मेथा 27:2 - ॱलोवा

² धेनी खुङक्‍याई येशुला कीक्‍ती ठीक्‍ती सोरी, रोमापा चीख्‍याप पीलातुला ची ग्‍याप्‍पालाक।

मेथा 27:2 Iomraidhean Croise

मेथा 20:19

धेनी खोला याहुदापा मेन्‍गीन मीरीकक्‍याई लागला क्षाले ग्‍याप्‍ये धाङ ताजाक श्‍युरये धाङ ग्‍याङस्‍यीङला क्‍याङयेगी क्षीला, ची ग्‍याप्‍कीलाक। हीना ङीमा सुम्‍बागोला खो सो़न्‍पो श्‍याङगीलाक।”

मेथा 28:14

धेनी दे लाब दे चीख्‍यापगी आमच्‍योकरु घोरना, हेक्‍याई लाब ढीक्‍ती खेक्‍याला ॱङ्योक्‍टा देने तो़न्‍दु।”

लुका 13:1

धा होदुरु हो़गीन मी रीङगागी येशुला, पीलातुगी गालीलपाक्‍याई ठाकगो ॱमारछो़गी ठाकमुला ॱरेगीनगी कोरला स्‍येपालाक।

लुका 20:20

धेनी खुङक्‍याई घुकाप चारी ढाङपो हीन दोक-दोक झ्‍यीगीन सोवाक्‍याला, खोङबागी सुङगीन छीकक्‍या शीम्‍दी, खोङबाला चीख्‍यापगी ठीम धाङ वाङला ची ग्‍याप्‍येला झावालाक।

लुका 23:1

होदे स्‍याम्‍ने छोक्‍मी घीरी लारी, येशुला पीलातुगी दोङदु ठीक्‍पालाक।

लुका 23:12

होदे ङीमागोराङ पीलातु धाङ हेरोदे रोवा झ्‍युवालाक घीझ्‍येरी ॱनाना होदे एन्‍ला खोङ ङीउ ॱमेछामालाक।

लुका 3:1

रोमापा ग्‍यावु केसार तीबेरीयुसगी, राङगी ग्‍याखाप घीरीला वाङ झ्‍यीगीन लो च्‍येङागी धी़ घाङला, पोन्‍तीहु पीलातु युदेया युगी पो़न्‍पो धाङ हेरोदे नी, गालील युगी पो़न्‍पो लाक। धेनी होदे घाङला, खी़ नो फीलीपगो ईतोरीया धाङ टाकोनीतीगी पो़न्‍पो धाङ लुसानीयागो आबीलेने युगी पो़न्‍पोक्‍या लाक।

योहान्‍ना 18:12

होदे स्‍याम्‍ने ॱमाक्‍पुङ धाङ खुङक्‍याई ॱमाक्‍पो़न धाङ याहुदापा ॱरुङमाकक्‍याई, येशुला शीम्‍दी दाम्‍बालाक।

योहान्‍ना 18:24

धा हान्‍नासगी खोङबाला होरे धाम्‍दालाराङ, चो क्षो़पो़न कायाफाचारु झावालाक।

योहान्‍ना 18:28

ॱङारोक ॱङात्‍ती खुङक्‍याई येशुला कायाफागी नाङने, चीख्‍यापगी फोडाङदु ठीक्‍पालाक। राङला ॱमेचाङा मेसोवा, पेसाकगी धी़छेन शायेगी क्षीला खुङक्‍या चीख्‍यापगी फोडाङ नाङदु माजुवालाक।

जेपा 12:6

हेरोदेगी पेटोला मीमाङक्‍याई दोङला ठीक्‍ती हुङये ॱनागीन छेन एम्‍मागोला, पेटो च्‍याक्‍ता ॱङीगी दाम्‍दी, ॱमाक्‍मी ॱङीगी घुङदु ङ्यारी धे हो़तालाक। श्‍येम्‍मा ॱमाक्‍मी ॱङीउ चो़न्‍खाङगी घो ॱरुरी धे हो़तालाक।

जेपा 21:33

धेनी होदे ॱमाक्‍पो़नगी पाउलुला शीम्‍दी च्‍याक्‍थाक ॱङीगी खोला दोम ॱनेरी, का तेरती मीक्‍याला ढीवालाक, “मी दे सुले धेनी खी़ घी झ्‍येजो?”

