मेथा 2:12 - ॱलोवा

¹² धा ॱमीक्‍लामला हेरोदेचारु मालोक ॱनेरी ङेन्‍ता झ्‍युरी, खुङक्‍या लाम श्‍येम्‍माने राङगी युला लोक्‍पालाक।

मेथा 2:12 Iomraidhean Croise

मेथा 1:20

हीना खो देरे साम्‍लो ताङी धेती घाङला, चोवो को़न्‍क्षोकगी भाङछेन च्‍यीक खी़ ॱमीक्‍लाम नाङला ज्‍यारी, देरे सुवालाक, “दावीद ग्‍युपागी योसेफ, मीरीयामला राङगी केमी शोयेला माजीक घीझ्‍येरी ॱनाना मी़ ली़ला ॱनेगीन दे, धाम्‍पे थुक्‍ङीगी थोक्‍ने लाक।

मेथा 2:13

कारचीपाक्‍या सोसारती, चोवो को़न्‍क्षोकगी भाङछेन च्‍यीक योसेफगी ॱमीक्‍लामला ॱङो़न्‍दी सुवालाक, “ग्‍यावु हेरोदेगी टु दे सेयेला चाये झ्‍यीदी, होझ्‍येरी लारी टु दे धाङ खोङबागी युमला ठीक्‍ती, एजेप युदु डो़ धेनी ङी ख्‍यो़ला ॱमेनागीन थुक्‍पे होदुरुराङ धो़क।”

मेथा 2:19

हेरोदे ढोरी, एजेप युदु योसेफगी ॱमीक्‍लामला चोवोगी भाङछेन च्‍यीक ॱङो़न्‍ते

मेथा 2:22

हीना ग्‍यावु हेरोदेगी छापला, खी़ भीजा आरकेलाउगी युदेयारु ग्‍यावु झ्‍यीदी ॱनेरी घोरती, योसेफ होदुरु डोयेला जीक्‍पालाक। धेनी ॱमीक्‍लामला मालोक सुङगीनगो छोरती, खो गालील स्‍योकला सोवालाक।

मेथा 27:19

पीलातु ठीम्‍चो़गी ठीला धेती घाङला, खी़ केमीगी खोला लो़न दे कुरपालाक, “होदे मीगी झ्‍येरी, धीरीङ ॱङी ॱमीक्‍लामला ॱमीच्‍यीकी दुक्‍पु क्षे ङ्यावी। होझ्‍येरी होदे क्‍यो़न मेगीन मीला घीया माझ्‍यी।”

लुका 2:26

“चोवोगी मास्‍यीकाला ॱमाज्‍यागीन थुक्‍पे, ख्‍यो़ स्‍यीगुमालाक।” ॱनेरी, धाम्‍पे थुक्‍ङीगी खोला एन्‍दुरु ॱङो़न जे हो़तालाक।

जेपा 10:22

खुङक्‍याई ॱनेवालाक, “ग्‍यापो़न कोरनेलीहुगी हेक्‍याला झाजुङ। खोङ को़न्‍क्षोकला चीगीन मी शाङा च्‍यीक लाक। खोङला याहुदापा मीक्‍याई, ॱमीच्‍यीकी घुस्‍याप झ्‍यीदालाक। धाम्‍पे भाङछेन च्‍यीकगी खेराङ घी सुङगीनगो ङेन्‍येला, खेराङला खोरी नाङदु फेप्‍सु श्‍यु ॱनेरी सुवालाक।”

जेपा 4:19

हीना पेटो धाङ योहान्‍नागी खुङक्‍याला लेन ॱलोक्‍पालाक, “हेक्‍या को़न्‍क्षोकगी खाला ङेन्‍ये याङना खेराङक्‍याई खाला ङेन्‍ये? को़न्‍क्षोकगी ॱमीक्‍वादु घारेगो ढाङा ले? खेराङक्‍याराङ थाक चेरो जे।

जेपा 5:29

धेनी पेटो धाङ कुछापक्‍याई ॱनेवालाक, “हेक्‍या मीक्‍याई मालाक हीना को़न्‍क्षोकगी का चीलालाक।

१ कोरीन्‍थुपा 3:19

घीझ्‍येरी ॱनाना दे जीक्‍तेनगी स्‍येराप नी, को़न्‍क्षोकगी ॱमीक्‍वादु ॱलेन्‍दा लाक। सुङरापला देरे ढीक हो़तालाक, “मी खेवाक्‍याला खोरी चाङग्‍यु नाङलाराङ, खोङबागी शीम्‍गीलाक।”

ईब्‍रीपा 11:7

धेपागी गोने नोआगी होदे घाङला ॱमाथोथा ॱनेछुगी कोरला, को़न्‍क्षोकने ङेन्‍ता झ्‍युरी, राङगी नाङमीला क्‍योप्‍येला, खी़ ॱङीङकुर झ्‍येरी, डुश्‍यीङ च्‍यीक शो़वालाक। दी गोने, खी़ जीक्‍तेनगी क्‍यो़न तो़न्‍बालाक धेनी धेपाने झ्‍युङगीन ढाङतेनगी ग्‍युज्‍यीनगो, खोला थोप्‍पालाक।

ईब्‍रीपा 8:5

होदे क्षो़पो़नक्‍या नाम्‍खे श्‍यीङखामगी ॱनेसागी पे धाङ ढीम्‍जाक हीन्‍गीन, धाम्‍पे धाम्‍पा ॱनेसारु श्‍याप्‍ची श्‍युवालाक घीझ्‍येरी ॱनाना मोशेगी धाम्‍पे घुरखाङगो शोये झ्‍यीदाराङ, को़न्‍क्षोकगी देरे का जेपालाक, “रीरु ख्‍यो़ला तो़न्‍गीन पेला तेन्‍दी, ख्‍यी़ दे घीरी शो़।”