मेथा 20:8 - ॱलोवा

⁸ “धा घोमो झ्‍युङी घाङला, घुन्‍डुमगी दुम्‍रागी दाक्‍पोगी़ खोरी ॱङेरपाला भो़री ॱनेवालाक, ‘मीलाकक्‍याला भो़री, खुङक्‍याला स्‍याम्‍योकने गो चुक्‍ती, धाङपो थुक्‍पे ॱलाज्‍या तेर।’

मेथा 20:8 Iomraidhean Croise

मेथा 20:7

खुङक्‍याई ॱनेवालाक, ‘मी सी़या हेक्‍याला ॱलाला लेगा कुगी मीदुक।’ खी़ खुङक्‍याला ॱनेवालाक, ‘खेक्‍याः घुन्‍डुमगी दुम्‍रादु लेगा झ्‍यीरु सोङ।’

मेथा 20:9

धेनी छुची ॱङावाला होवा मीलाकक्‍या होरी खुङक्‍याला ङीन्‍घाङगी ॱलाज्‍या जोरपालाक।

मेथा 25:19

“धा युन रीङबो स्‍याम्‍ला, होदे ॱयोक्‍पोक्‍याई दाक्‍पोगो लोक्‍ती होरी, खुङक्‍यामुला ची लेन्‍बालाक।

मेथा 25:31

“मी-भु राङगी भाङछेनक्‍यामुला राङगी शीजेला फेई घाङला, राङगी शीजे धेन्‍पे श्‍युक्‍ठीला श्‍युक्‍कीलाक।

लुका 10:7

धेनी होदे नाङदुराङ घी तेरकीनगो, शा-थुङ झ्‍येरी धो़क। घीझ्‍येरी ॱनाना लेगा झ्‍यीगीनला खोरी ॱलाज्‍या थोप घोगीलाक। धेनी खाङबा च्‍यीकने श्‍येम्‍माला माडो।

लुका 12:42

चोवोगी सुवालाक, “धा दाक्‍पोगी राङगी नाङमीक्‍याला धी़चो़ ताक-ताकला राङ-राङगी कादागी शामा तेरयेला को़का, ॱङेरपा ॱलो काथुप्‍कीन धाङ स्‍येरापचेनगो सुले?

लुका 8:3

धेनी हेरोदेगी खीम्‍जाङगी ॱङेरपा कुजागी केमी योआन्‍ना धाङ सुसान्‍ना धाङ श्‍येम्‍मा भोमो माङा हो़तालाक। दे केमीक्‍याई राङगी ग्‍युनोरने, खोङबाक्‍याला रोवा झ्‍यीदालाक।

२ कोरीन्‍थुपा 5:10

घीझ्‍येरी ॱनाना होराङ घीरी मास्‍यीकागी ठीम्‍चो़गी, श्‍युक्‍ठी दोङदु लाङ घोगुलाक। देरे झ्‍येरी ली़ दे नाङ हो़ताराङ, शाङा याङना ङेन्‍पा घी झ्‍यीगीनगोला तेन्‍ती, होदेगी ढेबुगो होराङ रे-रेला थोप्‍कीलाक।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

ईब्‍रीपा 9:28

मास्‍यीका मी माङागी धीक्‍पा खुरयेला, थेङ च्‍यीक्‍लाराङ ॱमारछो़ झ्‍युवालाक। धेनी धीक्‍पा खुरयेगी क्षीदु मेन्‍दा, हीना खोङबाला घुक्‍ती धेताक्‍याला क्‍योप्‍येगी क्षीदु, खोङबा याङ थेङ ॱङीवा ॱङो़न जेगीलाक।

१ पेटो 4:10

खेक्‍या नाङने मी रे-रेला को़न्‍क्षोकने ॱनाङज्‍यीन थोप्‍था झ्‍येरी, को़न्‍क्षोकगी थुक्‍जेगी ॱनाङज्‍यीन ॱनाछोक थोप्‍था ॱङेरपाक्‍या च्‍योक्‍रे, राङला थोप्‍था ॱनाङज्‍यीनगो च्‍यीकगी च्‍यीकला श्‍याप्‍ची श्‍यी़येला भेचो़ झ्‍यी।