मेथा 23:3 - ॱलोवा

³ होझ्‍येरी खुङक्‍याई ॱलाप्‍ला घीरी झ्‍यी धेनी ॱरुङ, हीना खुङक्‍याई झ्‍यीगीन च्‍योक्‍रे माझ्‍यी घीझ्‍येरी ॱनाना खुङक्‍याई ॱलाप्‍कीनगो च्‍योक्‍रे, खुङक्‍या मीझ्‍यीदालाक।

मेथा 23:3 Iomraidhean Croise

मेथा 21:30

धेनी आकीगी़ भीजा च्‍युङाचारु सोरी होदेरेराङ ॱनेवालाक। धेनी खी़ ॱनेवालाक, ‘ङी डोउ।’ हीना खो ॱमासोवालाक।

मेथा 23:2

“क्षो़ठीमगी ॱलोपो़नक्‍या धाङ फारुसीपाक्‍याला, ॱङो़नस्‍येखेन मोशेगी काठीम ॱलाप्‍येला आङजा हो़तालाक।

मेथा 23:4

देक्‍याई खु खुर ॱमीथुप्‍कीन धाम्‍दी, मीक्‍याई ग्‍यापला कालालाक हीना खोराङक्‍या राङगी जु च्‍यीकगीया, होदेला जी़ङी मेदो़दालाक।

जेपा 5:29

धेनी पेटो धाङ कुछापक्‍याई ॱनेवालाक, “हेक्‍या मीक्‍याई मालाक हीना को़न्‍क्षोकगी का चीलालाक।

रोमापा 13:1

मी हो़ले श्‍युङगी पो़न्‍पोक्‍याई वाङ होकदु धेघो़। घीझ्‍येरी ॱनाना, को़न्‍क्षोकने को़का माना श्‍येम्‍मा वाङ च्‍यीया मेतालाक। धेनी पो़न्‍पो हो़गीनक्‍या को़न्‍क्षोकने को़का लाक।

२ तीमोथेउ 3:5

धेनी क्षो़सेम झ्‍यी दोक-दोक झ्‍यीगीन हीना होदेगी वाङला खेमेलेन्‍गीन हुङगीलाक। देरे मीक्‍याने जेम।

तीतोस 1:16

मी होदेरेक्‍या को़न्‍क्षोकला ङो स्‍येयेहो़क ॱनालाक हीना खुङक्‍याई लेगाक्‍याई, को़न्‍क्षोकला खे लेन्‍गीनगो ॱमेतो़न्‍दालाक। खुङक्‍या ॱमीच्‍यीकी आम्‍लोवा धाङ खाला मेङेन्‍गीन धाङ लेगा शाङपो घीरीला, फेन ॱमेथोक्‍कीन हुङालाक।