मेथा 26:34 - ॱलोवा

³⁴ येशुगी खोला सुवालाक, “ङा ख्‍यो़ला धेन्‍पाराङ ॱनाहीन, धीरीङ छेमुराङ, झ्‍याफो केक ग्‍याप्‍ये एन्‍ला, ख्‍यी़ ङाला थेङमा सुम थुक्‍पे ङो ॱमेस्‍येहो़क ॱनेरी ॱनागीलाक।”

मेथा 26:34 Iomraidhean Croise

मेथा 26:33

पेटोगी श्‍यी़वालाक, “घीरीगी खेराङला ग्‍याप ॱलोक्‍नाः, ङा नामा खेराङला ग्‍याप लोक्‍ती मेडो।”

मेथा 26:75

धेनी पेटोगी येशुगी देरे सुङगीनगो ढेन सो़वालाक, “झ्‍याफोगी केक ग्‍याप्‍कीन एन्‍लाराङ, ख्‍यी़ ङाला थेङमा सुम खेलेन्‍गीमालाक।” धेनी खो फीला सोरी ॱमीच्‍यीकी ङी़वालाक।

मारकु 14:72

धेनी लाम्‍साङ झ्‍याफो केक थेङमा ॱङीवा ग्‍याप्‍ती, पेटोगी येशुगी खोराङला, “झ्‍याफोगी थेङमा ॱङीवा केक ग्‍याप्‍कीन एन्‍ला, ख्‍यी़ ङाला थेङमा सुम थुक्‍पे ङोलोक झ्‍यीगीलाक।” ॱनेरी सुङगीनगो ढेन्‍बालाक। धेनी खो ॱमीच्‍यीकी सेम दुक्‍ती ङी़वालाक।

लुका 22:34

येशुगी सुवालाक, “पेटो, ङा ख्‍यो़ला ॱनाहीन, ॱङेटो ॱङारोक झ्‍याफो केक माग्‍याप्‍कीन एन्‍ला, ख्‍यी़ ङाला लेमु सुम खे मेलेन्‍गीलाक।”

लुका 22:61

धेनी चोवोगी श्‍याल ग्‍युरती पेटोला शीक्‍पालाक। “धीरीङ झ्‍याके ग्‍याप्‍ये एन्‍ला, ख्‍यी़ ङाला लेमु सुम खे मेलेन्‍गीलाक” ॱनेरी चोवोगी सुङगीनगो खी़ ढेन्‍बालाक।

योहान्‍ना 13:38

येशुगी कालेन ॱनावालाक, “ख्‍यो़ ख्‍यो़री ॱरोक ङी क्षीला ॱलो़ ताङये हीने? ङा ख्‍यो़ला धेन्‍पा धेनक्‍याङ ॱनाहीन, झ्‍याफो केक माग्‍याप्‍कीन एन्‍ला ख्‍यी़ ङाला ङो ॱमेस्‍येहो़क ॱनेरी, थेङमा सुम ॱनागीलाक।”