जेपा 22:25

ॱमाक्‍मीक्‍याई खोला श्‍युरयेला धाम्‍ये झ्‍यीदी घाङला, पाउलुगी खोरी बोलोक्‍तु हो़गीन ग्‍यापो़नला ॱनेवालाक, “रोमापा ठीमला रोमापा च्‍यीकगी नोन्‍डु झ्‍ये-माझ्‍ये ॱहामाघोराः, खोला ताजाक श्‍युर छोक्‍वाले?”

जेपा 22:29

देरे घोरलुङ मेताला खोला ढीवा झ्‍यीयेला हुङगीन घीरी उक्‍कुरा ग्‍याप लोक्‍पालाक। धेनी पाउलु रोमापा झ्‍येरीया, होदेरे झ्‍येरी च्‍याक्‍थाकगी धाम्‍दु च्‍युक्‍ती, ॱमाक्‍पो़नगोवा जीक्‍पालाक।

जेपा 24:27

लो ङी छासारती फेलीकगी छापला पोरकीहु फेस्‍तु होवालाक। धेनी फेलीकगी याहुदापाक्‍याला ङ्यामो घारु च्‍युक्‍येला, पाउलुला चो़न्‍खाङ नाङदुराङ श्‍याक्‍पालाक।

जेपा 28:20

होझ्‍येरी ङा खेराङक्‍याला थुक्‍ती लाब झ्‍यीयेला भो़वी। ईस्‍राएलगी रेवा झ्‍यीगीनगी क्षीला, ङा देरे झ्‍येरी च्‍याक्‍थाकला धाम्‍गो़ थुक्‍सुङ।”

जेपा 3:13

देरे मालाक होरी धाङबी मेमे आब्‍राहाम धाङ ईसाक धाङ याकोबगी को़न्‍क्षोकगीराङ, राङगी श्‍याप्‍ची येशुला तो़टा जेसुङ। खेराङक्‍याई येशुला सेक घोगीलाक ॱनेरी, ची ग्‍याप्‍पालाक। धेनी पीलातुगी खोङबाला घीन्‍दा मीझ्‍यीदा भोरये झ्‍यीदी घाङलाः, खेराङक्‍याई खेलेन माझ्‍येजुङ।

जेपा 4:27

“ॱङो़न दे ॱङोन्‍नेगी डुप्‍सुङ घीझ्‍येरी ॱनाना ग्‍यावु हेरोदे धाङ पोन्‍तीहु पीलातु धाङ याहुदापा मेन्‍गीन मीरीकक्‍या धाङ याहुदापा मीक्‍या घीरी, येरुसालेमदु खेराङगी दाम्‍दा धाम्‍पे श्‍याप्‍ची येशुला ङोग्‍येल झ्‍यीयेला जोम्‍जुङ।

१ तीमोथेउ 6:13

ॱङोपो घीरीला छे ॱनाङगीन, को़न्‍क्षोक धाङ पोन्‍तीहु पीलातुगी दोङदु पाङपो शाङपो जेजा मास्‍यीका येशुगी डुङदु,

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

ईब्‍रीपा 13:3

चो़न्‍खाङ नाङदु हो़गीनक्‍याला, खेक्‍याः खुङक्‍यामुला चो़न्‍खाङदु हो़गीन च्‍योक्‍रे झ्‍येरी ढेन्‍सो़ झ्‍यी। धेनी राङगी दुक्‍ङेल ङ्याङगीन च्‍योक्‍रे, दुक्‍पु ङ्याङगीनक्‍याला ढेन्‍सो झ्‍यी।