलाक।”

लुका 15:7

ङा खेक्‍याला ॱनाहीन देरे झ्‍येरीराङ धीक्‍पा पारी सेमग्‍युर मेघोगीन, मी ढाङपो घुपच्‍यु घोरगुक्‍याने ल्‍हाक, धीक्‍पा पारी सेम ग्‍युरकीन मी धीक्‍चेन च्‍यीकगी क्षीला, नाम्‍खे श्‍यीङखामदु माङा ङ्यामो घा झ्‍युङगीलाक।”

लुका 16:30

खी़ ॱनेवालाक, ‘मालाक, याप आब्‍राहाम, स्‍यीम्‍बुक्‍याने च्‍यीक खुङक्‍याचारु डोना, खुङक्‍याई खोरी धीक्‍पा पारी सेम ग्‍युरकीलाक।’

लुका 21:31

होदेरेराङ झ्‍येरी दे लाब घीरी झ्‍युङगीनगो थोङी घाङला, को़न्‍क्षोकगी ग्‍यासी ङ्येरु दुक ॱनेरी खेक्‍या स्‍येलाझ्‍यी।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

लुका 6:20

धेनी येशुगी खोरी ङेनेक्‍याला शीक्‍ती सुवालाक, “खे उटेक्‍या झ्‍यीलाप क्षे, घीझ्‍येरी ॱनाना को़न्‍क्षोकगी ग्‍यासी खेराङक्‍याई लाक।

लुका 9:2

धेनी खोङबागी खुङक्‍याला, को़न्‍क्षोकगी ग्‍यासी सेटाक झ्‍यीये धाङ नेपाक्‍या चो़गा झ्‍यीयेला झावालाक।

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 17:30

एम्‍मा-एम्‍मा मीक्‍याई को़न्‍क्षोकला ङो ॱमेस्‍येगीन धी़चो़गो, को़न्‍क्षोकगी या माझ्‍येवालाक हीना धान्‍दा खोङबागी मी घीरीला राङ-राङगी धीक्‍पाला ग्‍यो़पा झ्‍येरी, खोङबा स्‍योकला लोक ॱनेरी का ॱनावालाक।

जेपा 2:38

धेनी पेटोगी ॱनेवालाक, “खेराङक्‍या घीरीगी राङगी धीक्‍पा पारी सेम ग्‍युरवा तोङ धेनी येशु मास्‍यीकागी छेनने ठी़सो़ श्‍यी़। धेनी खेराङक्‍याई धीक्‍पाने घोयाङ थोप्‍कीलाक धेनी को़न्‍क्षोकगी धाम्‍पे थुक्‍ङीगी ॱङेन्‍बा राक्‍कीलाक।

जेपा 20:21

धेनी याहुदापाक्‍या धाङ गीरीकक्‍याला को़न्‍क्षोक स्‍योकला राङ-राङगी धीक्‍पा पारी, सेम ग्‍युरती हुङये धाङ होरी चोवो येशु मास्‍यीकाला धेपा झ्‍यी ॱनेरी स्‍येवी।

जेपा 26:20

होझ्‍येरी ङा गोमाला दामासेकोरु धेनी येरुसालेमदु धेनी याहुदा ग्‍याखाप घीरीदु धाङ याहुदापा मेन्‍गीन मीरीकक्‍याई ग्‍याखापक्‍याला सोरी, मीक्‍याला मीरी-मीरी धीक्‍पा पारी सेम ग्‍युरती, को़न्‍क्षोक स्‍योकला लोक्‍ये धाङ होदे च्‍योक्‍रे लेगा झ्‍यीयेगी का स्‍येवी।

जेपा 3:19

होझ्‍येरी धा खेराङक्‍या राङगी धीक्‍पा पारी सेम ग्‍युरवा तोङ धेनी को़न्‍क्षोक चारु लोक्‍ती स्‍योक। धेनी खोङबागी खेराङक्‍याई धीक्‍पा घीरी चाङमा जेगीलाक। देरे झ्‍येरी खेराङक्‍याला को़न्‍क्षोकने सेम नाङदु कीदा धाङ स्‍युक जोरकीलाक।

२ कोरीन्‍थुपा 7:10

को़न्‍क्षोकगी थुकोङला हो़गीन सेम क्‍योगीनगी, सेम ग्‍युरतु च्‍युक्‍वालाक धेनी दी होराङला थारपा ॱनाङालाक। धेनी होदुरु ग्‍यो़पा मेयोङालाक हीना जीक्‍तेनगी सेम क्‍योयेगी छीवा खेरती हुङालाक।

कोलोसेपा 1:13

को़न्‍क्षोकगी होराङला मी़नाकगी वाङने थारपा जेदी, राङगी चेवे सेगी ग्‍यासी नाङदु होराङला ठीया जेपालाक।

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

२ पेटो 3:9

मी रीङगाक्‍याई चोवोगी राङगी धाम्‍चा डुप्‍येला, धाला जेदुक ॱनेरी, साम्‍लो हो़नाः खोङबा धाला मेजेदालाक। हीना घीरीगी राङगी धीक्‍पा पारी सेम ग्‍युरती सुवाः मेताला माडोवास्‍योक ॱनेरी, खोङबा खेक्‍यामुला शो़गोम जेदालाक।

ॱङो़न्‍पा 2:21

ङी मोला राङगी धीक्‍पा पारी सेम ग्‍युरयेला, धी़चो़ तेरपालाक हीना मो मोरी लोक्‍येमगो पाङयेगी दो़पा मीझ्‍यीदा।

ॱङो़न्‍पा 2:5

होझ्‍येरी ख्‍यो़ घाने ॱहाला माला ल्‍हीम्‍गीनगो, ख्‍यो़ घामोमा साम्‍लो तोङ धेनी राङगी धीक्‍पा पारी सेम ग्‍युरवा तोङ। धेनी एम्‍मा ख्‍यी़ घी झ्‍यीगीनगोराङ झ्‍यी। ख्‍यी़ देरे झ्‍येरी राङगी सेम ग्‍युरवा ॱमेताङना, ङा ख्‍यो़चारु हुङाहीन धेनी ख्‍यी़ क्‍युङगोला होदेगी घोक्‍जाने तो़न्‍येहीन।