मेथा 26:18 - ॱलोवा

¹⁸ खोङबागी सुवालाक, “ग्‍याजा नाङदु मी च्‍यीक चारु सोरी, खोला देरे ॱनो़, ‘ॱलोपो़नलागी देरे सुङी, ङी धी़चो़ ङ्ये ॱलेप्‍सादुक। खेराङगी नाङदु, ङा ङी ङेनेक्‍यामुला पेसाकगी धी़छेन ताङयेहीन।’”

मेथा 26:18 Iomraidhean Croise

मेथा 21:3

धेनी मी रेगी खेक्‍याला च्‍यीक रे ॱनाना, खे ॱङीउ देरे ॱनो़, ‘चोवोला देक्‍या घो़ली।’ धेनी होदेगी खेक्‍याला लाम्‍साङ ठीक्‍तु च्‍युक्‍कीलाक।”

मेथा 23:10

धेनी खेक्‍याला सी़या ‘ॱलोपो़न’ ॱनेरी माभो़वास्‍योक घीझ्‍येरी ॱनाना खेक्‍याला ॱलोपो़नगो मास्‍यीका च्‍यीगा लाक।

मेथा 23:8

“हीना खे घीरी पी़न्‍दा च्‍यीक लाक धेनी खेक्‍याला ॱलोपो़न च्‍यीकराङ झ्‍येरी, खेक्‍याला सी़या ‘राब्‍बी’ ॱमानास्‍योक।

मेथा 26:19

धेनी ङेनेक्‍याई येशुगी खुङक्‍याला सुङगीन च्‍योक्‍रे झ्‍येवालाक धेनी पेसाकगी धी़छेनगी श्‍येलाक स्‍याम्‍बालाक।

मेथा 26:2

“ङीमा ॱङी स्‍याम्‍ने पेसाकगी धी़छेनगो हुङगीलाक ॱनेरी, खेक्‍याला स्‍येये हो़तालाक धेनी मी-भु नी ग्‍याङस्‍यीङला क्‍याङयेगी क्षीला, डागी लाकला ची ग्‍याप्‍कीलाक।”

मेथा 26:49

धेनी खो लाम्‍साङ येशु दोङदु च्‍यारती, खोङला “राब्‍बी” ॱनेरी ओ झ्‍येरी, छाम्‍डी श्‍यी़वालाक।

मारकु 5:35

खोङबा सुङला सुङी घाङला, पो़न्‍पो याईरोसगी़ नाङने मी रीङगा होदुरु होरी ॱनेवालाक, “खेराङगी भोमो स्‍यीजुङ। धा ॱलोपो़नलाला घीझ्‍येरी धोराङा होपक्‍या ताङये?”

लुका 22:53

ङा ङीमा तेनग्‍याङ क्षो़खाङदु खेक्‍यामुला हो़ती घाङला, खेक्‍याई ङाला माशीम्‍बालाक। हीना धान्‍दा खेक्‍याई धी़चो़ लाक धेनी मी़नाकगी वाङ लाक।”

योहान्‍ना 11:28

मी़ दे श्‍यी़सारती मोरी नुमो मीरीयामचारु सोरी मोला शुरला भो़री ॱनेवालाक, “ॱलोपो़न ला दुरु फेप्‍दुक। धेनी खोङबागी ख्‍यो़ला भो़ली।”

योहान्‍ना 12:23

येशुगी खुङ ॱङीउला लेन ॱनावालाक, “मी-भु शीजेला ॱङो़न्‍येगी धी़चो़ रीन्‍सोङ।

योहान्‍ना 13:1

पेसाकगी धी़छेन एन्‍ला, येशु जीक्‍तेन दीने यापगी डुङदु फेप घोये धी़ भाप्‍कीनगो खोङबागी खेन्‍बालाक। धेनी जीक्‍तेनदु हो़गीन राङगी स्‍याम्‍ला डागीनक्‍याला, खोङबागी झाम्‍पा जेदी थामे धी़ थुक्‍पे, खोङगी झाम्‍पा जेपालाक।

योहान्‍ना 17:1

धेनी येशुगी दे काक्‍या सुङसारती, नाम्‍खाला चेन शीक्‍ती सुवालाक, “के याप, धा धी़ भाप्‍ती, सेगी खेराङगी शीजे ॱङो़न्‍येगी क्षीला, खेराङगी सेगी शीजे ॱङो़न्‍दु जे।

योहान्‍ना 20:16

येशुगी मोला सुवालाक, “मीरीयाम!” मो खोङबा स्‍योकला खा ॱलोक्‍ती, “राब्‍बोनी” ॱनेरी श्‍यी़वालाक। ईब्‍रीपा केकला “ॱलोपो़न ला” ॱनालाक।

योहान्‍ना 7:30

धेनी खुङक्‍याई खोङबाला शीम्‍येला थापस्‍यी चावालाक हीना खोङबागी धी़ मारीन्‍बा, सी़या खोङबाला लाक्‍पा ॱमाक्‍यावालाक।

योहान्‍ना 7:6

येशुगी खुङक्‍याला सुङा जेपालाक, “खेक्‍याला नाम हीना घोकाप हो़तालाक हीना ङी धी़चो़गो भाप मारीङ दुक।

योहान्‍ना 7:8

खेराङक्‍या धी़छेनला सोङ हीना ङी धी़ धोराङा मारीन्‍बा, ङा दे धी़छेनला मेडो।”