मेथा 2:2 - ॱलोवा

² ॱनेवालाक, “याहुदापाक्‍याई ग्‍यावु ठुङगीनगो घारु श्‍युक हो़ताले? घीझ्‍येरी ॱनाना हेक्‍याई खोङबागी कारमा स्‍यार स्‍योकला थोजुङ धेनी हेक्‍या खोङबाला क्षाक्‍छारु होवाहीन।”

मेथा 2:2 Iomraidhean Croise

मेथा 2:3

दे ॱहाघोरती ग्‍यावु हेरोदेगी सेम ठुक्‍पालाक धेनी खोङमुला येरुसालेमगी मी घीरीगीया सेम ठुक्‍पालाक।

मेथा 21:5

“सीयोनगी भोमोला ॱनो़, ‘तो़दाङ, ख्‍यी़ ग्‍यावुगो ॱङ्यामच्‍युङ झ्‍युरी, भुङगु खाला, भुङगी भुङटु च्‍यीक खाला, ख्‍यी़चारु फेई।’”

मेथा 27:11

धा येशु चीख्‍याप पीलातुगी डुङदु श्‍याङदु च्‍युक्‍ती, चीख्‍यापगी खोङला ढीवालाक, “ख्‍यो़ याहुदापाक्‍याई ग्‍यावु हीने?” येशुगी सुवालाक, “खेकीराङ सुजुङ।”

लुका 19:38

“चोवोगी छेनला फेप्‍गीन ग्‍यावुगो झ्‍यीलाप क्षे! नाम्‍खे श्‍यीङखामदु श्‍यीदे धाङ ॱलानामेपेला तो़टा!”

लुका 2:11

धीरीङ दावीद ग्‍यावुगी ग्‍याजाला, खेराङक्‍याई क्षीदु क्‍याम्गो़न च्‍यीक ठुङदुक। खोङबा नी चोवो मास्‍यीकागो लाक।

लुका 23:3

होझ्‍येरी पीलातुगी खोङबाला ढीवालाक, “ख्‍यो़ याहुदापाक्‍याई ग्‍यावुगो हीने?” धेनी येशुगी सुवालाक, “खेराङ राङगी देरे सुङालाक।”

लुका 23:38

धेनी खोङबागी उ खाला “दे याहुदापाक्‍याई ग्‍यावु लाक” ॱनेरी ढीक्‍ती ताक हो़तालाक।

योहान्‍ना 1:49

नाथानेलगी ॱनेवालाक, “राब्‍बी, खेराङ को़न्‍क्षोकगी सेगो लाक। खेराङ ईस्‍राएलगी ग्‍यावुगो लाक।”

योहान्‍ना 12:13

होझ्‍येरी खुङक्‍याई तालागी स्‍यीङदोङगी याक्‍काक्‍या खेरती, खोङबाला ज्‍यारु सोवालाक। धेनी केक तो़न्‍दी ॱनेवालाक, “होसान्‍ना, चोवोगी छेनने फेप्‍कीन ईस्‍राएलगी ग्‍यावुला टास्‍यी हुङास्‍योक।”

योहान्‍ना 18:37

पीलातुगी खोङबाला श्‍यी़वालाक, “धा हाना, ख्‍यो़ ग्‍यावु च्‍यीक ले?” येशुगी सुवालाक, “खेराङ राङगी ङा ग्‍यावु च्‍यीक लाक ॱनेरी सुजुङ। ङा धेन्‍पागी़ पाङपो झ्‍यीयेगी क्षीला केवालाक धेनी देगी क्षीलाराङ, ङा जीक्‍तेनदु होवाहीन। धेन्‍पागी हीन्‍गीनक्‍याई ङी काला ङेन्‍दालाक।”

योहान्‍ना 19:19

पीलातुगी “नाजारेपा येशु, याहुदापे ग्‍यावु” ॱनेरी, ङेक्‍यो़नगी यीक ढीक्‍ती ग्‍याङस्‍यीङगी गोला ताक्‍पालाक।

योहान्‍ना 20:28

थोमागी खोङबाला श्‍यी़वालाक, “ङी चोवो, ङी को़न्‍क्षोक।”

योहान्‍ना 9:38

खी़ ॱनेवालाक, “चोवो, ङा धेपा झ्‍यीदीहो़क।” धेनी खी़ खोङबाला क्षाक छावालाक।

ईब्‍रीपा 1:6

धेनी राङगी एम्‍मा क्‍येक्‍या भुगोला जीक्‍तेनदु ॱङाक जेदाराङ, खोङगी याङ सुङालाक, “को़न्‍क्षोकगी भाङछेन हो़लेगी खोङला क्षाक छाघो़।”

ॱङो़न्‍पा 22:16

“क्षो़छोकक्‍याला दे पाङपोक्‍या झ्‍यीयेला, ङा येशुगी राङगी भाङछेन ख्‍यो़चारु झाहो़क। ङा नी दावीदगी चावा धाङ ग्‍युपा हीन, धेनी थोराङगी कारछेनगो ङा हीन।”