मेथा 18:6 - ॱलोवा

⁶ हीना ङाला धेपा झ्‍यीगीन देरे टुक्‍याने, च्‍यीकला धीक्‍पा झ्‍यीदु च्‍युक्‍ना, होदेगी मीक्‍पाला क्षुथाकगी धोगोङ क्षे च्‍यीक ताक्‍ती, ग्‍याछो नाङदु भीप्‍तु च्‍युक्‍ना घागुलाक।

मेथा 18:6 Iomraidhean Croise

मेथा 17:27

घीहीन्‍ना, खुङक्‍याला फोक्‍तु ॱमीच्‍युक्‍येला, ख्‍यो़ छोला सोरी च्‍याकग्‍यु च्‍यीक क्षु नाङला ॱयुक। धेनी एन्‍ला थो़न्‍गीन ङ्यागो लेन। होदेगी खा पेरी, ॱङुगी टाङगा च्‍यीक ॱङेगीलाक। होदे खेरती, होराङ ॱङीउगी ठागी क्षीला खुङक्‍याला ज्‍योङ।”

मेथा 18:10

“टु च्‍युङा देक्‍याने, च्‍यीकलाः थोङछुङ माझ्‍यी घीझ्‍येरी ॱनाना ङा खेक्‍याला ॱनाहीन, नाम्‍खे श्‍यीङखामदु खुङक्‍याई भाङछेनक्‍याई, नाम्‍खे श्‍यीङखामदु श्‍युक्‍कीन, ङी यापगी श्‍याल च्‍योई ज्‍यालालाक।

मेथा 18:14

होदे च्‍योक्‍रे, टु च्‍युङा देक्‍याने च्‍यीया मेताला ताङये, दे नाम्‍खे श्‍यीङखामदु श्‍युक्‍कीन ङी यापगी थुकोङ मालाक।

मेथा 18:5

दे टु च्‍योक्‍रे टु च्‍यीकला, ङी मीङने खेलेन्‍ना, होदेगी ङाला खे लेन्‍दालाक।

मारकु 9:42

येशुगी याङ सुवालाक, “मी सु च्‍यीया ङाला धेपा झ्‍यीगीन टुवाक्‍याने च्‍यीकला, धीक्‍पा झ्‍यीदु च्‍युक्‍ना मी दी मीक्‍पाला छोराकगी धोगोङ क्षे च्‍यीक ताक्‍ती, खोला ग्‍याछो नाङदु ॱयुक्‍ना घा हुङगुलाक।

जेपा 9:5

“चोवो, राङ सु हीनो?” ॱनेरी साउलगी ढीवालाक। धेनी खोङबागी सुवालाक, “ङा नी ख्‍यी़ दुक्‍पु ताता येशु हीन।

रोमापा 14:21

धा स्‍या मेशाना याङना घुन्‍क्षाङ ॱमीथुङना, धेनी राङगी पी़नला भारचे ताङगीन लेगा घीयाः मीझ्‍यीना घास्‍योकगो लाक।