मेथा 26:53 - ॱलोवा

⁵³ ख्‍यी़ साम्‍बाला ङा ङी यापला श्‍यी़ ॱमीथुक्‍वालाक सामी? धेनी ङी श्‍यी़ना खोङगी ङाला नाम्‍खे भाङछेनगी ॱमाक्‍पुङ च्‍युङङीने, ल्‍हाक ताङ ॱमीथुक्‍कीले?

मेथा 26:53 Iomraidhean Croise

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

मेथा 4:11

धेनी धी़कगो खोङबागी डुङने सोवालाक धेनी चोवोगी भाङछेनक्‍या फेप्‍ती, खोङबागी श्‍याप्‍ची श्‍यी़वालाक।

मारकु 5:15

धा खुङक्‍या येशुचारु होरे एन्‍ला, डेगी ॱमाक्‍छोक जुजा मीगो धा घायेरा झ्‍युरी घोलाक घो़न्‍दी, होदुरु धेगीनगो थोवालाक धेनी खुङक्‍या जीक्‍पालाक।

मारकु 5:9

धेनी येशुगी खोला ढीवा लेन जेपालाक, “ख्‍यी़ मीङ घी ले?” खी़ लेन ग्‍याप्‍पालाक, “ङी मीङ ॱमाक्‍छोक लाक घीझ्‍येरी ॱनाना हे ॱमीच्‍यीकी माङा हो़क।”

लुका 8:30

येशुगी होदेला ढीवा जेपालाक, “ख्‍यी़ मीङ घी ले?” धेनी होदेगी ॱनेवालाक, “ॱमाक्‍पुङ।” घीझ्‍येरी ॱनाना ॱमीच्‍यीकी माङा डेक्‍या खी़ नाङदु जु हो़तालाक।

योहान्‍ना 10:18

सी़या ङी ॱरोक ङाने लेन ॱमीथुक्‍कीलाक। ङाराङगी राङवाङ थोक्‍ने, दी ॱलो़ ताङाहीन। ङाला राङसोक ॱलो़ ताङयेगी वाङ हो़तालाक। धेनी ॱरोक ॱलाङयेगी वाङ हो़तालाक। ङाला का दे, ङी यापने थोप्‍पालाक।”

योहान्‍ना 18:36

येशुगी लेन जेपालाक, “ङी ग्‍यासी दे जीक्‍तेनगी मेन। ङी ग्‍यासी जीक्‍तेनगी हीन्‍ना, ङा याहुदापाक्‍याई लाकदु ॱमीछी़येला, ङी ॱयोक्‍पोक्‍याई टाप्‍यी हो़टु। हीना ङी ग्‍यासी दे जीक्‍तेनगी मालाक।”

२ थेसालोनीकेपा 1:7

धेनी खे दुक्‍पु ङ्याङगीनक्‍याला हीकीमुला, खोङबागी ङासु ॱनाङगीलाक। चोवो येशु राङगी तोप स्‍युक्‍चेनगी भाङछेनक्‍यामुला नाम्‍खे श्‍यीङखामने, मेचे भारकीन नाङने ज्‍याली घाङला दे झ्‍युङगीलाक।

युदा 1:14

आदामने मीराप धी़न्‍बागी ॱङो़नस्‍येखेन, हेनोकगीयाः दे मीक्‍याई कोरला देरे ॱङो़नस्‍ये तो़न हो़तालाक, “तो़दाङ, चोवो राङगी धाम्‍पे भाङछेन तोङडाक माङामुला फेप्‍कीलाक