मेथा 20:1 - ॱलोवा

¹ “नाम्‍खे ग्‍यासी दे ॱङारोक ॱङात्‍ती सोरी, राङगी घुन्‍डुमगी दुम्‍रागी क्षीला मीलाक चारु डुगीन, खीमगी दाक्‍पो च्‍योक्‍रे लाक।

मेथा 20:1 Iomraidhean Croise

मेथा 13:24

खोङबागी याङ पे श्‍येम्‍मा च्‍यीक, खुङक्‍याई दोङदु श्‍याक्‍ती सुवालाक, “नाम्‍खे ग्‍यासी दे मी च्‍यीक सोरी, राङगी श्‍यीङला साङा शाङा ताप्‍कीन च्‍योक्‍रे लाक।

मेथा 13:31

खुङक्‍याई दोङदु पे श्‍येम्‍मा च्‍यीक श्‍या जेदी, येशुगी सुवालाक, “नाम्‍खे ग्‍यासी दे मी च्‍यीक छुकगी साङा खेरती, खोरी श्‍यीङला ताप्‍कीन च्‍योक्‍रे लाक।

मेथा 13:33

याङ खोङबागी पे श्‍येम्‍मा च्‍यीक सुवालाक, “नाम्‍खे ग्‍यासी दे केमी च्‍यीकगी क्‍युरची खेरती, पादी सुम चो़ बाक्‍पेमुला ॱरेरी बाक्‍पे घीरीला, क्‍युरची ॱमालाङगीन थुक्‍पे ॱङ्यारी श्‍यालाक।”

मेथा 13:47

“याङदा, नाम्‍खे ग्‍यासी दे छो नाङदु ॱयुक्‍ती, ङ्या ॱना घीरी रुक्‍कीन ङ्यारे च्‍योक्‍रे च्‍यीक लाक।

मेथा 20:2

श्‍याक्‍मो च्‍यीकगी ॱला तेरयेगोला खा क्षाम्‍दी, खी़ खुङक्‍याला खोरी घुन्‍डुमगी दुम्‍रादु झावालाक।

मेथा 21:28

येशुगी सुवालाक, “खेक्‍याई साम्‍लो देला घारे हेतो? धा मी च्‍यीकला भीजा ॱङी हो़तालाक। धेनी खो भीजा क्षेगो चारु सोरी ॱनेवालाक, ‘भीजो, सोरी धीरीङ घुन्‍डुमगी दुम्‍रादु लेगा झ्‍यीले।’

मेथा 22:2

“नाम्‍खागी ग्‍यासी दे, ग्‍यावु च्‍यीकगी राङगी सेगी क्षाङसाला श्‍युक्‍टा कागीन च्‍योक्‍रे लाक।

मेथा 23:37

“के येरुसालेम, येरुसालेम, ख्‍यो़ ॱङो़नस्‍येखेनक्‍याला सेगीन, धाङ ख्‍यी़चारु ताङगीनक्‍याला धोगोङ श्‍युरकीन ख्‍यो़। झ्‍यामोगी राङगी टुवाक्‍याला स्‍योक्‍पा होकदु धुगीन च्‍योक्‍रे, ङी थेङ माङा ख्‍यी़ टुवाक्‍याला दुयेगी दो़पा झ्‍येवी हीना ख्‍यी़ झ्‍यीदु च्‍युक्‍की मीदुक।

मेथा 25:1

येशुगी सुवालाक, “धेनी नाम्‍खे ग्‍यासी दे माक्‍पा थुक्‍तु डोयेला, क्‍युङ खेरती डुगीन भोमो नाच्‍युङमा च्‍यु च्‍योक्‍रे लाक।

मेथा 25:14

“नाम्‍खे ग्‍यासी नी ढु ग्‍याप्‍तु डुगीन मी च्‍यीक च्‍योक्‍रे लाक। खी़ खोरी ॱयोक्‍पोक्‍याला भो़री, खोरी ग्‍युनोरगो खुङक्‍याला ची ग्‍याप्‍पालाक।

मेथा 3:2

“धीक्‍पा पारी सेम ग्‍युरवा तोङ घीझ्‍येरी ॱनाना नाम्‍खे ग्‍यासी ङ्ये ॱलेप्‍सादुक।”

मारकु 13:34

दे नी मी च्‍यीक खोरी नाङ ॱयोक्‍पोक्‍याला ची ग्‍याप्‍ती, खोराङ ढु ग्‍याप्‍तु डुगीन च्‍योक्‍रे लाक। दाक्‍पोगी़ खोरी ॱयोक्‍पोक्‍याला मीरी-मीरी लेगा कुरी, धेनी घोरेगोला ॱङी मालोक्‍वा धो़क ॱनागीलाक।

योहान्‍ना 15:1

“ङा नी घुन्‍डुम स्‍यीङदोङ धेन्‍पागो हीन धेनी ङी याप नी घुन्‍डुम दुम्‍रा क्‍योङगीनगो हीन।

१ कोरीन्‍थुपा 15:58

होझ्‍येरी ङी चेवे पी़नक्‍याओ, खेक्‍या तेन्‍पो धाङ घु-घु मीझ्‍यीदा धो़क। धेनी चोवोगी नाङ खीकी काल्‍ले ग्‍याप्‍कीनगो दो़न मेगीन मेयोङालाक ॱनेरी, खेक्‍याई स्‍येगीन झ्‍येरी, खेक्‍या चोवोगी क्षाक्‍ले ॱमीच्‍यीकी हुरा झ्‍येरी झ्‍यीदी सोङ।

ईब्‍रीपा 13:21

राङगी थुकोङ डुप्‍येगी क्षीदु, खेक्‍याला दो़न शाङा घीरी ॱनाङास्‍योक। धेनी ग्‍युने ग्‍युन्‍दु शीजे हो़गीन येशु मास्‍यीकागी थोक्‍ने, खोङबा को़न्‍क्षोकला थुक्‍ङेउ हो़गीन लेगागो, खेक्‍या नाङ जेदास्‍योक। आमेन।