मेथा 28:2 - ॱलोवा

² धेनी लाम्‍साङ चोवोगी भाङछेन च्‍यीक, नाम्‍खे श्‍यीङखामने होदुरु भाप्‍ती, सायोम क्षे च्‍यीक ग्‍याप्‍पालाक। धेनी खोङबा फेप्‍ती धी़ठोगी फोङगीङगो ॱहाला रीरी, होदेगी थोकला श्‍युक्‍पालाक।

मेथा 28:2 Iomraidhean Croise

मेथा 27:60

धेनी डाकला शो़सा खोरी धी़ठो साबा नाङदु खोङबागी कुफुङ श्‍याक्‍पालाक। धेनी धी़ठोगी घोगो फोङगीङ क्षे च्‍यीकगी काक्‍ती, खो होदेने सोवालाक।

मेथा 27:66

होझ्‍येरी खुङक्‍या सोरी, धी़ठोगी घो काक्‍कीन फोङगीङला थेचे ग्‍याप्‍ती ॱरुङगीनक्‍या श्‍याक्‍पालाक।

योहान्‍ना 20:1

धा धी़न्‍डागी ङीमा धाङपोगोला ॱनाम माला एन्‍ला, मीरीयाम माक्‍दालीनी धी़ठोदु होवालाक धेनी धी़ठोने धोगोङगो ॱहाला री-री श्‍याक्‍सा थोवालाक।

जेपा 16:26

होदे घाङला ॱहाताक्‍पाला ॱमीच्‍यीकी जीक्‍टाक्षे सुङगु ग्‍याप्‍ती, चो़न्‍खाङगी डामगोवा ठुक-ठुक झ्‍युवालाक। धेनी घोक्‍या घीरी भेवालाक धेनी चो़न्‍बा घीरीगी च्‍याक्‍थाकक्‍या डोवालाक।

जेपा 5:19

हीना चोवोगी भाङछेन च्‍यीक छेन्‍मो फेप्‍ती, आटागी घोगो पेवालाक धेनी कुछापक्‍याला फीला तो़न्‍दी सुवालाक,

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ पेटो 1:12

धेनी राङला मेन्‍दा खेक्‍याई श्‍याप्‍ची श्‍युगीनगो, ॱङो़नस्‍येखेनक्‍याला ॱङो़न्‍पालाक। धेनी धान्‍दा नाम्‍खे श्‍यीङखामने ॱङाक्‍ङा धाम्‍पे थुक्‍ङीगी वाङगी गोने क्षो़ सुङगीनक्‍याई, खेक्‍याला ताम्‍शाङ दे स्‍ये हो़तालाक। धेनी नाम्‍खे भाङछेनक्‍यागीयाः दो़न देक्‍या स्‍येङी दो़दालाक।

ॱङो़न्‍पा 11:19

धेनी नाम्‍खे श्‍यीङखामदु को़न्‍क्षोकगी क्षो़खाङगी घोगो बेवालाक धेनी खोङबागी क्षो़खाङ नाङदु, खोङबागी धाम्‍चागी गामगो थोवालाक। धेनी होदुरु ॱलोक्‍मार धाङ धीरडा धाङ डुक्‍डाक्‍या थो़न्‍बालाक। धेनी सुङगु सोवालाक धेनी सेरा क्षेक्‍या भाप्‍पालाक।