मेथा 22:3 - ॱलोवा

³ धेनी क्षाङसाला भो़पा मीक्‍याला भो़रु, खी़ खोरी ॱयोक्‍पोक्‍याला झावालाक हीना खुङक्‍या हुङङी मादो़पालाक।

मेथा 22:3 Iomraidhean Croise

मेथा 21:34

धेनी ढेबु धुगीन धी़चो़ हुङाराङ, खी़ खोरी कादा लेन्‍दु ॱयोक्‍पोक्‍याला होदे बोक्‍माला लेन्‍गीनक्‍याचारु तावालाक।

मेथा 23:37

“के येरुसालेम, येरुसालेम, ख्‍यो़ ॱङो़नस्‍येखेनक्‍याला सेगीन, धाङ ख्‍यी़चारु ताङगीनक्‍याला धोगोङ श्‍युरकीन ख्‍यो़। झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङा ख्‍यी़ टुवाक्‍याला दुयेगी दो़पा झ्‍येवी हीना ख्‍यी़ झ्‍यीदु च्‍युक्‍की मीदुक।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मेथा 9:15

धेनी येशुगी सुवालाक, “माक्‍पा धाङ माक्‍पे रोवाक्‍यामुला हो़ती घाङला, खुङक्‍या दुक ॱरुङाले? हीना माक्‍पा खुङक्‍याने ठीक्‍ती डुगीन ङीमागो ॱलेप्‍कीलाक, धेनी होदे घाङला खुङक्‍या ॱङ्युङने ॱरुङगीलाक।

लुका 13:34

“येरुसालेम, येरुसालेम, ॱङो़नस्‍येखेनक्‍या सेगीन धाङ ख्‍यी़चारु झाजाक्‍याला धोगोङ श्‍युरकीन ख्‍यो़! झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङपो ख्‍यी़ टुवाक्‍याला दुयेगी दो़पा झ्‍येवी, हीना ख्‍यी़ दो़पा झ्‍यीगी मीदुक।

लुका 15:28

धेनी भीजा क्षेगो छीक्‍पा शेरी खाङबा नाङदु ॱमासोवालाक। होझ्‍येरी खी़ आकी फीला होरी, खोला श्‍योवा ग्‍याप्‍पालाक।

लुका 19:27

हीना ङा ग्‍यावु झ्‍युङगीनगो ॱमेथेगीन ङी डाक्‍याला दुरु ठीक्‍ती स्‍योक धेनी खुङक्‍याला ङी दोङदुराङ सो़क।’”

योहान्‍ना 5:40

हीना खेक्‍या थामेपे छेसोक थोप्‍येला ङीचारु हुङङी मेदो़दालाक।

जेपा 13:45

याहुदापाक्‍याई मीगी छाङगा देरे माङा थोरी, पाउलु धाङ बारनाबाखाला ठादोक झ्‍येवालाक। होदेक्‍याई पाउलुगी सुङगीनला क्षाले झ्‍येरी ॱमेटा पाप्‍पालाक।

रोमापा 10:21

हीना ईस्‍राएलगी कोरला खोङगी देरे सुङालाक, “काला मेङेन्‍गीन धाङ ङोलोक झ्‍यीगीन मीक्‍याई क्षीदु, ङी ङाराङगी लाक्‍पा ङीन्‍घाङ क्‍याङवी।”

ईब्‍रीपा 12:25

खोङबा का सुङगीनगोला खेक्‍या खेलेन झ्‍यी, खेक्‍या शाप-शाप झ्‍यी। घीझ्‍येरी ॱनाना जीक्‍तेनदु ङेन्‍ता ताङगीनगोला, ईस्‍राएल्‍पाक्‍याई खेलेन माझ्‍येवा ॱमाथार हो़ना, होराङला नाम्‍खे श्‍यीङखामने ङेन्‍ता जेगीनगोला, होरी खेलेन मीझ्‍यीना होराङ घाङगी झ्‍येरी थारये?

ईब्‍रीपा 9:15

को़न्‍क्षोकगी खुङक्‍याला उ ॱना श्‍येस्‍या थामेपे ग्‍युज्‍यीनगो, भो़पा घीरीला थोप्‍येगी क्षीदु, खोङबा नी को़न्‍क्षोक धाङ मीगी घुङदु धाम्‍चा साबागी भारमी जेगीनगो लाक। होदे धाम्‍चा धाङपोगी धी़ला मीक्‍याई झ्‍येजा धीक्‍पाक्‍याई छेपाने, खुङक्‍याला थारपा ॱनाङयेला मास्‍यीका ढोङवा जेपालाक।

ॱङो़न्‍पा 22:17

धाम्‍पे थुक्‍ङी धाङ भाक्‍मागी सुङालाक, “फेप स्‍योक।” धेनी घोरकीनक्‍याई देरे ॱनाघो़, “फेप स्‍योक।” कोम्‍गीनगो हुङास्‍योक धेनी दो़पा झ्‍यीगीनक्‍याई छेसोकगी क्षु स्‍यी़दी़ला थुङास्‍योक।