मेथा 18:7 - ॱलोवा

⁷ धीक्‍पा झ्‍यीदु च्‍युक्‍कीन भारचेक्‍याई क्षीला, दे जीक्‍तेन दे दुक्‍वाली! घीझ्‍येरी ॱनाना भारचे हुङ घोगुलाक हीना सी़ थोक्‍ने भारचे हुङी, होदेगो दुक्‍वाली!

मेथा 18:7 Iomraidhean Croise

मेथा 16:23

हीना येशुगी श्‍याल ग्‍युरती पेटोला सुवालाक, “धी़क ख्‍यो़, ङी ग्‍याप्‍तु सोङ! ख्‍यो़ ङी छीला भारचे हीन घीझ्‍येरी ॱनाना ख्‍यी़ साम्‍लो को़न्‍क्षोकने मेन्‍दा मीने दुक।”

मेथा 26:24

मी-भुला खी़ कोरला ढीक हो़गीन दे च्‍योक्‍रे, झ्‍युङघोगुलाक हीना मी-भुला डागी लाकला ची ग्‍याप्‍कीनगो ॱङ्याली। मी दे जीक्‍तेनदु केवाले ॱमाके हो़ना, घा हुङयेहो़क।”

मारकु 13:7

धेनी ॱमाक्‍ठुक धाङ ॱमाकगी लाबक्‍या खेक्‍याई घोरकीलाक हीना माजीक। दे लाबक्‍या झ्‍युङ घो़गीलाक हीना होदे थागी धी़चो़गो मालाक।

लुका 17:1

येशुगी राङगी ङेनेक्‍याला सुवालाक, “धीक्‍पा झ्‍यीदु च्‍युक्‍कीन ॱली़टेक्‍या हुङगीलाक हीना होदे ॱली़गीन मी दे ॱङ्याली!

योहान्‍ना 17:12

ङा खुङक्‍यामुला हो़ती घाङला, खेराङगी ॱनाङना छेनगी वाङ थोक्‍ने ङी खुङक्‍याला ॱरुरी क्‍योप हो़क। सुङरापला सुङगीनगो डुप्‍येगी क्षीला, तोरये हीन्‍गीन मीगो माना खुङक्‍याने च्‍यीया ॱमातोर हो़तालाक।

जेपा 1:16

“पी़नक्‍याओ, क्षो़ठीमला धाम्‍पे थुक्‍ङीगी ग्‍यावु दावीदगी थोक्‍ने, युदागी कोरला कामो़न जेजा घीरी डुप घो़गीलाक। धेनी होदे डुप्‍पालाक। येशुला शीम्‍गीन मीक्‍याला गोठी झ्‍यीगीन युदागो,

१ कोरीन्‍थुपा 11:19

खेक्‍याने धेपाला तेन्‍पो हो़गीनक्‍या ॱङो़न्‍येगी क्षीदु, खीकी घुङदु स्‍योखाक भेये दे झ्‍युङघोयेदुक।

१ तीमोथेउ 6:1

को़न्‍क्षोकगी छेन धाङ होरी ॱलापच्‍याला कुरवा मीझ्‍युङयेगी क्षीला, ढेन्‍योकगी ॱङ्यास्‍यीङ होकदु हो़गीन हो़लेगी, राङगी दाक्‍पोला ॱमीच्‍यीकी कुरती झ्‍येरी चीघो़।

तीतोस 2:5

साम्‍लो थोङा धाङ चाङमा धाङ नाङले झ्‍यीगीन धाङ सेम शाङपो धाङ ख्‍योवागी, खाला ङेन्‍पो झ्‍युङयेला ॱलाप्‍कीलाक। धेनी को़न्‍क्षोकगी काला ॱमेटा ॱमेपाप्‍कीलाक।

तीतोस 2:8

धाङ क्‍यो़न चुक ॱमीथुक्‍कीन लाब धेन्‍पा तो़न। देरे झ्‍यीना ख्‍यी़ ग्‍याप लोक्‍कीनक्‍याला ङोजा झ्‍युङालाक घीझ्‍येरी ॱनाना खुङक्‍याला होरी कोरला ङेन्‍पा ॱनाये घीया मेयोङालाक।

युदा 1:4

घीझ्‍येरी ॱनाना एम्‍माने ॱहाला ङेपा फोक्‍येला, थाक्‍चो़चा मी रीङगा, खेक्‍याई खोक्‍दु साङवाने जुदुक। खुङक्‍या को़न्‍क्षोकला ॱमीचीगीन मी लाक। खुङक्‍याई होरी, को़न्‍क्षोकगी थुक्‍जेला ॱयो़री दो़छाकला ग्‍युरदुक धेनी होरी दाक्‍पो धाङ चोवो च्‍यीगारा हीन्‍गीन, मास्‍यीका येशुला खेलेन मीझ्‍यीदालाक।