मेथा 27:4 - ॱलोवा

⁴ ॱनेवालाक, “ङी क्‍यो़न मेगीन मी च्‍यीकला ग्‍याप्‍तो़ झ्‍येरी धीक्‍पा झ्‍येजुङ।” खुङक्‍याई ॱनेवालाक, “हेक्‍याला झ्‍यी़दोक मेक। होदे ख्‍यो़री ॱङ्योक्‍टा लाक।”

मेथा 27:4 Iomraidhean Croise

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

मेथा 27:54

धा ॱमाक्‍मीगी ग्‍यापो़न धाङ खी़मुला येशुला ॱरुङगीनक्‍याई, सायोम ग्‍याप्‍कीन धाङ घी झ्‍युङगीन घीरी थोवालाक। धेनी खुङक्‍या जीक्‍टागी खारी ॱनेवालाक, “दे नी ॱङोन्‍नेगी को़न्‍क्षोकगी से हीन्‍दाराक!”

लुका 23:22

पीलातुगी थेङमा सुम्‍बाला खुङक्‍याला ॱनेवालाक, “घीझ्‍येरी? मी दी ङेन्‍पा घी झ्‍येदो? ङी खोला सेयेगी क्षेपा का घोगीन क्‍यो़न घीया ॱमेथोङा। होझ्‍येरी खोला ङा ताजाक श्‍युरती ताङयेहीन।”

लुका 23:41

होराङ ॱङीउला होरी लेगागी क्षेपा फोक घोगीनगो फोक्‍पालाक हीना दे मीगी लेगा ङेन्‍पा घीया माझ्‍ये हो़तालाक।”

लुका 23:47

धा ग्‍यापो़नगी दे थोरी, को़न्‍क्षोकला तो़टा तारी ॱनेवालाक, “ॱङोन्‍नेराङ दे मी दे क्‍यो़न मेगीन हीन्‍दाराक।”

योहान्‍ना 19:7

याहुदापाक्‍याई खोला लेन ग्‍याप्‍पालाक, “हेला क्षो़ठीम च्‍यीक हो़तालाक धेनी क्षो़ठीम देला ताना, खो स्‍यीघोगुलाक घीझ्‍येरी ॱनाना खी़ खोराङला को़न्‍क्षोकगी से हीन ॱनालाक।”

जेपा 13:28

होदेक्‍याई येशुला सेये खुङ ॱमाङेबालाक हीना खुङक्‍याई येशुला से घोगीलाक ॱनेरी, पीलातुला श्‍योवा पुवालाक।

रोमापा 3:19

धा क्षो़ठीमगी घी सुङगीन घीरी, क्षो़ठीमगी वाङ होकला हो़गीनक्‍याला सुङालाक ॱनेरी, होरी स्‍येलालाक। दे नी, मी घीरीगी खा काक्‍ये धाङ जीक्‍तेनगी मी हो़ले, को़न्‍क्षोकगी ठीम्‍चो़ होकदु ठीक्‍ती हुङयेगी क्षीदु लाक।

१ तीमोथेउ 4:2

देरे ॱलापच्‍याक्‍या शोक स्‍येगीनक्‍याई ॱली़टेने हुङगीलाक। खुङक्‍याई स्‍येराप शाङपो, मेच्‍याकगी ॱराक्‍रा च्‍योक्‍रे हुङालाक।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ पेटो 1:19

हीना क्‍यो़न धाङ ढीमा मेगीन लुक्‍टु च्‍योक्‍रे, हीन्‍गीन मास्‍यीकागी कुठाक रीन्‍छेनगी ॱली़वालाक ॱनेरी, खेक्‍याई स्‍येलालाक।

१ योहान्‍ना 3:12

धी़कगी हीन्‍गीन धेनी राङगी नोला सेगीन, कायीन च्‍योक्‍रे माझ्‍युङ। खी़ घीझ्‍येरी राङगी नोला सेपाले? घीझ्‍येरी ॱनाना खी़ लेगाक्‍या ङेन्‍पा धाङ खी़ नोगी लेगाक्‍या ढाङपो हो़तालाक।

ॱङो़न्‍पा 11:10

साश्‍यीदु हो़गीन मीक्‍या, खुङक्‍या ढोङगीनगोला ङ्यामो घागीलाक धेनी घाटो झ्‍यीगीलाक धेनी ॱहाला-छुला ॱङेन्‍बा तेरकीलाक। घीझ्‍येरी ॱनाना होदे ॱङो़नस्‍येखेन ॱङीउगी साश्‍यीरु धेगीनक्‍याला, दुक्‍पु तावालाक।