मेथा 26:13 - ॱलोवा

¹³ ङा खेक्‍याला धेन्‍पाराङ ॱनाहीन, जीक्‍तेन नाङदु घारु दे ताम्‍शाङ दे स्‍येदीक, होदुरु दे भोमो दी झ्‍यीगीन तामगोवा मी़ ढेन्‍सो़गी क्षीला स्‍येगीलाक।”

मेथा 26:13 Iomraidhean Croise

मेथा 24:14

धेनी ग्‍यासीगी ताम्‍शाङ दे जीक्‍तेन क्‍युनदु मीरीक घीरीगी क्षीला, पाङपो झ्‍येरी ख्‍याप्‍कीलाक धेनी थागो हुङगीलाक।

मेथा 28:19

होझ्‍येरी सोङ धेनी मीरीक घीरीला ङेने शो़, धेनी याप धाङ से धाङ धाम्‍पे थुक्‍ङीगी छेनने खुङक्‍याला ठी़सो़ तेर।

मारकु 13:10

धेनी थागी धी़चो़ हुङये एन्‍ला, ताम्‍शाङ दे मीरीक घीरीला स्‍येघो़गीलाक।

मारकु 14:9

ङा ॱङोन्‍ने खेक्‍याला ॱनाहीन, जाम्‍बुलीङ नाङ घारु-घारु ताम्‍शाङ स्‍येली, होदुरु मोला ढेन्‍सो़ झ्‍यीयेला मी़ झ्‍येजा लेगा देयाः स्‍येगीलाक।”

मारकु 16:15

धेनी येशुगी खुङक्‍याला सुवालाक, “जाम्‍बुलीङ घीरीदु सोङ धेनी मी घीरीला ताम्‍शाङगो स्‍यो़क।

लुका 24:47

धेनी येरुसालेमने गो चुक्‍ती, मीरीक घीरीला खोङबागी छेनने धीक्‍पागी ग्‍यो़पा धाङ घोयाङगी कोरला क्षो़ स्‍येघो़गीलाक।

जेपा 10:4

धेनी खो छु थोरती खोला तेरी ढीवालाक, “चोवो, घी सुङवा हीनो?” धेनी भाङछेनगी खोला सुवालाक, “ख्‍यी़ ॱमो़लाम धाङ ज्‍यीम्‍बा ताताक्‍या को़न्‍क्षोकगी डुङला ॱलेप्‍दुक।

रोमापा 10:18

हीना ङा ढीलाहीन, खुङक्‍याई माघोरपालाक से? ॱङोन्‍नेराङ घोर हो़तालाक। घीझ्‍येरी ॱनाना “खुङक्‍याई केक साश्‍यी हो़लेरु ख्‍याप्‍दुक, धेनी खुङक्‍याई का जाम्‍लीङगी था थुक्‍पे ख्‍याप्‍दुक।”

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

कोलोसेपा 1:23

होझ्‍येरी खेक्‍याई घोरकीन ताम्‍शाङने थोप्‍था रेवागो ॱमेपाङा, मी़थुने धेपाला तेन्‍पो ॱनेघो़। ताम्‍शाङ दे नाम्‍खे श्‍यीङखामगी होकदु जीक्‍तेनदु हो़गीन, घीरीला स्‍ये हो़तालाक धेनी ङा पाउलु दी श्‍याप्‍तोक्‍पा च्‍यीक हीन।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

१ तीमोथेउ 2:6

मी घीरीगी ली़रीनगी क्षीला राङला ॱलो़ ताङगीनगो लाक। दे नी, धी़ ताक-ताकला को़न्‍क्षोकगी ॱनाङगीन पाङपोगो लाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

ॱङो़न्‍पा 14:6

धेनी नाम्‍खे भाङछेन श्‍येम्‍मा च्‍यीक ॱनामगी बारनाङला फुरती धेगीनगो, ङी थोजुङ। धेनी साश्‍यीदु हो़गीन, मीरीक धाङ ग्‍युपा धाङ केरीक धाङ मी घीरीला सेटाक झ्‍यीये हीन्‍गीन, थामेगीन ताम्‍शाङगो खोङबाला हो़तालाक।